Aj Levitib 26:33 - Quiché Bible

³³ Are c'u ri ix quinxinjabuj na chquixo'l ri nimak tak tinimit, quintak c'u na bic ch'o'j chiwij; cujalwächij na can jun chaki'j uwo sak ri iwulew, quetz'ini can ri i tinimit tak.

Aj Levitib 26:33 ပူးပေါင်းရင်းမြစ်များ

Nabe Ajawinelab 8:46

Aretak c'u quemacun chwäch la, man c'o ta c'u jun ri ma ta camacunic, cäyactaj c'u oyowal la cuc', quejach c'u la pa u k'ab ri c'ulel rech quebuyutu quebuc'am bic chupam ri rulew, we naj, we nakaj,

Ucab Ajawinelab 25:9

xuporoj c'ut ri rachoch Dios, ri rachoch ri ajawinel xukuje' conojel ri ja ri e c'o chupam ri tinimit, kas c'u e are xenabejisax conojel ri cachoch tak ri nimak tak qui k'ij,

Ucab Tzijobelil 7:19

We c'u ri ix quitas iwib chwij, man quebitz'akatisaj ta c'ut ri pixab xukuje' tak ri takomal ri nu yo'm chiwe, xane' quebipatanij xukuje' quebik'ijilaj jule tak diosib chic,

Ri Nehemiy 1:3

Xquitzelej c'u u bixic chwe: “Ri xeto'taj canok, ri man xec'am ta bic pa jun ulew chic e canajinak can chupam ri ulew, e c'o chupam jun nimalaj c'ax xukuje' esbal q'uixbal. Are c'u ri Jerusalen, ri nim tapia ri c'o chrij, kasan pa ulew, ri e roquibal tak porotajinak rumal ri k'ak'.”

Ri Nehemiy 1:8

Chnataj che la chi xya' la u bixic chke chi we ri uj cujmacunic, cujjabuj na la ri' puwi' ronojel ri uwächulew;

Ri Ester 3:8

Xubij c'ut ri Aman che ri ajawinel Asuer: “Chquixo'l conojel tak ri tinimit ri u tz'akatil ri ajawibal la, c'o jun ri u tasom rib chquixo'l ri niq'uiaj chic; e c'o u pixab ri man e junam ta cuc' ri niq'uiaj tinimit chic, man c'u caquinimaj taj ri e u takanic ri ajawinel. Man takal ta che ri ajawinel chi we tinimit ri' cutakej jekelem chupam ri ajawibal la.

Salmib 106:27

cuban c'u na chi quebecäm na ri e quija'lil, quebujabuj c'u na chquixo'l ri nimak tak tinimit ri e k'ijilal tak diosib.

Salmib 44:11

Uj jachom la, uj jacha' ta ne chij ri quebe pa ri pilibal; uj tuquin la chquixo'l ri quequik'ijilaj ri diosib;

Salmib 44:12

man pakal ta ri c'ayim wi la bic ri tinimit la, man c'o ta c'u ch'äcom la che u c'ayixic bic.

Ri Isaiy 1:7

Ri iwulew canajinak jacha' jun chaki'j uwo sak, quenicow c'ut ri tinimit pa k'ak'. Ri e i c'ulel quequitij ri quitico. Ronojel canajinak canok jacha' jun chaki'j uwo sak, jacha' ri xuc'ulmaj ri Sodom aretak xsachisax u wäch.

Ri Isaiy 6:11

Ri in xinc'ot u chi': “¿Joropa' k'ijol cabeytaj wa', Ajawaxel?” Ri are' xubij chwe: “C'ä casach na qui wäch ri tinimit tak, man c'o ta jun u winakil cäcanajic, c'ä quecanaj na can ri ja qui tuquiel, ri ulew quejamajob canok,

Ri Jeremiy 13:24

Rumal ri' ri ix quixinjabuj na jacha' ri pajo ri cacharchatex bic rumal ri quiakik' aj chaki'j uwo sak.

Ri Jeremiy 15:4

Quinban na chi conojel ri nimak tak tinimit pa ri uwächulew caquixe'j na quib che ri quenbana' na chque, rumal rech ri u banom ri ajawinel re Juda, ri Manases, ri u c'ojol ri Ezequiy pa Jerusalen.

Ri Jeremiy 31:10

Nimak tak tinimit, chitatabej ri u tzij ri Ajawaxel chiya' u bixic pa ri naj tak tak'aj: ‘Ri Ajawaxel xujabuj ri Israel, cumulij c'u na cuchajij c'u na jacha' ri cuban ri ajyuk' che qui chajixic tak ri e u chij.’

Ri Jeremiy 4:7

Ri coj elinak ulok chupam ri u c'olbal, ri cusachisaj qui wäch ri nimak tak tinimit petinak; elinak ulok pa ri u jekelibal che u sachisaxic u wäch ri awulew, che qui tolobaxic xukuje' qui yojixic tak ri e a tinimit.

Ri Jeremiy 7:34

Quebenwetzelaj na qui wäch tak ri bix re nimak'ij xukuje' re jajatem ri queban chquipam tak ri tinimit re Juda xukuje' xo'l tak ri ja pa Jerusalen, xukuje' tak ri bix quech c'ulanem; ronojel ri ulew cäq'uextaj na pa jun chaki'j uwo sak.”

