Aj Levitib 26:31 - Quiché Bible

³¹ Quinban na chi quetz'inow can ri i tinimit tak, quinq'uis na tzij paquiwi' ri i k'ijilabal tak, man quebensik ta chic ri c'oc'alaj tak sipanic ri quichi'j tak chwe.

Aj Levitib 26:31 ပူးပေါင်းရင်းမြစ်များ

Chapletajic 8:21

Aretak xopan ri c'oc'alaj ruxlab ri tabal tok'ob chuwäch ri Ajawaxel, xubij: “Mawi jumul quinc'okoj ta chic ri ulew u mac rech ri winak, kas c'u pa ri rac'alal ulok ri winak xuwi cuchomaj ri man utz taj. Xukuje' mawi jumul quinsach chic qui wäch conojel ri awaj, jas ri nu banom.”

Ucab Ajawinelab 22:19

rumal c'u rech chi slabetajinak ri awanima' xatkeb c'u wuc' aretak xatatabej ri k'alajisanic ri nu yo'm chrij we c'olbal ri' xukuje' ri winak ri e c'o chupam, chi quejocoq'uex na bic e c'okotajinak c'ut, rumal rech chi xajis ri awatz'iak chawij xukuje' chi xatok' chnuwäch, ri in xatintatabej. In, ri Ajawaxel, quinbij chawe.

Ucab Tzijobelil 36:19

Xquiporoj c'u ne ri rachoch ri Dios, xquit'akij ri u tapia ri Jerusalen, xquit'ik k'ak' chque tak ri e rachoch ri ajawinel xquisachisaj u wäch ronojel ri c'olic ri pakal rajil.

Ri Nehemiy 1:3

Xquitzelej c'u u bixic chwe: “Ri xeto'taj canok, ri man xec'am ta bic pa jun ulew chic e canajinak can chupam ri ulew, e c'o chupam jun nimalaj c'ax xukuje' esbal q'uixbal. Are c'u ri Jerusalen, ri nim tapia ri c'o chrij, kasan pa ulew, ri e roquibal tak porotajinak rumal ri k'ak'.”

Ri Nehemiy 2:17

Xinbij c'u chque: “Ri ix kas iweta'm ri c'axalaj c'ulmatajic ri uj riktajinak wi, ri Jerusalen e yojyobinak, ri e roquibal e ak'alirinak. Chijunaj iwib wuc', kabana' u yaquic ri u nim tapia ri Jerusalen, rech ma ta cätakex ka yok'ic.”

Ri Nehemiy 2:3

xinbij c'u che ri ajawinel: “¡Amak'el chc'asal la, ajawinel! ¿Jas ta c'u che chi ma ta in c'o pa bis, we ri tinimit jawije' ri e mukutal tak wi ri e nu mam c'o pa yojyobic xukuje' tak ri e roquibal e porotajinak?”

Ri Isaiy 1:7

Ri iwulew canajinak jacha' jun chaki'j uwo sak, quenicow c'ut ri tinimit pa k'ak'. Ri e i c'ulel quequitij ri quitico. Ronojel canajinak canok jacha' jun chaki'j uwo sak, jacha' ri xuc'ulmaj ri Sodom aretak xsachisax u wäch.

Ri Isaiy 6:11

Ri in xinc'ot u chi': “¿Joropa' k'ijol cabeytaj wa', Ajawaxel?” Ri are' xubij chwe: “C'ä casach na qui wäch ri tinimit tak, man c'o ta jun u winakil cäcanajic, c'ä quecanaj na can ri ja qui tuquiel, ri ulew quejamajob canok,

Ri Isaiy 63:18

Man naj ta xbeytaj ri tastalicalaj tinimit la che rechbexic ri ulew. Ri e ka c'ulel xquixak'lej ri achoch la.

Ri Isaiy 64:9

Ajawaxel, mape nimalaj oyowal la, mawi menataj ri ketzelal amak'el che la. Chila la chi uj tinimit la.

Ri Isaiy 66:3

E c'o c'u jujun ri cäquipil jun ama' wacax, xukuje' cäquicämisaj c'u jun achi; cäquitok' u kul jun chij, xukuje' cäquik'ajisaj rij u wi' jun tz'i'; quequichi'j c'äj xukuje' ri u quiq'uel jun ak cäquiporoj c'oc' k'ol cäquik'ijilaj c'u jun dios. Chque ri xequicha' qui banic we itzel tak nak'atisabal ri', cäkaj ri qui banic ronojel wa' chquiwäch.

