Aj Levitib 25:10 - Quiché Bible

¹⁰ Ri junab cawinak lajuj (50) quik'alajisaj na ix chi junab tastalic: are jun junab re toronem, chque conojel ri e jekel chupam ri ulew. Ronojel winak cätzelej na cuc' ri rachalaxic xukuje' chupam ri rulew ri rechbem can nabe.

Aj Levitib 25:10 ပူးပေါင်းရင်းမြစ်များ

Ri Esdras 1:3

Je c'u ri', apachin tak chiwe ri ix u tz'akatil ri u tinimit ri Ajawaxel, chto'ba' rumal ri Dios, choj c'u pa Jerusalen ri c'o pa Juda, che u yaquic ri Rachoch ri Ajawaxel, ri u Dios ri Israel, ri are' ri Dios ri jekel pa Jerusalen.

Salmib 146:7

Cuban suq'uil chque ri e c'o pa c'axc'olil, quebutzuk c'ut ri e c'o pa wi'jal. Ri Ajawaxel quebutor ri e tz'apitz'oj;

Elem 20:2

“In ri' ri Ajawaxel ri a Dios, ri xatresaj ulok pa Ejipt, ri at cojom wi che pataninel jacha' ta ne ri lok'om.

Ri Isaiy 49:9

rech cäbix chque ri e c'o pa che': ‘Chixcanaj torotajinak,’ chque c'u ri e c'o pa k'eku'm: ‘Chiya' iwib chisak.’ Chuchi' tak ri be quirik na k'ayes, pa apachique chaki'j juyub quirik na k'ayes chque tak ri iwawaj.

Ri Isaiy 63:4

Nu chomam jun k'ij chi quinban k'atoj tzij xopan c'u ri k'ij che u colic ri nu tinimit.

Ri Jeremiy 34:10

Conojel ri c'ämal tak be xukuje' ronojel ri tinimit xquic'amowaj ri cubij ri c'ulwächinic, xequitzokopila' c'ut ri e qui lok'om tak pataninelab man xquicoj ta chi chuk'ab chque chi chepatanix cumal.

Ri Jeremiy 34:8

Ri Ajawaxel xutzijobej ri Jeremiy, aretak ri ajawinel Sedequiy u banom chic jun c'ulwächinic cuc' ri winak ri e c'o pa Jerusalen rech quequitzokopila' ri e qui lok'om tak pataninelab.

Ri Ezequiel 46:17

We c'u ri k'atal tzij cusipaj ch'akap rulew che jun chque ri pataninelab rech, xuwi cuya' cuban rech che c'ä pa ri junab rech ri tzopitajem, chi c'ut cux chi na rech ri k'atal tzij cäcanaj c'u na can che quechbal ri e u c'ojol.

Aj Levitib 25:11

Ri junab cawinak lajuj (50) cux na chiwe junab re tzokopitajem, chupam we junab ri' man cuya' taj quixticonijic, mawi quik'at ta ri trico ri xak caq'uiy ulok pa rech wi, mawi quebijosk'ij tak ri juwi' tak i uva mawi quebimol tak ri e qui uva.

Aj Levitib 25:13

Pa we junab ri', quixtzelej chijujunal pa tak ri iwechbal.

Aj Levitib 25:41

Cätzokopitaj c'u bic, quel bic pa ri awachoch e rachil ri ralc'ual, cätzelej cuc' ri rachalaxic, cätzelej pa ri culew ri u tat u nan, curik chi c'u na utzil.

Aj Levitib 25:54

We man cutor rib pa apachique junab, aretak copan ri junab re ri tzokopitajem, cätzokopitaj na pa ri k'ij rech ri torotajem, e rachil ri ralc'ual.

Ri Lucax 1:74

chi cujresaj na pa qui k'ab ri ka c'ulel, rech cujpatanin che, man ruc' ta xe'n ib,

2 Corintios 3:17

Are' c'ut ri Ajawaxel are ri Uxlabaxel. Jawije' c'ut ri c'o wi ri Ruxlabal ri Ajawaxel chi c'o wi torotajic.

Gálatas 4:25

Ri Agar are je jas ri juyub Sinai pa Arab, are u q'uexwäch ri Jerusalen ri c'o camic, rumal rech chi c'o c'ut che lok'om pataninel e rachilam ri ral.

Gálatas 5:13

Ri ix c'ut, wachalal, xixsiq'uix che tzokopitajem. Xuwi micoj ri tzokopitajic che u banic ri i rayibal aj winak re mac. Xane' chipatanila' iwib ruc' lok'ok'ebal c'u'x.

1 Pedro 2:16

Ri Dios cäraj chi ix je jas winak e tzokopim bic. Man utz ta c'ut we quiban etzelal xa' rumal rech chi ix tzokopim bic, xane' chibana' je jas e pataninelab re ri Dios.