Ri Jeremiy 8:3

Ri quec'asi' can chque we itzel tak winak ri', pa apachique ta c'u ne c'olbal ri querik taj wi aretak e nu jabum chic, are caquirayij na quecämic chuwäch chi quec'asi'c. In, ri Ajawaxel Dios ri c'o ronojel nu cuinem, quinjiquiba' u bixic.”

Ri Jeremiy 9:16

Quebenjabuj chquixo'l ri nimak tak tinimit ri mawi ri e are' mawi ri e qui tat xquetamaj ta qui wäch; quinban na chi quebokatax ruc' ch'ich' re ch'o'j pa k'abaj, c'ä man c'o ta jun cacanaj ta canok.”

Juyuwem 1:1

¡Sibalaj xtolobax canok ri tinimit ri nojinak can chque winak nabe! ¡U wächbal malca'n canajinak wi ri nimalaj tinimit ri qui chuch tak ri tinimit! ¡Cojom chuk'ab che, che qui banic tak chac ri man carajtaj cubano: ri mialaxel que tak ajawibal!

Juyuwem 1:3

Man xuwi ta c'ut ri rikoj tak c'ax xukuje' ri c'axalaj tak chac, ri Juda cätajin cucoch' camic ri qui c'aslemal ri lok'om tak pataninelab. Ri cajawin nabe chquixo'l tak ri tinimit camic man curik ta uxlanem. Ri qui tzucum tak u banic c'ax che, xkaj pa qui k'ab xquinim c'u pa tak jutz'.

Juyuwem 4:15

Ruc' rakoj chi'aj xbix chque: “¡Chitasa' iwib, chitasa' iwib; e ch'uluj tak winak, mebinako! Xak e wacatelab ri man quejeki' taj, man ya'tal ta chque chi caquitakej c'aslem waral, quecha' ri e k'ijilal tak diosib.”

Juyuwem 4:16

Ri u wächbal ri Ajawaxel xejabunic, man xuya' ta chi u wäch chque. Man nim ta chi xebil wi ri e cojol tabal tok'ob mawi xtok'obisax qui wäch ri ri'jab tak winak.

Ri Ezequiel 12:20

Ronojel tinimit ri e c'o winak chupam; casachisax na u wäch; ri ulew cux na jun chaki'j uwo sak. C'äte c'u ri' quich'ob na ri ix chi in ri' ri Ajawaxel.’ ”

Ri Ezequiel 20:23

Chupam ri chaki'j uwo sak xinban ri chi'nic ri kas cäban na, xincha' chquebenjabuj pa conojel ri nimak tak tinimit ri e c'o cho ri uwächulew,

Ri Ezequiel 22:15

Catintuquij na chquixo'l ri nimak tak tinimit, catinjabuj na chquixo'l tak ri ulew kas c'u catinjosk'ij na quinwesaj na ri awetzelal;

Ri Ezequiel 5:2

Aretak cätani' ri ch'o'j ri cäban ruc' ri tinimit, chaporoj ri jun u roxil ri wi'aj pa u niq'uiajil ri tinimit; chac'ama' c'ut jun cuchilo, charamij chi c'ut ri jun chic u roxil ri wi'aj chrij ri tinimit, are chi c'u ri c'ä c'o na chajabuj pa ri quiakik'. Ri in quinbe na chquij ri winak ri e c'o pa ri tinimit, quinwuc'aj bic jun ch'ich' re ch'o'j pa nu k'ab.

Ri Osey 9:6

Ri e are' e animajininak bic chuwäch ri sachbal wächaj; Ri Ejipt quebumulij na quemuk c'u na pa Memps. Ri e qui k'inomal tak re sak puak quenoj na che tak la, chquipam tak ri e qui kajebal queq'uiy tak na q'uix.

Ri Amos 9:4

we quebe pa jun ulew chic quec'am bic cumal tak ri quec'ulelanic, quintak c'u na bic ri ch'ich' re ch'o'j che qui cämisaxic. ¡Che etzelal, man che ta c'u utzil, amak'el quinya' nu wäch chque!”

Ri Zacariy 7:14

Rumal ri' xebenjabuj jacha' ta ne ri rumal jun salc'um chquixo'l conojel ri nimak tak tinimit ri man queta'm ta qui wäch, xcanaj c'u can ri culew chquij ri xq'uextaj pa jun chaki'j uwo sak ri man c'o ta jachin jun ri cacuin taj cäjeki' ta chila'. ¡Jun je'lalaj ulew, are c'u ri e are' xquijalwächij pa jun toloticalaj juyub ri man c'o ta chi cac'am che!”

Ri Lucax 21:24

Quek'ok'ex na che ch'ich' re ch'o'j, jujun chi c'ut queyut bic quec'am bic pa conojel tak ri nimak tak tinimit; are c'u ri Jerusalen cätac'alex na cumal ri man aj judeyib taj, c'ä quetz'akatisax na ri qui k'ij ri man aj judeyib taj.”

U Camulixic ri Pixab 4:27

Ri Ajawaxel quixujabuj na pa conojel ri nimak tak tinimit, xa c'u ix quieb oxib quixto'taj na chquipam ri nimak tak tinimit.

Santiago 1:1

In Santiag, u lok'om pataninel ri Dios xukuje' rech ri Ajaw Jesucrist, quinya' rutzil qui wäch ri cablajuj ramak' ri Israel ri qui jabum quib pa ronojel ri uwächulew.