Ri Jeremiy 22:5

We c'u ne man caquiya' qui xiquin chque tak we pixbenic ri', we rachoch we ajawinel ri' cäwulitaj na. In, ri Ajawaxel, quinjiquiba' u bixic.’ ”

Ri Jeremiy 26:6

quinban c'u na che we wachoch ri' je jas ri xinban che ri xc'oji pa Sil. Quinban na che we tinimit ri' jun esbal no'j re c'okonic chque conojel tak ri winak re ri uwächulew.’ ”

Ri Jeremiy 26:9

¿Jas ri cabano cachajij anima' che u bixic pa ri u bi' ri Ajawaxel chi we rachoch Dios ri' je cäcanajic jacha' ri ja re ri Sil, xukuje' chi we tinimit casachisax na u wäch man c'o ta chi c'u winak quecanaj ta chi can chupam?” Conojel c'u ri winak xquiq'uiak quib chupam ri rachoch Dios, chrij ri Jeremiy.

Ri Jeremiy 4:26

Xinca'yic xebenwil tak ri ticonijibal tak cotz'i'j conojel e toltobinak, conojel c'ut tak ri tinimit e yojyobinak. Ri xibibalalaj royowal ri Ajawaxel are banowinak ronojel wa'.

Ri Jeremiy 4:27

Ri Ajawaxel cubij: “Ronojel ri ulew cätolobax na, man c'u quinsachisaj ta na u wäch chnimalaj ronojel.

Ri Jeremiy 4:7

Ri coj elinak ulok chupam ri u c'olbal, ri cusachisaj qui wäch ri nimak tak tinimit petinak; elinak ulok pa ri u jekelibal che u sachisaxic u wäch ri awulew, che qui tolobaxic xukuje' qui yojixic tak ri e a tinimit.

Ri Jeremiy 44:2

“Ri Ajawaxel ri c'o ronojel u cuinem, ri u Dios ri Israel, je cubij wa': ‘Ix xebiwil conojel ri nimak tak c'axc'ol ri e nu kasan puwi' ri Jerusalen xukuje' ri niq'uiaj tak tinimit chic aj Juda. Camic e yojyobinak man c'o ta jachin c'o ta chquipam

Ri Jeremiy 44:6

Xnicow c'ut ri woyowal xukuje' ri nu c'anal, xenicow c'ut jacha' jun k'ak' chquipam ri tinimit tak re Juda xukuje' pa ri u xo'l tak ja pa Jerusalen. E yojyobisam xukuje' e tolobam c'ä camic.

Ri Jeremiy 52:13

xut'ik c'u k'ak' che ri rachoch ri Dios, ri rachoch ri ajawinel xukuje' conojel ri ja ri e c'o pa ri tinimit, kas c'u e are xeranej ri cachoch conojel ri nimak tak qui k'ij,

Ri Jeremiy 9:11

Quenbana' che ri Jerusalen chi cux jumulaj abaj, chi cux qui warabal xexalaj tak awaj; quinban na chi ri tinimit tak re Juda quebux na chaki'j uwo sak, man c'o ta chi c'u winak quecanaj ta chi can chupam.”

Juyuwem 1:1

¡Sibalaj xtolobax canok ri tinimit ri nojinak can chque winak nabe! ¡U wächbal malca'n canajinak wi ri nimalaj tinimit ri qui chuch tak ri tinimit! ¡Cojom chuk'ab che, che qui banic tak chac ri man carajtaj cubano: ri mialaxel que tak ajawibal!

Juyuwem 1:10

Ri c'ulel u banom rech chque tak ri e u k'inomal ri Jerusalen. Ri tinimit xeril ri e k'ijilal tak diosib quetininic xeboc chupam ri k'ijilabal, ¡Winak, ri yo'm wi la takanic Ajawaxel, chi man cuya' taj queboc chupam ri c'olbal la re mulin ib!

Juyuwem 2:6

Jacha' jun eläk'om, xutokij ri u k'ijilabal xuyojij ri c'olbal ri queban wi ri mulin tak ib. Ri Ajawaxel xubano chi pa Sion quesach pa qui jolom coc'owisaxic tak ri e nimak'ij xukuje' ri k'ij que uxlanem. Pa ri u k'ak'al ri royowal, xuxutuj ri ajawinel xukuje' ri cojol tabal tok'ob.

Juyuwem 2:7

Ri Ajawaxel u xutum ri u porobal wi tabal tok'ob che, retzelam u wäch ri cäk'ijilax wi; e u jachom tak pa u k'ab ri c'ulel ri e nimak tapia ri e k'atibal rij ri tinimit. ¡E c'o jun rakoj tak chi'aj chupam ri Rachoch ri Ajawaxel, je ta ne jun k'ij re nimak'ij!

