Aj Levitib 23:20 - Quiché Bible

²⁰ Ri cojol tabal tok'ob quebuchi'j ri awaj jacha' che sipanic ri nim u banic chuwäch ri Ajawaxel, cärachilaj ri caxlanwa que ri nabe tak wächinic xukuje' ri quieb alaj ama'ib tak chij. Quetas che u k'ijilaxic ri Ajawaxel, quecanaj c'u che ri cojol tabal tok'ob.

Aj Levitib 23:20 ပူးပေါင်းရင်းမြစ်များ

Elem 29:24

ronojel wa' quebaya' pa u k'ab ri Aaron xukuje' pa qui k'ab ri e u c'ojol, chabana' c'ut ri banoj rech ri tac'abam ib chuwäch ri Ajawaxel.

Aj Levitib 23:17

Quic'am c'u na ulok cho tak iwachoch cacab caxlanwa re c'oc'alaj c'äj ri e chak'ajisam ri yo'm ch'am cuc' re belejeb libra c'äj chquijujunal, jacha' sipanic ri nim u banic quech ri nabe tak wächinic che ri Ajawaxel.

Aj Levitib 23:19

Quichi'j c'u na xukuje' jun ama' q'uisic' che u josk'ixic ri macaj, xukuje' quieb alaj tak chij ama'ib jujun qui junab che tabal tok'ob re utzirisan ib.

Aj Levitib 23:21

Quiban jun tastalicalaj mulin ib che roc'owisaxic we k'ij ri', man c'o ta jun chac re patanijic quibano. Jun pixab wa' ri caquitz'akatisaj ri tataxelab xukuje' ri c'ojolaxelab apawije' ta ne ri quixjeki' wi.

Aj Levitib 8:29

Xuc'am c'u ri Moises ri uwo c'uxaj, xuban c'u ri' ri nak'atal u banic chuwäch ri Ajawaxel; we u tz'akatil we ama' chij ri' are wa' ri xya'taj che ri Moises, jacha' ri takanic ri xuya' ri Ajawaxel che.

Ri Lucax 2:14

“¡Juluwem che ri Dios ri c'o sibalaj sibalaj chicaj! ¡Jamaril cho ri uwächulew chquixo'l ri winak ri e rech ri utzalaj u rayibal!”

1 Corintios 9:11

We uj ka ticom jastak aj uxlabal pa ri iwanima', ¿la nim lo ri' we cäkac'am ke ri jastak re ri cuerp iwuc'?

Efesios 2:14

Ri Crist are ka jamaril. Ri quieb tinimit xuban jun chque, xuwulij ri tapia ri c'o chquixo'l, ri e tasowinak.

U Camulixic ri Pixab 18:4

Xukuje' ya'tal chque ri nabe tak trico, ri nabe tak u wa'l uva, ri nabe tak aseit, xukuje' ri nabe quismal ri chij ri cäsocaxic;