Aj Levitib 26:13 - Quiché Bible

¹³ In ri' ri Ajawaxel ri i Dios, ri xixinwesaj ulok pa ri qui tinimit ri aj ejiptib rech man quitakej iwuxic qui lok'om pataninelab, in xinwesaj ri eka'bal ri cojom piwi', xinwalijisaj ri i jolom rech jicom chic quixbinic.”

Aj Levitib 26:13 ပူးပေါင်းရင်းမြစ်များ

Salmib 116:16

¡Oh Ajawaxel, in pataninel ech la! ¡In ral ri ixok ri pataninel ech la! Ri lal xt'okopij la ri colob ri in ximowinak.

Elem 14:8

Ri Ajawaxel xubano chi co xutac'aba' rib ri ajawinel quebuterenej c'ut ri aj israelib, pune' c'u e elinak ulok wa' ruc' nimalaj cuinem.

Elem 20:2

“In ri' ri Ajawaxel ri a Dios, ri xatresaj ulok pa Ejipt, ri at cojom wi che pataninel jacha' ta ne ri lok'om.

Elem 6:7

Quixinc'am na ix jacha' che nu tinimit, are c'u ri in quinux na i Dios. Jeri' quiwetamaj na chi in ri' ri Ajawaxel ri i Dios, ri cätajin quixresaj chuxe' ri c'axalaj tak chac ri ix takom che qui banic cumal ri aj ejiptib.

Ri Isaiy 51:23

Quinya' na chque ri xebanow c'ax chawe, ri xquibij chawe: ‘Chapoba' awib cho ri ulew, cujoc'ow c'u na chawij;’ ri at c'ut xapoba' awib cho ri ulew, rech catquitac'alej jacha' ri puc'uc' ulew.”

Ri Isaiy 9:3

Ajawaxel, c'amom la ulok jun nimalaj quicotemal; sibalaj nim ri quicotemal. Conojel quequicot chwäch la jacha' ri u k'ijol ri k'atoj, jacha' ri qui quicotemal ri cäquijach nimak tak k'inomal chquixo'l.

Ri Jeremiy 2:20

“Kas ojer ulok in a c'ulelam ulok, xak'il awib che nu nimaxic. Je xa bij wa': ‘Man quinwaj taj quinpatanijic.’ Puwi' conojel u tza'm ri juyub ri naj elinak chicaj xukuje' chuxe' ronojel che' ri jewel u xak xajach wi awib che ri cuc'axic quib cuc' achijab ixokib che qui banic macunic.

Ri Jeremiy 28:2

“Ri Ajawaxel ri c'o ronojel u cuinem, ri u Dios ri Israel, cubij: ‘Quinc'äjij ri reka'bal ri ajawinel aj Babilon,

Ri Jeremiy 28:4

Quinban c'u na xukuje' chi quetzelej ulok chupam we c'olbal ri' ri Jeconiy, u c'ojol ri Joasim ajawinel re Juda, xukuje' conojel ri niq'uiaj winak chic ri xebesax bic pa Juda xec'am c'u bic pa Babilon. Je, in quinc'äjij na ri reka'bal ri ajawinel re Babilon. In, ri Ajawaxel, quinjiquiba' u bixic.’ ”

Ri Ezequiel 30:18

Aretak chinyojij ri u cuinem ri Ejipt xukuje' chinq'uistzij puwi' ri u chuk'ab ri sibalaj cunimarisaj wi rib, ri k'ij cak'ekumar pa Tapnes, jun sutz' cäch'ukuw na ri Ejipt, ri e u winak ri e c'o pa ri tak ri u tinimit e yutuyuj quec'am bic.

Ri Ezequiel 34:27

Ri wächinel tak che' ri e c'o pa ri juyub caquiya' na qui wäch, ri ulew cuya' na ri u wächinic, quejeki' c'u na pa utzil pa ri kas culew. Aretak chinwesaj ri nu tinimit pa qui k'ab ri e qui banom jacha' lok'om pataninelab chque, c'äte ri' caquich'ob na chi in ri' ri Ajawaxel.

Ri Osey 11:4

Cuc' tak colob re chuch'ujil, cuc' tak c'am que lok'ok'ebal c'uxaj, xebenjic' wuc'; xebennakajij chque ri nu palaj e jacha' ta ne alaj tak ac'alab ri c'ä quetunic, xinpachaba' na wib che qui tzukic,

Aj Levitib 25:38

In ri' ri Ajawaxel ri i Dios, ri xixinwesaj ulok pa Ejipt, che u ya'ic ri ulew re Canaan chiwe xukuje' rech c'u quinux i Dios.

Aj Levitib 25:42

E pataninel c'u tak wech xebenwesaj ulok pa Ejipt; man cuya' taj quec'ayixic e jacha' ta ne lok'om pataninelab.

Aj Levitib 25:55

E pataninel tak wech c'ut ri aj israelib, e pataninel tak wech ri xebenwesaj ulok pa Ejipt. In ri' ri Ajawaxel ri qui Dios.”

Ri Nahum 1:13

Quinban na ch'akatak che ri eka'bal ri c'o chrij a wi' quebent'okopij c'u na tak ri tikom ch'ich' ri e jat'ibem awech.”