Ri Ezequiel 12:20

Ronojel tinimit ri e c'o winak chupam; casachisax na u wäch; ri ulew cux na jun chaki'j uwo sak. C'äte c'u ri' quich'ob na ri ix chi in ri' ri Ajawaxel.’ ”

Ri Ezequiel 21:15

Ri are' quebunojisaj na che xe'n ib, q'ui cämisanic cuban na. Pa conojel tak ri cachoch nu cojom wi ri ch'ich' re ch'o'j ri cäcämisanic. Are' ri ch'ich' re ch'o'j ri jolk'irisam che u cojic xe'n ib, banom u ware che cämisabal.

Ri Ezequiel 21:7

We c'u ne cäc'ot a chi' jasche cätok'ic, chabij chque chi rumal jun jasach ri xya' u bixic ri xa' jubik' man quec'ulmatajok, conojel c'ut ri winak ri e c'o chuwäch ri uwächulew quebejbob na quetuktub na tak ri qui k'ab; man c'o ta chi jun c'o ta chajin anima' ruc', conojel quebirbitlab tak ri qui ch'ec rumal xe'n ib. Chanim cäpe ri jok'otaj, quec'ulmataj chanim. In, ri Ajawaxel, quinjiquiba' u bixic.”

Ri Ezequiel 24:21

‘Chabij che ri tinimit Israel: Are wa' ri cubij ri Ajawaxel: Quenwawasij ri wachoch, ri sibalaj cäkaj chiwäch sibalaj c'u quinwaj xukuje' ri qui banbej nimal, ri xukuje' cayo'w i chuk'ab; ri e i c'ojol ri e i mia'l ri e i yo'm can pa Jerusalen xa' quecämisax na.

Ri Ezequiel 6:6

Pa conojel tak ri c'olbal jawije' ri chixejekel wi na, ri tak tinimit casachisax na qui wäch xukuje' tak ri e qui porobal ri quequik'ijilaj wi tak ri diosib quecanaj na pa yojoyobic. Ri e tak qui porobal kas quetz'akat can qui yojyobisaxic, ri e diosib quemuchitajic; ri e qui porobal che u poroxic c'oc' k'ol, quet'akixic; ronojel ri i banom ix cächup na u wäch.

Ri Daniel 2:46

Xuxucuba' c'u rib ri ajawinel Nabucodonosor chuwäch ri Daniel, xupachba' c'u ri u jolom c'ä cho ri ulew xtakan c'ut chi cachi'x tabal tak tok'ob chuwäch xukuje' c'oc' k'ol.

Ri Amos 7:9

Ri e u k'ijilabal ri Isaac quesachisax na qui wäch, xukuje' ri cak'ijilan wi tak ri Israel queyojyobitaj canok. ¡Quinwalijisaj na ri ch'ich' re ch'o'j che qui cämisaxic tak ri e ralaxic ri Jeroboam!”

Ri Miquey 3:12

Man je ta c'u ri', u mac iwech ix, ri Jerusalen, ri tinimit aj juyub Sion, cacanaj canok jacha' jun c'upuj, pa jumulaj etzeletajic, are c'u ri juyub ri' ri c'o wi rachoch Dios cach'ukutaj na cumal patzapak tak k'ayes.

Ri Soponiy 3:6

Cacha' ri Ajawaxel: “E nu yojim ri nimak tak tinimit, e nu lilobisam tak ri tac'atak tak ja ri e c'o paquiwi' tak ri qui nimak tak tapia e nu tolobam c'u canok ri e u xo'l tak cachoch, man c'o ta chi winak ri queboc'ow ta chi chquipam. ¡Chquipam tak ri qui tinimit ri e canajinak can qui tuquiel man c'o ta jun u winakil cajeki' ta can chquipam!

Ri Lucax 21:24

Quek'ok'ex na che ch'ich' re ch'o'j, jujun chi c'ut queyut bic quec'am bic pa conojel tak ri nimak tak tinimit; are c'u ri Jerusalen cätac'alex na cumal ri man aj judeyib taj, c'ä quetz'akatisax na ri qui k'ij ri man aj judeyib taj.”

Hechos 6:14

Ka tom chi cubij, chi we Jesus ri' ri aj Nazaret cuwulij na ri rachoch Dios ri', quebuq'uex na ri nak'atisabal ri e u yo'm can ri Moises chke.”

Hebreos 10:26

We cäkatakej u banic ri mac aretak ketamam chic ri kastzij, man c'o ta chi tabal tok'ob ri cäcanaj ta cho ri Dios che qui sachic ri mac.