Aj Levitib 26:25 - Quiché Bible

²⁵ Quinc'am na ulok cämical piwi', che u c'äjisaxic i wäch u mac rech chi man i tz'akatisam taj ri nu c'ulwächinic; we c'u quitzucuj u to'ic iwib pa tak ri i tinimit, ri in quintak na ulok yabil chixo'l, quixkaj c'u na pa u k'ab ri c'ulel.

Aj Levitib 26:25 ပူးပေါင်းရင်းမြစ်များ

Ucab Samuel 24:15

Xutak c'u ulok ri Ajawaxel jun cämisanelalaj yabil puwi' ri Israel, kas pa ri u sakaric ri' c'a pa ri k'ij ri xbixic, kas c'a pa Dan c'a pa Beerseb xecäm oxc'al lajuj mil (70,000) winak.

Nabe Ajawinelab 8:33

Aretak ri c'ulel cäch'äcan puwi' Israel ri tinimit la, rumal rech chi macuninak chwäch la, we cätzelej uc' la, cuk'ijilaj ri bi' la, cutz'onoj c'u tok'ob che la pa tak ri u ch'awem uc' la chupam we achoch la ri',

Nabe Ajawinelab 8:37

Aretak pa ri ulew c'o wi'jal, o yabil ri man cunabal ta cäraj, o quechaki'jar tak ri tico'n rumal ri k'ak', o quepe yabil re ch'ajach, sac' o xjut; aretak ri c'ulel cusutij quij tak ri ka tinimit, quech'ojin c'u cuc', o cäpe apachique u c'axc'olil o yabilal,

Ucab Ajawinelab 17:3

Ri Salmanasar, ajawinel re Asiriy, xch'ojin ruc' ri Osey, xux c'u pataninel rech wa' xtojon c'u pa u k'ab.

Ucab Tzijobelil 24:24

Man e q'ui taj ri ajch'ojab aj siriyab ri xebopan che u banic ri ch'o'j, xebujach c'ut ri Ajawaxel ri sibalaj q'uialaj ajch'ojab pa qui k'ab, rumal rech chi qui tzakom can ri Ajawaxel, ri qui Dios ri e qui mam. Are c'äjisabal wächaj wa' xurik ri Joas ri takal che.

Salmib 94:1

¡C'utu' ib la, Ajawaxel, Dios ri quebuya' rajil c'axelal!

Elem 5:3

Ri Moises ri Aaron, xquibij che ri ajawinel: “Ri qui Dios ri aj hebreyib petinak che ka rikic; rumal ri' cujbe na pa ri chaki'j uwo sak, oxib k'ij be cäkaban na, quekaya' c'u tabal tok'ob chuwäch ri Ajawaxel ri ka Dios, mebutak c'u ne ulok ch'o'j o yabil pakawi' che ka cämisaxic.”

Ri Isaiy 1:20

we c'u quitakej ri man nimanic taj, man c'o ta i to'tajic kas quixcämisax wi pa ri ch'o'j.” Kas are ri Ajawaxel xbin wa'.

Ri Isaiy 65:12

itzel c'aslemal quixeyenic: quinya' na be chi quixcämisax ruc' ch'ich' re ch'o'j. Rumal rech chi xixinsiq'uij man xixniman ta c'ut xixinch'abej man xinitatabej ta c'ut xiban ri man xkaj ta chnuwäch, xicha' ri xyacow woyowal.”

Ri Jeremiy 19:7

Chupam we c'olbal ri' quinban na ch'akatak che ri u chomam u banic ri Juda xukuje' ri Jerusalen. Quinban na chi ri e qui c'ulel quech'äcan na paquiwi' quequicämisaj c'ut, e are' c'ut we cäminak tak winak ri' quebajwataj na che qui ti' tak ri c'uch xukuje' che qui ti' ri juyubal tak awaj.

