Aj Levitib 23:24 - Quiché Bible

²⁴ “Chebach'abej ri aj israelib, chabij c'u chque: Ri nabe k'ij re ri uwuk ic', nimalaj k'ij wa' chiwe re uxlanem, jun natabal wa' ri coc'owisax ruc' ri cok'ibal ri e trompet xukuje' ruc' jun tastalicalaj mulin ib.

Aj Levitib 23:24 ပူးပေါင်းရင်းမြစ်များ

Nabe Tzijobelil 15:28

Ronojel Israel je u c'amic bic wa' ri caxa re ri u c'ulwächinic ri Ajawaxel xequibano cuc' rakoj chi'aj, re quicotemal xukuje' ruc' rok'ibal tak ruc'a' chij, trompet, quetecak tak k'an ch'ich', tak ri nimalaj arp xukuje' alaj tak arp.

Ucab Tzijobelil 5:13

Conojel c'ut xquijunaj quib che cok'isaxic tak ri trompet xa' c'u jun u pa qui kul xquicoj che u ya'ic k'ijilanic xukuje' maltioxinic che ri Ajawaxel, xecok'esaj tak c'ut ri trompet, ri quetecak tak k'an ch'ich' xukuje' ri jule' tak k'ojom chic aretak cätajin cäban ri bixonic: “Chixk'ijilan che ri Ajawaxel, utz c'ut ri are' junalic c'ut ri u lok'ok'ebal c'u'x.” Pa ri jok'otaj ri', ri rachoch ri Ajawaxel xnoj che jun sutz',

Ri Esdras 3:6

Kas pa ri nabe k'ij re ri uwuk ic' xquichaplej qui chi'xic tak ri tabal tok'ob ri quechajirisax chuwäch ri Ajawaxel, c'ä majok c'u ne chi chaplex u banic u yaquic ri Rachoch ri Ajawaxel.

Ri Nehemiy 8:2

Chupam ri nabe k'ij re ri uwuk ic', ri Esdras ri cojol tabal tok'ob xuc'am ulok ri u wujil ri pixab chquiwäch ri q'uialaj winak ri qui mulin quib, achijab, ixokib xukuje' conojel ri quechoman chic;

Salmib 89:15

Oh Ajawaxel, utz rech ri tinimit ri reta'm cuya' k'ij la ruc' quicotemal, ri cäbinic tunam rumal ri chaj la,

Salmib 98:6

Chixbixon ruc' quicotemal chuwäch ri Ajawaxel, ri Ajawinel, ruc' rok'ibal k'ojom re quiakik'.

Ri Isaiy 27:13

Pa ri k'ijol ri' cok'isax na ri nimalaj trompet, che qui siq'uixic ri e sachinak pa Asiriy, xukuje' che qui siq'uixic ri e okatam bic pa Ejipt, quepe c'u na che u k'ijilaxic ri Ajawaxel pa Jerusalen, pa ri tastalicalaj juyub.

Aj Levitib 23:23

Ri Ajawaxel xutzijobej ri Moises, xubij c'u che:

Aj Levitib 25:9

Caban c'u na chi cok' ri trompet pa ri lajuj rajilabal ri uwuk ic', pa ri k'ij re sachbal macaj quiwok'isaj ri trompet pa ronojel ri iwulew.

1 Corintios 15:52

Pa jun aninakil, pa jun jakow bak'wächaj, aretak cok' ri q'uisbal trompet, cok'esax c'u na ri trompet, te c'u ri' quec'astajisax na ri cäminakib ruc' jun cuerp ri man cäcäm ta chic. Ri uj c'ut cujq'uextaj na.

1 Tesalonicenses 4:16

Are ri Ajawaxel cäkaj na ulok chicaj, ruc' takanic, ruc' ri u ch'abal jun qui nimal ri tako'n aj caj, ruc' ri rok'ibal ri u trompet ri Dios. Are c'u nabe quec'astaj na ri cäminakib ri xecojon che ri Crist.