Aj Levitib 26:17 - Quiché Bible

¹⁷ In quinoc na che i c'ulel, quixsoc c'u na cumal ri e i c'ulel; ri cäquetzelaj i wäch quetakan na piwi' quixanimaj c'u na pune man c'o ta quixokatanic.

Aj Levitib 26:17 ပူးပေါင်းရင်းမြစ်များ

Chapletajic 4:12

Pune' cajosk'ij, ri ulew, man cuya' ta chic ri u wächinic chawe jas ri nabe. Xak catxulic catpaki' cho ri uwächulew mawi jubik' catcuinic catuxlanic.”

Nabe Ajawinelab 8:33

Aretak ri c'ulel cäch'äcan puwi' Israel ri tinimit la, rumal rech chi macuninak chwäch la, we cätzelej uc' la, cuk'ijilaj ri bi' la, cutz'onoj c'u tok'ob che la pa tak ri u ch'awem uc' la chupam we achoch la ri',

Ucab Ajawinelab 13:3

Rumal c'u ri' xnicow ri royowal ri Ajawaxel chrij ri Israel, q'ui c'u k'ijol xebujach pa u k'ab ri Hazael ajawinel re Siriy, xukuje' pa u k'ab ri Ben-adad, ri u c'ojol.

Ucab Ajawinelab 13:7

Ri Joacaz man e c'o ta chic rajch'ojab xecanajic xak xuwi cawinak lajuj (50) ajch'ojab ajquiejab, lajuj carwaj re ch'o'j xukuje' lajuj mil ajch'ojab ri xak quebin chi cakan, rumal rech chi ri ajawinel re Siriy xuq'uistzij paquiwi' xebuc'äjij.

Salmib 44:10

Banom la chke chi xa cujanimaj chquiwäch ri e ka c'ulel; ri cäquetzelaj ka wäch cujqueläk'aj, cäquic'am c'u bic jachique ri cäcaj.

Salmib 53:5

Pune' man c'o ta jas cäxex ta wi ib, ri e are' quebirbob na rumal xibriquil, quebujabuj c'u na ri Dios ri u bakil ri c'ulel. Cätze'x c'u na qui wäch rumal chi man quec'ulax ta rumal ri Dios.

Salmib 53:6

¡C'o ta banom wi chi pa ri juyub Sion quel ta wi na ulok ri cäcolow ri Israel! Aretak ri Ajawaxel cuq'uex ri u wäch u k'ij ri u tinimit, cubano chi quequicot na ri e rija'lil ri Jacob, ronojel ri u tinimit ri Israel.

E C'ambal tak Tzij 28:1

Ri banal etzelal canimajic pune' man c'o jachin tereninak, e are' tak c'ut ri e suc' quejeki' ruc' cu'bisan c'uxaj jacha' ri coj.

Ri Isaiy 30:17

Jun mil quebanimaj na, xa jun achi cacojow i xib, iwonojel quixanimaj na, quixxibix na xa cumal job achijab, xa ix quieb oxib chic quixcanaj na jacha' ri u canajic can jun che' ri cätaq'ui can u tuquel puwi' jun juyub o jun etal ri walijisam puwi' jun juyub.

Ri Isaiy 63:10

Ri e are c'ut xquiyac quib chrij ri Ajawaxel, xquic'axc'obisaj ri u tastaliquil; rumal ri' xuban u c'ulel chque xuwalijisaj ch'o'j chquij.

Ri Jeremiy 19:7

Chupam we c'olbal ri' quinban na ch'akatak che ri u chomam u banic ri Juda xukuje' ri Jerusalen. Quinban na chi ri e qui c'ulel quech'äcan na paquiwi' quequicämisaj c'ut, e are' c'ut we cäminak tak winak ri' quebajwataj na che qui ti' tak ri c'uch xukuje' che qui ti' ri juyubal tak awaj.

Ri Jeremiy 44:11

Rumal ri' in, ri Ajawaxel ri c'o ronojel u cuinem, ri u Dios ri Israel, quinbij chiwe: xchomataj wumal chi quinc'am ulok ri lawaloyil piwi' quinsachisaj c'u u wäch ronojel ri Juda.

