Aj Levitib 23:41 - Quiché Bible

⁴¹ Chi junab quiban wukub k'ij nimak'ij chuwäch ri Ajawaxel; jun pixab wa' ri cäjekic ri caquiban ri tataxelab xukuje' ri c'ojolaxelab.

Aj Levitib 23:41 ပူးပေါင်းရင်းမြစ်များ

Ri Nehemiy 8:18

Wukub k'ij c'ut xbeytaj roc'owisaxic ri nimak'ij cumal re k'ijilanic; kas pa ri nabe k'ij c'ä pa ri q'uisbalil, ri Esdras k'ij chi k'ij xebuya' qui siq'uibal ri tijonic ri e c'o chupam ri wuj ri tz'ibatal wi ri u pixab ri Dios; pa ri uwajxak k'ij xban jun mulin ib ri sibalaj nim u banic, je jas ri nak'atisabal ri nak'atisam u banic.

Aj Levitib 23:14

C'ä pa ri k'ij aretak ri qui c'am na bic ri i sipanic che ri Ajawaxel, mitij ta na caxlanwa mawi q'uilim trico o iq'uel. Jun pixab wa' ri coc'ow cuc' ri tataxelab cäk'ax c'u cuc' ri c'ojolaxelab apawije' ta ne ri quixjeki' wi.

Aj Levitib 23:40

Chupam ri nabe k'ij quebic'am na ri utzalaj tak qui wächinic ri e utzalaj tak che', e qui xak tak tut xukuje' e qui k'ab ta che' ri e c'o q'ui qui xak xukuje' tak sak lemob ri e c'o chquichi' tak ri nima', wukub k'ij c'ut quixquicot chuwäch ri Ajawaxel ri i Dios.

Aj Levitib 23:42

Wukub k'ij quixc'oji' na pa tak cäbal; conojel ri aj tinimit aj israelib quec'oji' na pa tak cäbal,

Ajilanic 29:12

“Chupam ri olajuj k'ij rech ri uwuk' ic' ri ix quiban na jun tastalicalaj mulin ib. Chupam ri k'ij ri' man c'o ta jun u wäch chac qui bano. Wukub k'ij cäbeytaj ri nimak'ij che u ya'ic u k'ij ri Ajawaxel.