Aj Levitib 23:21 - Quiché Bible

²¹ Quiban jun tastalicalaj mulin ib che roc'owisaxic we k'ij ri', man c'o ta jun chac re patanijic quibano. Jun pixab wa' ri caquitz'akatisaj ri tataxelab xukuje' ri c'ojolaxelab apawije' ta ne ri quixjeki' wi.

Aj Levitib 23:21 ပူးပေါင်းရင်းမြစ်များ

Chapletajic 17:7

Ri c'ulwächinic ri quinban awuc', ri xukuje' quinban cuc' conojel ri e awija'lil ri quepe na, chi ri in quinux na a Dios amak'el xukuje' qui Dios ri e are'.

Elem 27:21

Ri Aaron e rachilam ri e u c'ojol e are' quesuc'uman ri yabal k'ak' rech quenicow jun ak'ab chuwäch ri Ajawaxel chupam ri Lic'om Rachoch Dios re rikoj ib, chrij ri ch'ukubal ri c'o chunakaj ri caxa re ri c'ulwächinic. Jun pixab wa' ri cäcanaj chque ri aj israelib xukuje' chque ri e quija'lil.”

Ri Isaiy 11:10

Pa ri k'ij ri' ri u tux we rab ri' ri are' ri Isayi, cäwalij na jacha' jun etal chque ri tinimit; ri nimak tak tinimit quepe na che u tzucuxic, ri c'olbal c'ut ri cac'oji' wi cux na juluwem.

Aj Levitib 23:14

C'ä pa ri k'ij aretak ri qui c'am na bic ri i sipanic che ri Ajawaxel, mitij ta na caxlanwa mawi q'uilim trico o iq'uel. Jun pixab wa' ri coc'ow cuc' ri tataxelab cäk'ax c'u cuc' ri c'ojolaxelab apawije' ta ne ri quixjeki' wi.

Aj Levitib 23:2

“Chabij chque ri aj israelib, ri quinbij chawe: E are tak k'ijol wa' ri nimak qui k'ij ri quebiya' che ri Ajawaxel, ri quebicoj na tastalicalaj tak mulin ib che qui bi'.

Aj Levitib 23:20

Ri cojol tabal tok'ob quebuchi'j ri awaj jacha' che sipanic ri nim u banic chuwäch ri Ajawaxel, cärachilaj ri caxlanwa que ri nabe tak wächinic xukuje' ri quieb alaj ama'ib tak chij. Quetas che u k'ijilaxic ri Ajawaxel, quecanaj c'u che ri cojol tabal tok'ob.

Aj Levitib 23:25

Mawi jun chac re patanijic quibano, quichi'j c'u sipanic ri cänicowisax chuwäch ri Ajawaxel.”

Aj Levitib 23:31

Mawi jun chac quibano; pixab wa' ri caquitz'akatisaj ri tataxelab xukuje' ri c'ojolaxelab pa apachique c'olbal ri quixjeki' wi.

Aj Levitib 23:4

E are' tak rajilabal k'ij wa' ri nimak qui k'ij che coc'owisaxic ri tastalicalaj tak mulin ib che u ya'ic u k'ij ri Ajawaxel, e are c'u tak k'ij wa' ri rajawaxic qui mulij iwib:

Aj Levitib 23:7

Pa ri nabe k'ij quiwoc'owisaj jun tastalicalaj mulin ib. Miban jun chac re patanijic.

Aj Levitib 3:17

Pixab wa' ri kas xa jumul cäjeki'c canok quebel cuc' ri tataxelab cäk'ax cuc' ri alc'ualaxelab, apawije' ta ne ri ix jekel wi: c'o jubik' xepo mitijo mawi quic'.”

Ajilanic 18:23

Ri aj levitib xak xuwi ri e are' ri quepatanij na chupam ri Lic'om Rachoch Dios re rikoj ib, e are' c'u quekajaben na ri etzelal ri chequibana'. Are jun pixab wa' ri cajeki' na canok. Ri caquiban ri tataxelab xukuje' ri c'ojolaxelab. Ri aj levitib man cac'oji' ta kas culew pa Israel.

U Camulixic ri Pixab 16:11

Quiban c'u nimak'ij chuwäch ri Ajawaxel ri i Dios, pa ri c'olbal ri u cha'om che u jekelibal ri u bi', junam cuc' ri e iwalc'ual, ri pataninel tak iwech ri e lok'om, ri aj levitib, ri man e i winakil ta, ri minorib xukuje' ri malca'nib ri e jekel pa ri i tinimit.