Aj Levitib 24:15 - Quiché Bible

^15-16 Chabij c'u chque ri aj israelib: Apachin ri cuc'okoj ri u Dios, cäkajbex na rumal ri retzelal, apachin ri cuyok' ri u bi' ri Ajawaxel, cäcämisax na, cäbuc' na chabaj cumal conojel. We man aj Israel taj, che i winakil, we cuyok' ri u bi' ri Dios, chc'okox che cämical.

Aj Levitib 24:15 ပူးပေါင်းရင်းမြစ်များ

Nabe Ajawinelab 21:10

Chebit'uyuba' quieb subunelab tak k'alajisanelab chuwäch chibij c'u chque chi chiquiya' itzel k'alajisanic chrij, quijiquiba' u bixic chi qui tom xuc'okoj ri Dios xukuje' ri ajawinel. Chiwesaj c'u bic, chi cämisaj che abaj.”

Elem 20:7

Itzel u cojic ri u bi' ri Ajawaxel ri a Dios mabano, ri are' c'ut man cuya' ta c'u can ri winak chi xak ta jeri' chi ma ta cuc'äjisaj u wäch ri itzel u cojic ri u bi' cubano.

Elem 22:28

Mayac royowal ri Dios, mawi mac'okoj ri cätakan puwi' ri a tinimit.

Aj Levitib 18:21

Majach jun chque ri a c'ojol che sipanic che ri dios Moloc; matz'iloj ri u bi' ri a Dios. In ri' ri Ajawaxel.

Aj Levitib 5:1

“We c'o jun winak cäsiq'uix che u k'alajisaxic ri xrilo o xuto, man cuya' ta c'u u bixic, cuban jun macaj rajawaxic c'ut are' queka'n na ri chak'maquil.

Ajilanic 9:13

Jachin c'ut ri cutanaba' u banic ri nimak'ij re ri Oc'owem ri ch'ajch'oj c'u ne man naj ta c'u benak wi, rajawaxic quesax chquixo'l ri e u winakil. Man xpe ta c'u che u ya'ic ri sipanic chuwäch ri Ajawaxel pa ri k'ijol ri k'atom, cuc'am na ri c'äjisabal wächaj u mac rech ri u mac.