Aj Levitib 23:4 - Quiché Bible

⁴ E are' tak rajilabal k'ij wa' ri nimak qui k'ij che coc'owisaxic ri tastalicalaj tak mulin ib che u ya'ic u k'ij ri Ajawaxel, e are c'u tak k'ij wa' ri rajawaxic qui mulij iwib:

Aj Levitib 23:4 ပူးပေါင်းရင်းမြစ်များ

Ri Nehemiy 8:15

Pa conojel tak c'ut ri tinimit xukuje' pa Jerusalen, xya' u bixic chi ri winak cheboj pa tak ri juyub che qui tzucuxic qui k'ab tak u che'al aseitun, k'echop, tut o apachique chic jun che' ri cäjat'at' u xak che qui woquic qui cäbal, je jas ri tz'ibatal chupam ri pixab.

Elem 12:14

Are jun k'ij wa' ri takal u nataxic iwumal, quiban jun nimalaj nimak'ij che roc'owisaxic che u ya'ic u k'ij ri Ajawaxel. Pixab wa' ri cäcanaj chiwe amak'el, ri quecoc'owisaj ri e tat nan xukuje' ri alc'ualaxelab.

Elem 23:14

“Oxib nimak'ij chabana' pa ri jun junab che u ya'ic nu k'ij.

Ri Isaiy 29:1

¡Tok'ob u wäch ri Ariel, ri Ariel, ri tinimit ri xjeki' wi ri David! Cheboc'owampe na quieb oxib junab cuc' ri e u cholajil ri e u nimak'ij,

Ri Ezequiel 44:24

Aretak e c'o ch'o'j rajawaxic e are' quebux k'atal tak tzij, quek'atan c'u na tzij je jas ri cubij ri nu pixab. Quequitz'akatisaj na conojel tak ri nu pixab xukuje' tak ri nu tijonic chque conojel tak ri nu nimak'ij, nim c'u chequila' wi tak ri nu k'ij re uxlanem.

Aj Levitib 23:2

“Chabij chque ri aj israelib, ri quinbij chawe: E are tak k'ijol wa' ri nimak qui k'ij ri quebiya' che ri Ajawaxel, ri quebicoj na tastalicalaj tak mulin ib che qui bi'.

Aj Levitib 23:21

Quiban jun tastalicalaj mulin ib che roc'owisaxic we k'ij ri', man c'o ta jun chac re patanijic quibano. Jun pixab wa' ri caquitz'akatisaj ri tataxelab xukuje' ri c'ojolaxelab apawije' ta ne ri quixjeki' wi.

Aj Levitib 23:37

Are tak nimak'ij wa' ri quiwoc'owisaj chuwäch ri Ajawaxel, ri quiban tastalicalaj tak mulin ib che u chi'xic sipanic ri cänicowisax chuwäch ri Ajawaxel, tabal tok'ob ri cächajirisaxic, sipanic, quech tak c'äj, tabal tak tok'ob xukuje' tak sipanic re ri u wa'l uva, pa ri k'ij ri ya'tal qui cojic,

Ri Nahum 1:15

¡Chiwila'! ¡Petinak chic paquiwi' tak ri juyub ri ya'l takquil ri ruc'am ulok tzijol re jamaril! Chebawoc'owisaj tak ri e a nimak'ij Juda; chebatz'akatisaj tak ri chi'nic ri e a banom. Mawi ta chi c'u jumul catkaj ta chi na pa qui k'ab ri e banal tak etzelal; sachinak qui wäch chnimalaj conojel.