Aj Levitib 23:34 - Quiché Bible

³⁴ Chabij chque ri aj israelib, chi pa ri olajuj rajilabal ri uwuk ic', cächapletaj roc'owisaxic ri nimak'ij chuwäch ri Ajawaxel quech ri cäbal, wukub k'ij cäbeytaj wa'.

Aj Levitib 23:34 ပူးပေါင်းရင်းမြစ်များ

Nabe Ajawinelab 12:32

Xujekeba' c'u roc'owisaxic jun nimak'ij pa ri olajuj (15) rajilabal ri uwajxak ic', jacha' ri nimak'ij ri cäban pa Juda, kas jewa' xuban pa Betel, xebuchi'j tabal tak tok'ob chquiwäch ri alaj tak ama'ib tak wacax ri e u chacabam chila', xebucoj cojol tabal tok'ob ri quec'oji' chupam ri c'olbal ri quek'ijilax wi diosib ri e u walijisam.

Nabe Ajawinelab 8:2

Pa ri k'ij re ri nimalaj nimak'ij, pa ri ic' Etanim, uwuk ic' c'u wa' rech ri junab, xquimulij quib ruc' ri ajawinel Salomon conojel ri aj israelib.

Nabe Ajawinelab 8:65

C'o jun k'ij, aretak ri Salomon xukuje' ronojel ri Israel, jun sibalaj q'uialaj winak ri e elinak ulok c'ä pa ri oquibal pa Hamat xukuje' c'ä jela' ruc' ri alaj nima' re Ejipt, xcoc'owisaj ri nimak'ij que tak ri Cäbal che u ya'ic u k'ij ri Ajawaxel ri ka Dios, xquiban chi c'u jun nimak'ij re wukub k'ij; xtz'akat c'u cajlajuj (14) k'ij, nimak'ij chi ronojel.

Ri Esdras 3:4

Xukuje' xcoc'owisaj ri nimak'ij quech tak ri Cäbal, jacha' ri cubij ri pixab ri tz'ibatalic, ronojel k'ij quequichi'j tak ri tabal tok'ob ri cächajirisaxic ri nak'atisam qui banic, je xquiyao jas ri ajilabal ri takal qui ya'ic ronojel k'ij,

Ri Nehemiy 8:14

xquirik c'ut chi tz'ibatal chupam chi ri Ajawaxel u yo'm takanic rumal ri Moises chi, aretak coc'owisisax ri nimak'ij re ri uwuk ic', ri aj israelib rajawaxic quec'oji' chquipam tak cäbal.

Elem 23:16

Chabana' xukuje' ri nimak'ij rech ri qui molic ri nabe tak u wächinic ri xatic pa ri ulew, xukuje' ri nimak'ij rech ri u yaquic ri u wäch ri ulew rech ri u q'uisbal ri junab, aretak caq'uis qui mulixic conojel ri qui wäch ri a tico'n.

Elem 34:22

Chiwoc'owisaj ri nimak'ij quech ri wukutak k'ij, ri quech ri nabe tak qui wächinic ri trico, xukuje' ri nimak'ij aretak cäq'uis u yaquic tak ri qui wäch ri tico'n q'uisbal re ri junab.

Ri Ezequiel 45:25

“Xukuje' pa ri nimak'ij que tak ri Cäbal, ri coc'owisax pa ri olajuj rajilabal ri uwuk ic', ri k'atal tzij rajawaxic wukub k'ij quebuchi'j na, junam tak tabal tak tok'ob rumal quech ri macaj, junam cajilabal ri awaj ri queporoxic xukuje' queban ri junam tak sipanic quech tak ri qui wächinic tak ri ulew xukuje' ri rech ri aseit.”

Aj Levitib 23:33

“Ri Ajawaxel xutzijobej ri Moises, xubij c'u che:

Aj Levitib 23:42

Wukub k'ij quixc'oji' na pa tak cäbal; conojel ri aj tinimit aj israelib quec'oji' na pa tak cäbal,

Aj Levitib 23:43

rech conojel ri e awija'lil caquetamaj chi, aretak ri in xebenwesaj ulok ri aj israelib pa Ejipt, xinban chque chi xejeki' pa tak cäbal. In ri' ri Ajawaxel ri qui Dios.

Ajilanic 29:12

“Chupam ri olajuj k'ij rech ri uwuk' ic' ri ix quiban na jun tastalicalaj mulin ib. Chupam ri k'ij ri' man c'o ta jun u wäch chac qui bano. Wukub k'ij cäbeytaj ri nimak'ij che u ya'ic u k'ij ri Ajawaxel.

Ri Xuan 1:14

Ri Tzij xuc'am ri qui banic winak, xc'oji' chkaxo'l. Xkil ri u juluwem, jacha' ri u juluwem ri xa jun chi C'ojolaxel ri elinak ulok ruc' ri Tataxel, nojinak che tok'ob xukuje' kastzij.

Ri Xuan 7:2

Nakajininak chi c'ut ri qui nimak'ij ri aj judeyib, quech ri cäbal.

U Camulixic ri Pixab 16:16

Conojel ri achijab, oxmul che ri jun junab rajawaxic quebopan chuwäch ri Ajawaxel ri i Dios, pa ri c'olbal ri u cha'om, pa tak we nimak'ij ri': ri quech ri Caxlanwa ri man caya' ta ch'am cuc', ri nimak'ij que ri Wukub Wukutak K'ij, xukuje' ri nimak'ij que tak ri Cäbal. Man c'o ta jun ri ma ta c'o jas c'o pa u k'ab copan chuwäch ri Ajawaxel,

U Camulixic ri Pixab 31:10

xuya' c'ut we takanic ri' chque: “Chuwuktak junab, aretak copan ri junab re ri u cuyic ri c'asaj, aretak coc'owisax ri nimak'ij que tak ri Cäbal,

Hebreos 11:13

Conojel we winak ri' xecämic man xequic'amowaj ta c'ut ri jastak ri u chi'm ri Dios; rumal c'u rech chi c'o qui cojonic, xequil apan chi naj, utz c'u qui c'ulaxic xequibano, xquich'ob c'u quib chi man e aj waral taj chi xak e oc'owenelab cho we uwächulew ri'.

Hebreos 11:9

Rumal ri cojonic, xc'oji' pa ri ulew ri u bim ri Dios chi cuya' na che, xc'oji' chila' pa tak lic'om ja, je jas pa jun ulew man rech taj. Je xukuje' xquiban ri Isaac xukuje' ri Jacob, ri xa' junam ruc' ri Abraham ri xbix ri chi'nic chque.