Aj Levitib 24:9 - Quiché Bible

⁹ Are wa' ri ya'tal che ri Aaron amak'el xukuje' chque ri e rija'lil, ri rajawaxic caquitij chupam jun c'olbal, ri tastalic, sibalaj c'u e tastalic e qui tz'akatil ri sipanic ri quenicowisax che u ya'ic u k'ij ri Ajawaxel, pixab wa' ri cajeki'c canok.”

Aj Levitib 24:9 ပူးပေါင်းရင်းမြစ်များ

Elem 27:21

Ri Aaron e rachilam ri e u c'ojol e are' quesuc'uman ri yabal k'ak' rech quenicow jun ak'ab chuwäch ri Ajawaxel chupam ri Lic'om Rachoch Dios re rikoj ib, chrij ri ch'ukubal ri c'o chunakaj ri caxa re ri c'ulwächinic. Jun pixab wa' ri cäcanaj chque ri aj israelib xukuje' chque ri e quija'lil.”

Aj Levitib 10:12

Xubij c'u ri Moises che ri Aaron, xukuje' che ri Eleazar, ri Itamar, ri e quieb u c'ojol ri Aaron ri e canajinak canok: “Chebic'ama' ri sipanic quech c'äj ri e canajinak can chque ri sipanic ri xeporox chuwäch ri Ajawaxel, mebiya' ch'am cuc', chebitija' chunakaj ri porobal, sibalaj c'u tastalic wa'.

Aj Levitib 10:17

“¿Jasche man xitij ri tabal tok'ob u mac rech ri macaj pa ri c'olbal ri tastajinak? Jun jasach c'u wa' ri sibalaj tastalic, u yo'm c'u ri Ajawaxel chiwe rech ix quixekan ri qui mac ri aj israelib, quirik c'u ri sachbal qui mac rumal ri Ajawaxel.

Aj Levitib 21:22

Cuya' cutij rech we wa ri' xukuje' ri jastak ri e tastalic xukuje' ri sibalaj e tastalic.

Aj Levitib 24:10

Pa tak ri k'ij ri' ri ral jun ixok aj israel, u c'ojol jun aj ejipt, xel ulok chquixo'l ri aj israelib; ri ala ri' ri ral ri ixok aj israel rachil jun achi chic aj israel xech'ojin pa ri kajebal, ri ral ri ixok aj israel xuyok' ri u bi' ri Dios xuc'okoj; xc'am c'u bic chuwäch ri Moises, Selomit u bi' ri u nan, u mia'l ri Dibri aj Dan.

Aj Levitib 3:17

Pixab wa' ri kas xa jumul cäjeki'c canok quebel cuc' ri tataxelab cäk'ax cuc' ri alc'ualaxelab, apawije' ta ne ri ix jekel wi: c'o jubik' xepo mitijo mawi quic'.”

Aj Levitib 6:11

Cuq'uex c'u na ri ratz'iak, cresaj c'u na bic ri chaj cuya' chrij ri tinimit pa jun c'olbal ch'ajch'oj.

Aj Levitib 6:16

Are c'u ri u tz'akatil ri sipanic cutij na ri Aaron e rachil ri e u c'ojol; man ruc' ta ch'am pa ri c'olbal ri tastalic chuwäch ri uwo ja rech ri Lic'om Rachoch Dios re rikoj ib.

Aj Levitib 6:9

“Chebaya' we pixab ri' che ri Aaron xukuje' chque ri e u c'ojol, che ri caban che ri tabal tok'ob ri cächajirisaxic: ri awaj ri pilom caya' can puwi' ri k'ak' ri c'o puwi' ri porobal ronojel ri jun ak'ab, rech cujarisaj ri k'ak'.

Aj Levitib 8:3

chebamulij ri aj israelib chuchi' ri oquibal chupam ri Lic'om Rachoch Dios re rikoj ib.”

Aj Levitib 8:31

Xubij chi c'u na ri Moises che ri Aaron xukuje' chque ri e u c'ojol: “Chitzaca' ri ti'j chuchi' ri Lic'om Rachoch Dios re rikoj ib, kas chila' c'ut chi tija' wi cärachilaj ri caxlanwa ri c'o pa ri alaj chicäch ri quech ri tastajic, jas ri takanic ri u yo'm ri Ajawaxel chwe aretak xubij: ‘Ri Aaron e rachil ri e u c'ojol e are' quetijow we ti'j ri'.’

Ri Malaquiy 1:12

Are' c'u ri ix, quinic'axc'obisaj, are c'u pa i c'u'x chi ri nu porobal, ri are nu mexa, cuya' man nim ta quil wi, xukuje' chi man nim ta quil wi ri wa ri c'o puwi'.

Ri Matey 12:4

¿La ma ta i siq'uim jas xubano, aretak xoc pa ri rachoch Dios, xutij c'u ri caxlanwa ri cojom cho ri Dios? Ri awas quitijic rumal xukuje' cumal ri e achilaninak. Xane' xak xuwi cumal ri e cojol tabal tok'ob.

Marcos 2:26

Xoc ri David pa ri rachoch Dios aretak ri Abiatar are qui nimal ri cojol tabal tok'ob, xutij ri caxlanwa ri yo'm chuwäch ri Dios, xuya' c'u quech ri e rachil. Ri awas cäquitijo, rumal rech chi xak xuwi chque ri cojol tak tabal tok'ob ya'tal wi u tijic.”

Ri Lucax 6:4

Xoc pa ri rachoch Dios, xutij c'u ri wa ri cojom cho ri Dios, xuya' que ri e rachil. Xuwi c'u ne ya'tal u tijic we wa' ri' cumal ri e cojol tabal tok'ob.”

Nabe Samuel 21:6

Are' c'u ri cojol tabal tok'ob xujach ri caxlanwa che, ri tasom. Man c'o ta chi jun jasach chila', xuwi ri caxlanwa ri tasom che ri Ajawaxel, ri e esam pa ri k'ij ri' puwi' ri porobal, rech cacoj ri mak'in caxlanwa, pa ri u c'olbal.