Aj Levitib 26:14 - Quiché Bible

¹⁴ “We c'u man quinitatabej, mawi quebinimaj tak we nu takomal ri',

Aj Levitib 26:14 ပူးပေါင်းရင်းမြစ်များ

Ucab Ajawinelab 22:13

“Jix jitz'onoj che ri Ajawaxel che nu q'uexwäch xukuje' che u q'uexwäch ri tinimit xukuje' che u q'uexwäch ronojel ri Juda, ri cakaban che ri cubij we wuj ri' ri rikom; sibalaj ba' yactajinak royowal ri' ri Ajawaxel chkij uj, rumal rech chi ri e ka mam man xquiya' ta qui xiquin che ri cubij we wuj ri' mawi xquiban ta ronojel ri tz'ibatal chupam.”

Ucab Tzijobelil 34:24

chi ri in, ri Ajawaxel, quinbij: Quinc'am ulok jun u q'ueyowal puwi' we c'olbal ri' xukuje' paquiwi' ri winak ri e c'o chupam, cabantaj conojel ri c'okonic ri e tz'ibatal chupam we wuj ri' ri yo'm u siq'uibalil chuwäch ri ajawinel re Juda.

Ucab Tzijobelil 7:19

We c'u ri ix quitas iwib chwij, man quebitz'akatisaj ta c'ut ri pixab xukuje' tak ri takomal ri nu yo'm chiwe, xane' quebipatanij xukuje' quebik'ijilaj jule tak diosib chic,

Salmib 81:12

Rumal ri' xinya' be chque chi xquibano jachique kas ri xcaj xquibano are' c'u xquiban ri itzel qui rayibal.

E C'ambal tak Tzij 3:33

Ri Ajawaxel cuc'okoj ri rachoch ri itzel winak, cutewichi'j c'ut ri u jekelibal ri winak ri cuban suq'uilal.

Ri Jeremiy 11:8

Man xeboc ta il che ri xinbij chque mawi xeniman chwe, xane' xquiya' quib xec'am bic rumal ri tacalaj u chomanic ri canima'. Man xcajtaj xquitz'akatisaj ta ronojel ri takanic ri nu yo'm chque, xinban c'ut chi xepe ri c'äjisabal wächaj ri e yo'm qui bixic chupam ri c'ulwächinic.’ ”

Ri Jeremiy 17:27

We c'u ri ix man qui nimaj taj ri nu takanic chi quitas ri k'ij re uxlanem xukuje' chi man quebicoj ta tak eka'n pa ri k'ij ri' pa tak ri oquibal pa ri Jerusalen, quincoj c'u na k'ak' chque tak ri oquibal chupam ri tinimit, jun k'ak' ri cusachisaj na qui wäch tak ri e cachoch tak ri ajawinelab ri e c'o pa Jerusalen man c'o ta c'u jachin ta jun ri cäcuinta che u chupic.’ ”

Ri Jeremiy 26:4

Chabij chque chi ri in, ri Ajawaxel, quinbij: ‘We man caquiya' qui xiquin chwe mawi quequitz'akatisaj qui banic tak ri tijonic ri e nu yo'm chque,

Ri Jeremiy 28:8

Ri e k'axal tzij ri xec'oji' canok chquipam tak ri ojer tak k'ijol ri e oc'owinak, c'ä majok chujalaxok at xukuje' ri in, xquiya' u bixic ch'o'j, c'axc'ol, cämisanel yabil ri cäpe na paquiwi' nimak tak tinimit xukuje' tak ajawibal ri e c'o qui cuinem.

Ri Jeremiy 32:23

Aretak c'u xeboc chupam ri ulew xeboc c'u che rechbexic, man xeniman ta che la mawi xebequitakej ri qui banic tak ri pixab ri xeya' la chque, mawi c'o xquiban chque ri xetak la che qui banic. Rumal ri' xtak la ulok ronojel we nimalaj c'axc'ol ri' paquiwi'.