Ri Jeremiy 24:10

Quintak na ri ch'o'j paquiwi', ri wi'jal xukuje' ri cämisanel yabil, c'ä man c'o ta jun cäcanaj ta na canok chque chupam ri ulew ri xinya' chque e are' xukuje' chque ri e qui mam.”

Ri Jeremiy 50:28

(Winak ri xebanimaj ulok pa Babilon xebopan pa Sion caquitzijoj tak ri xuban ri Ajawaxel ri ka Dios chi u yo'm ri rajil u q'uexelal che ri Babilon rumal ri xuban are' che retzelaxic ri rachoch Dios.)

Ri Jeremiy 51:11

Ri Ajawaxel are caraj cusachisaj u wäch ri Babilon, u c'asum c'u pa qui jolom tak ri ajawinelab re Med we junam chomanic ri'. Are c'u rajil c'axelal wa' cuya' ri Ajawaxel u mac rech ri xquiban che ri rachoch. ¡Chebisuc'umaj tak ri ch'ab! ¡Chebiwuc'aj tak ri i quetecak tak i ch'ich'!

Ri Jeremiy 9:16

Quebenjabuj chquixo'l ri nimak tak tinimit ri mawi ri e are' mawi ri e qui tat xquetamaj ta qui wäch; quinban na chi quebokatax ruc' ch'ich' re ch'o'j pa k'abaj, c'ä man c'o ta jun cacanaj ta canok.”

Juyuwem 2:21

E liq'uiloj ri c'ojolab xukuje' ri nimak tak winak xo'l tak ri ja re ri tinimit; xecämisax rumal ch'ich' re ch'o'j. Chupam ri k'ij re ri oyowal la, xsocon la che cämical ¡Xcämisan la man ruc' ta tok'obisam wächaj!

Ri Ezequiel 14:17

We ta c'u quinc'am ulok ri ch'o'j puwi' we ulew ri' quinya' ta c'u ri takanic chquecämisax ri achijab xukuje' ri awaj,

Ri Ezequiel 20:37

Ri in quixinsolij na jacha' cuban jun ajyuk' ri querajilaj tak ri e u chij, quinban c'u na chiwe chi quixoc chuxe' ri c'ulwächinic.

Ri Ezequiel 29:8

‘Rumal ri' in, ri Ajawaxel, quinbij: Ejipt, quenbana' na chi catcämisax ruc' ch'ich' re ch'o'j, xukuje' chi quecämisax ri e awachijab xukuje' tak ri e awawaj.

Ri Ezequiel 33:2

“At, winak, chebatzijobej ri e a winak, chabij c'u chque: ‘Aretak quintak bic ri ch'o'j pa jun ulew, ri winak re ri ulew ri' caquicha' jun chquixo'l rech caquicoj che yuxlenel.

Ri Ezequiel 5:17

Je, quinban na chi cäpe piwi', wi'jal, yabil xukuje' cämical; xukuje' juyubal tak awaj ri quequiq'uis na qui tijic tak ri e i walc'ual; quinban c'u na chiwe chi quixecäm pa ri ch'o'j. In, ri Ajawaxel, nu bim.”

Ri Ezequiel 6:3

je chabij wa' chque: ‘Chitatabej, e u juyub tak ri Israel, ri cubij ri Ajawaxel chque tak ri juyub, ri ch'ucuch'ak tak juyub, ri nima' xukuje' tak ri beya': Quenbana' na quebensachisaj c'u na qui wäch ri c'olbal ri quek'ijilax wi tak diosib.

Ri Osey 11:6

Ri ch'ich' re ch'o'j cakaj na paquiwi' ri qui tinimit cuq'uis c'u na tzij paquiwi' ri e qui cowirisabal, cäsachisax na qui wäch rumal quech tak ri chomanic ri quequibano.