Juyuwem 1:5

Ri e qui banom qui c'ulel chque quetakan paquiwi', ri quebetzelan qui wäch quek'inomaric. Are' c'ut ri Ajawaxel u banom c'ax che qui mac quech tak ri macaj ri e u banom. Ri e qui c'ojol tak xec'am bic pa ri qui c'aslemal ri lok'om pataninelab xec'am bic rumal ri c'ulel.

Juyuwem 2:4

Ri Ajawaxel, jacha' ta ne jun c'ulel, xutanij ri q'uiakbal ch'ab, xucoj u chuk'ab ri u k'ab; junam ruc' jun c'ulelanel, xuc'äjij ri sibalaj je'l quilic; jacha' jun k'ak', xuq'uiak ri royowal paquiwi' ri winak ri e c'o chupam ri je'lalaj Sion.

Ri Ezequiel 15:7

In quink'alajisaj na wib chi e nu c'ulel. Queto'taj na chuwäch jun k'ak', jun k'ak' chi c'ut caq'uisow na tzij paquiwi'. Aretak c'u quink'alajisaj wib chi nu c'ulel, ri ix qui wetamaj na chi ri in, in ri' ri Ajawaxel.

Aj Levitib 17:10

“In quinc'ulelaj na ronojel aj israel o ri man i winakil taj ri jekel chixo'l ri cutij, apachique ta ne quic'. In quinwesaj na chquixo'l ri e u tinimit.

U Camulixic ri Pixab 28:25

xukuje' catxak'alex na cumal ri e a c'ulel. Sibalaj utz u cholajixic awib cabano aretak catbe chquij ri a c'ulel che u banic ch'o'j cuc', catanimaj c'u na chquiwäch, at yojyobinak catjabutaj c'u na pa conojel ri ajawibal ri e c'o cho ri uwächulew.

Ri Josue 7:4

Je c'u ri', oxib mil achijab xepaki' che u banic ch'o'j ruc' ri Hai. Xech'äc c'u cumal ri aj Hai xebanimaj c'u chquiwäch;

K'atal tak Tzij 2:14

rumal ri' ri Ajawaxel xoyowar chquij ri aj israelib, xubano chi ri eläk'omab xequeläk'aj ri jastak quech, xukuje' xech'äc cumal ri e qui c'ulel ri e c'o chquinakaj man xecuin taj xquito' ta quib pa qui k'ab.

K'atal tak Tzij 3:14

Ri aj israelib wajxaklajuj junab xquipatanij ri Eglon,

K'atal tak Tzij 3:8

Rumal ri' xpe royowal ri Ajawaxel che qui c'ulelaxic, xebujach c'u pu k'ab ri Cusan-risataim, ajawinel aj Mesopotam. Wajxakib junab xquipatanij ri Cusan-risataim,

K'atal tak Tzij 6:2

Xquichaplej c'u u banic c'ax ri aj madianib chque ri aj israelib, ri aj israelib rumal ri qui xe'n ib xequiban c'ubal tak quib pa tak ri juyub, pa tak ri pec, xukuje' pa tak ri c'olbal ri c'ax quirikic.

Nabe Samuel 12:15

We c'u man quixniman che, xane' quebixutuj tak ri e u takomal, cuc'äjisaj na i wäch ix xukuje' ri iwajawinel.

Nabe Samuel 31:1

Ri aj pilisteyib xech'ojin ruc' ri Israel, xebanimaj c'u ri aj israelib chquiwäch, sibalaj c'u e q'ui ri aj israelib ri xecäm pa ri juyub Jilbo.

Nabe Samuel 4:10

Xeboc c'u ri aj pilisteyib che ch'o'j xequich'äc c'u ri aj israelib, ri xebanimajic xetzelej pa ri qui kajebal. Ri cämisanic ri xbanic sibalaj xibibal, xecämisax juwinak lajuj mil (30,000) cajch'ojab ri aj israelib.