Aj Levitib 26:26 - Quiché Bible

²⁶ Aretak quink'ip ri u c'u'x ri i caxlanwa, lajuj ixokib quechak'ajisan na ri i caxlanwa pa jun ja', xak c'u pajtal chic ri quitijo; quixwa'ic man c'u quixnoj taj.

Aj Levitib 26:26 ပူးပေါင်းရင်းမြစ်များ

Ucab Ajawinelab 6:25

Xpe c'u jun nimalaj wi'jal pa Samar, sibalaj c'u lak'aputalic chi ri u jolom jun bur xopan jumuch' rakan sak puak ri rajil, niq'uiaj libra u mes palomax rajil job rakan sak puak.

Salmib 105:16

Xuc'am ulok wi'jal pa ri ulew ri', xresaj ronojel u wäch tzukbal chque.

Ri Isaiy 3:1

¡Kas chixoc il! Ri Ajawaxel ri c'o ronojel u cuinem cäresaj na che ri Jerusalen xukuje' che ri Juda ronojel qui wäch yanelab, xukuje' ronojel wa ja' ri catzukunijic.

Ri Isaiy 5:10

Cawinak lajuj c'am ulew ri ticom uva chuwäch, xa jun alaj bo'j u wa'l uva cuyao'. Lajuj coxtar ija' xa' jun coxtar trico cuya'.”

Ri Isaiy 9:19

Rumal ri royowal ri Ajawaxel ri c'o ronojel u cuinem ri tinimit cätajin cänicowic, ri k'ak' cusach u wäch ri tinimit cäquitij ri qui ti'jal ri calc'ual, man quel ta qui c'u'x chque ri cachalal. Waral c'o jun ri cubik'ila' ri u wa, cäcanaj c'u ruc' numic, c'o chi apan jun jela' ri cäwa'ic man cänoj ta c'ut.

Ri Jeremiy 14:12

Pune' ta sibalaj cuq'uisa' rib che man cuya' taj caban wa'im, man quebentatabej taj ri e u tz'ononic; xa' ta ne e joropa' tabal tok'ob ri quechajirisaxic xukuje' tabal tak tok'ob quech c'äj ri quequic'am ta ulok chwe, man utz ta quebenwil na. Quinsachisaj na u wäch rumal ch'o'j, wi'jal xukuje' yabilal.

Ri Ezequiel 14:13

“We c'o jun tinimit cämacun chnuwäch man jic ta c'u cäbin chnuwäch, ri in quinwalijisaj na ri nu k'ab che u c'äjisaxic u wäch quebenwesaj na ri jastak ri cutzukbej rib; quintak ulok wi'jal puwi', quinban c'u na chi quecäm tak ri winak xukuje' tak ri awaj.

Ri Ezequiel 4:10

Catij na ri a wa pa q'uiakal tak jok'otaj, niq'uiaj tak libra catij che ri jun k'ij,

Ri Ezequiel 4:16

Xubij chi c'u chwe: “Quenbana' na chi man c'o ta chi qui wa ri winak caquitij pa Jerusalen. Ri wa xak jujun tak bik' chic cäya'ic, ri winak caquitij na ruc' aninakil; ri joron xa' pajtal chic, caquikumuj na e nojinak che xe'n ib.

Ri Ezequiel 4:17

Man cubana' ta ri cuq'uia' mawi ri qui wa', caquica'yela' c'u tak quib e nojinak che xe'n ib. Rumal c'u quech ri qui mac e c'aslic cäbe qui k'ayic.”

Ri Ezequiel 5:16

In quinban na chi quepe ri wi'jal piwi', jacha' xibibalalaj tak ch'ab ri quesachan wächaj. Je, quinban na chi cäpe piwi' ri sachbal wächaj xukuje' ri wi'jal man quirik ta chi c'ut ri quitijo.

Ri Osey 4:10

Rumal c'u rech chi qui tanabam can u patanixic ri Ajawaxel, quewa' na man c'u quenoj taj; cäquiban ri qui mac ri quech ri nim ch'utin, man c'u e c'o ta tak calc'ual.”

Aj Levitib 26:27

We c'u man quixoc che nu nimaxic cumal we jastak ri', xane' quitakej nu c'ulelaxic,

Ri Miquey 6:14

Catwa'ic, man c'u catnoj taj, catakej c'u na u coch'ic numic; quebamulij ri catijic man catcuin ta c'ut c'o ta catanij, man catcuin ta c'ut c'o ta catanij canok, we c'u c'o jubik' catanij canok quinban na chi ri ch'o'j cusachisaj u wäch.

Ri Hajey 1:6

Ri ix, q'ui ri tico'n quibano, xa' c'u jubik' ri wächinic ri quiyaco; quixwa'ic, quixuq'uianic, man c'u quixnoj taj, quixcanaj c'u ruc' chaki'j chi'; quipisisej iwib, man c'u quixoc ta pa mik'inal; are c'u ri cachacun chk'ij, cuya' ri cuch'äco chupam jun c'olbal ri tek'elic.