Aj Levitib 26:6

Quinya' na utzil cho ri uwächulew, quixwar c'u na pa utzil, man c'o ta jas quixxibin na, xukuje' quebenwesaj na ri itzel tak awaj pa tak ri iwulew, man c'o ta c'u ch'o'j cäpe na puwi' ri i tinimit.

Ri Amos 4:10

“Xintak ulok jun banbal c'ax piwi' jacha' ri xintak ulok puwi' ri Ejipt; xinbano chi ri e i c'ojolab xecäm pa tak ri juyub ri xeban wi tak ri ch'o'j xinya' c'u c'olbal chi ri c'ulel xuban rech chque tak ri e i quiej; xinban chiwe chi xebisik tak ri qui chuwil tak ri cäminakib ri xecäm chupam ri ch'o'j ¡e are' tak c'ut ri ix man xixtzelej ta wuc'!” Ri Ajawaxel cujiquiba' u bixic.

Ri Habacuc 3:5

Chuwäch ri are' quebopan wi ri cämisanelalaj tak yabil, chrij c'ut ri nimalaj k'ak' lak'apunel.

Ajilanic 14:12

Quintak na ulok jun cämisanel yabil paquiwi' che qui k'atixic rech man queboc ta che rechbexic we ulew ri'; chawe c'u at quinban c'u na jun tinimit ri nim na xukuje' c'o na u chuk'ab chquiwäch e are'.”

Ajilanic 16:49

e cäminak chi c'ut cajlajuj mil ruc' wukub sient (14,700) winak, man xeboc ta c'u pa ajilabal ri e cäminak nabe, aretak xuwalijisaj rib ri Core.

Ajilanic 31:3

Xubij c'ut ri Moises che ri tinimit: “Jujun tak chiwe chebiwika' iwib che u banic ri ch'o'j, chbicämisaj c'ut ri aj madianib che u ya'ic rajil q'uexel chque pa ri u bi' ri Ajawaxel.

Ri Lucax 21:11

Cuban na nimak tak cabrakan. Quepe na wi'jal ruc' yabil pa jalajoj tak c'olbal. Quec'oji' na jastak xibibal, quec'oji' na nimak tak etal aj chicaj.

U Camulixic ri Pixab 28:21

Ri Ajawaxel cutak na ulok jun cämisanel yabil ri cusach na a wäch pa ri ulew ri catejekel wi na.

U Camulixic ri Pixab 32:25

Quek'ok'ex na tak ri e qui c'ojol xo'l tak ri ja, are quebajawin na ri xibinelab pa tak ri cachoch; quecäm na ri alabom xukuje' ri alitomab, ri ri'jab xukuje' ri c'a quetu'nic.

U Camulixic ri Pixab 32:35

che ri k'ij ri quinya' na rajil u q'uexel chque, quinya' c'u ri takal chque, aretak copan ri k'ij re ri qui tzakic, nakaj chi c'u c'o wi ri k'ij re ri u sachic qui wäch, xa co'l man cänakajin ri k'ijol chque.

U Camulixic ri Pixab 32:41

chi aretak quinban u ware ri nu ch'ich' re ch'o'j, ri sibalaj cäjulwic, quinchaplej c'u u k'atic tzij, quinya' na ri rajil u q'uexel chque ri nu c'ulel, quinya' na ri c'äjisabal qui wäch ri cäquetzelaj nu wäch, jas ri takal chque.

K'atal tak Tzij 15:11

Aretak xquita' wa', e oxib mil (3,000) achijab ri e aj ramak' ri Juda xebe chuchi' ri pec ri c'o che ri nimalaj xäk ri c'o pa Etam, xquibij c'u che ri Sanson: “¿La ma ta aweta'm chi ri aj pilisteyib sibalaj c'o na qui chuk'ab chkawäch uj? ¿Jasche uj a yo'm pa we c'ax ri'?” Ri Sanson xutzelej u bixic chque: “In man c'o ta nu banom, xuwi nu yo'm rajil u q'uexel ri qui banom chwe.”