Aj Levitib 26:22 - Quiché Bible

²² Xukuje' quebentak na ulok juyubal tak awaj chiwij ri quequic'am na bic ri iwalc'ual, xukuje' cäquiq'uis tzij paquiwi' ri e iwawaj, quinchaplej c'u u sachic i wäch, ri e i be xak quetz'inow chi canok.

Aj Levitib 26:22 ပူးပေါင်းရင်းမြစ်များ

Ucab Ajawinelab 17:25

Rumal c'u rech chi we winak ri' man quek'ijilan ta che ri Ajawaxel, aretak xquichaplej u jekebaxic quib ri Ajawaxel xebutak ulok coj, ri xequicämisaj jujun chque.

Ucab Ajawinelab 2:24

Ri Elisey xuya' u wäch chque, xebuca'yej xebuc'okoj c'ut pa ri u bi' ri Ajawaxel. Kas chanim c'ut xebel ulok quieb os chquij chupam ri c'ache'laj xequimuch cawinak quieb chque.

Ucab Tzijobelil 15:5

Pa tak c'ut ri k'ijol ri' man c'o ta can jamaril che jachin jun, xane' xuwi elem tak ch'ujilal c'o chquixo'l ri winak pa ri jalan tak ulew.

Ri Isaiy 24:6

U mac ri' jun c'okonic q'uisowinak tzij puwi' ri uwächulew, ri winak ri e c'o chuwäch caquicoch' ri c'äjisabal wächaj. Rumal ri' benak qui q'uisic ri winak re ri uwächulew, man e q'ui ta chic ri e canajinak.

Ri Isaiy 33:8

E tz'inil tak ri be, man c'o ta jun cäbinebenic. Queyojix tak ri c'ulwächinic xukuje' ri chomanic ri e banom man c'o ta chi jun winak nim ta quil wi.

Ri Jeremiy 15:3

In, ri Ajawaxel, quinjiquiba' u bixic: quebentak ulok quiejeb jalan tak c'äjisabal wächaj: quecämisax na pa ri ch'o'j, quejurux na cumal tak ri tz'i', quet'ubix na cumal tak ri c'uch quet'okopix na cumal tak ri juyubal tak awaj.

Ri Jeremiy 42:2

xenakajin ruc' ri Jeremiy, k'axal tzij, xquibij c'u che: “Quekatz'onoj jun jasach chawe; mak'il c'u awib che u banic: Chabochi'j ri Ajawaxel ri a Dios pakawi', ri quieb oxib ri uj canajinak canok. Nabe sibalaj uj q'ui ulok, are c'u ri camic xa' uj quieb oxib uj canajinak canok, jacha' ri cawilo.

Juyuwem 1:4

¡Sibalaj e bisobal tak ri be ri quebe pa Sion! ¡Man c'o ta jachin ta jun ri cäpe ta pa tak ri nimak'ij! Ri e oquibal tak pa ri tinimit e tolonic, ri e cojol tabal tok'ob quebok'ic, ri c'ojolab quech'ibatajic ri Jerusalen c'o pa tak c'ayil.

Ri Ezequiel 14:15

We c'u queben tak bic juyubal tak awaj pa jun ulew, che qui cämisaxic ri winak ri e c'o chi', caquiban ta c'u che chi cux jun chaki'j uwo sak ri ma ta c'o jun cuchajij ta anima' coc'ow chi' rumal xe'n ib chquixo'l ri juyubal tak awaj,

Ri Ezequiel 14:21

In, ri Ajawaxel, quinbij: Nim c'u na ri c'ax ri capetic aretak chebentak ulok ri quiejeb xibibalalaj tak c'äjisabal wächaj puwi' ri Jerusalen: ri ch'o'j, ri wi'jal, ri juyubal tak awaj xukuje' tak ri yabilal, quebencämisaj c'ut ri achijab xukuje' tak ri awaj.

Ri Ezequiel 33:28

Quintoloba' na can ri ulew xukuje' quinya' can pa etzeletajic, quintuquij na ri chuk'ab ri caquiban wi nimal. Ri e u juyub tak ri Israel queben wonoba' canok; man c'o ta jun coc'ow chi chila'.

Ri Ezequiel 5:17

Je, quinban na chi cäpe piwi', wi'jal, yabil xukuje' cämical; xukuje' juyubal tak awaj ri quequiq'uis na qui tijic tak ri e i walc'ual; quinban c'u na chiwe chi quixecäm pa ri ch'o'j. In, ri Ajawaxel, nu bim.”

Aj Levitib 26:6

Quinya' na utzil cho ri uwächulew, quixwar c'u na pa utzil, man c'o ta jas quixxibin na, xukuje' quebenwesaj na ri itzel tak awaj pa tak ri iwulew, man c'o ta c'u ch'o'j cäpe na puwi' ri i tinimit.

Ri Miquey 3:12

Man je ta c'u ri', u mac iwech ix, ri Jerusalen, ri tinimit aj juyub Sion, cacanaj canok jacha' jun c'upuj, pa jumulaj etzeletajic, are c'u ri juyub ri' ri c'o wi rachoch Dios cach'ukutaj na cumal patzapak tak k'ayes.

Ri Zacariy 7:14

Rumal ri' xebenjabuj jacha' ta ne ri rumal jun salc'um chquixo'l conojel ri nimak tak tinimit ri man queta'm ta qui wäch, xcanaj c'u can ri culew chquij ri xq'uextaj pa jun chaki'j uwo sak ri man c'o ta jachin jun ri cacuin taj cäjeki' ta chila'. ¡Jun je'lalaj ulew, are c'u ri e are' xquijalwächij pa jun toloticalaj juyub ri man c'o ta chi cac'am che!”

U Camulixic ri Pixab 32:24

xa wi'jal quecämisan na xukuje' nimalaj k'ak'; jun c'ayilaj yabil cämisanel; casachow na qui wäch quebentak na ulok juyubal tak awaj chquij, xukuje' cämisanel tak cumätz.

K'atal tak Tzij 5:6

Pa tak ri u k'ijol ri Samgar, (u c'ojol ri Anat), pa tak ri u k'ijol ri Jael, ri binelab xequitzak can tak ri be xebin c'u pa alaj tak be ri e julujak;