Ri Jeremiy 40:2

Ri takanel paquiwi' ri chajinelab xuc'am bic ri Jeremiy jela' pa u tuquiel wi, xubij c'u che: “Ri Ajawaxel ri a Dios xucoj xib chi cutak ulok we quiäkasakil ri' puwi' we ulew ri',

Juyuwem 1:18

Ri Ajawaxel xuban ri takalic, rumal rech chi xebenc'ulelaj tak ri e u takanic. ¡Chinitatabej, tinimit iwonojel; chixoc il che rilic ri nu k'oxomal! ¡Ri e tak nu c'ojolab xukuje' tak ri e nu k'apojib e c'amom tak bic jacha lok'om patanijic!

Juyuwem 2:17

Ri Ajawaxel xuq'uis qui banic tak ri e u chomanic, xutz'akatisaj ri u tzij ri kas u bim ulok ojer; xsachisan wächaj ma xcuyun ta c'ut; xuya' c'olbal chi ri c'ulel cutze'j a wäch xuya' u chuk'ab ri catc'ulelanic.

Ri Daniel 9:13

Ronojel we etzelal ri' petinak pakawi', jacha' ri tz'ibatal pa ri pixab ri xuya' ri Moises; are c'u ri uj man uj tzucuninak ta che la, Ajawaxel xukuje' ka Dios, mawi c'u ne e ka k'ilom kib che qui banic ri ketzelal, mawi ka takem u banic ri kastzij la.

Ri Osey 7:12

Aretak c'u chbe chila', quinq'uiak na ri nu c'at paquiwi'; quinban na chque chi quekajic e jacha' tak ri chicop ri e c'o ri qui xic ri e re ri caj, quekaj na pa nu k'ab u mac ri quetzelal.

Aj Levitib 26:18

We c'u man quixoc che nu nimaxic cumal we jastak ri', wukub mul quinc'äjisaj chi na i wäch u mac rech ri i mac.

Ri Malaquiy 2:2

Ri ix quixniman na chwe rajawaxic c'ut chi quixoc na il chi nim quiniwil wi na, we man quibano, in quixinc'okoj na. U mac c'u rech chi man ix oquinak ta il chi man nim ta quiniwil wi in quinban na chiwe chi quixux c'okobal xukuje' ne ri utzil ri quiriko chi ix cojol tabal tok'ob.” Are' cäbin ri Ajawaxel ri c'o ronojel u cuinem.

Hechos 3:23

Ronojel c'ut ri man cäniman ta che we k'axal tzij ri', quesax na chquixo'l ri winak.’

Hebreos 12:25

Rumal ri' chixoc il mixutuj ri cujch'abenic. E are' tak c'ut ri xquixutuj ri Dios aretak xepixbex rumal waral cho ri uwächulew, man xeto'tajtaj. Mawi c'u ne ri uj man cujto'tajtaj, we are cakaya' ri uwo kachak chuwäch ri cujpixben kas pa ri caj.

Ri Josue 23:15

Je c'ut, chi xtz'akat ronojel ri utz ri xuchi'j ri Ajawaxel chiwe, jeri' xukuje' ri are' cuc'am na ulok piwi' ronojel qui wäch etzelal, c'ä man c'o ta jun chiwe cacanaj ta can pa we utzalaj ulew ri' ri xuya' chiwe,

K'atal tak Tzij 2:15

Aretak quebe che u banic ch'o'j, ri Ajawaxel cuk'atij qui wäch, man c'u quech'äcan taj, kas c'u are' ri Ajawaxel bininak wa' chque. Ri Ajawaxel pune' xebuya' ri aj israelib pa tak ri c'ax,

Nabe Samuel 12:15

We c'u man quixniman che, xane' quebixutuj tak ri e u takomal, cuc'äjisaj na i wäch ix xukuje' ri iwajawinel.