Aj Levitib 22:4 - Quiché Bible

⁴ Man c'o ta jun chque ri e rija'lil ri Aaron ri c'o ta ch'a'c che o puj ri cabelelic, cutij ta rech chque ri jastak ri e tastalic c'ä cäjosk'itaj na. Ri cuchap jun jasach tz'il u mac rech jun cäminak, o cuchap jun ri cabelel ri u pam ri achi wi,

Aj Levitib 22:4 ပူးပေါင်းရင်းမြစ်များ

Aj Levitib 11:39

We c'u ne cäcäm jun chque ri iwawaj ri tijic rij iwumal, ri canakow we cäminak awaj ri' cäcanaj tz'il c'ä coc na ri ak'ab;

Aj Levitib 15:17

Apachique atz'iak, o tz'um ri cabelel wi can jubik' ri u pam ri achi wi, rajawaxic cach'ajic cäcanaj c'u tz'il c'ä coc na ri ak'ab.

Aj Levitib 2:10

Are c'u ri cacanaj can che ri sipanic, ri are' jubik' ri sibalaj tastalic chquixo'l ri sipanic ri quenicowisaxic che u ya'ic u k'ij ri Ajawaxel, cäcanaj che ri Aaron xukuje' chque ri e rija'lil.

Aj Levitib 2:3

Are c'u ri jubik' ri cäto'taj can che ri sipanic, ri are jubik' ri sibalaj tastalic chquixo'l ri sipanic ri quec'atisax che u ya'ic u k'ij ri Ajawaxel, cacanaj che ri Aaron xukuje' chque tak ri e rija'lil.

Aj Levitib 21:1

Ri Ajawaxel xubij che ri Moises: “Chattzijon cuc' ri e cojol tabal tok'ob, ri e u c'ojol ri Aaron, chabij chque: chi mäquitz'iloj quib rumal jun cächalaxic ri cäcämic.

Aj Levitib 21:22

Cuya' cutij rech we wa ri' xukuje' ri jastak ri e tastalic xukuje' ri sibalaj e tastalic.

Ri Hajey 2:13

Are c'u ri Hajey xtakenic: “Kabana' chi c'ut, chi c'o ta jachin jun, ri tz'ilotajinak rumal rech ri u nakic jun cäminak, quebunaka ta c'u jun chque we jastak ri': ¿la xa pa lo ma ta quetz'ilotaj wa;?” Ri e cojol tabal tok'ob xquitzelej u bixic je.

Ajilanic 18:19

Ronojel ri cuchuj ri quequitas ri aj israelib chwe, quebenya' chawe, xukuje' chque ri e a c'ojol ri e a mia'l ri c'ä e c'o pa ri awachoch. Jun pixab wa' ri cäjeki' canok amak'el. Jun c'ulwächinic ri man c'o ta u q'uextajic, junalic, ri quinban awuc' xukuje' cuc' tak ri e awija'lil.”

Ajilanic 18:9

Chque ri tabal tok'ob ri queporoxic, quecanaj conojel tak ri sipanic quech c'äj chawe, xukuje' ri tabal tok'ob ri rumal macunic o rumal chak'maquil quequichi'j ri aj israelib chwe; conojel we tastalicalaj tak sipanic ri' quecanaj chawe xukuje' chque ri e a c'ojol.

Ajilanic 19:20

We jun winak ri kas tz'ilobinak ri man cujosk'ij ta rib rajawaxic quesax chuxo'l ri u tinimit, cärawasij c'ut ri u k'ijilabal ri Ajawaxel. Man chicom ta c'ut ruc' ri ja' re josk'ibal ib, u takem jekelem chupam ri tz'ilol.