Aj Levitib 22:23 - Quiché Bible

²³ Jacha' che sipanic ri xak pa ech wi cuya' cächi'j jun ama' wacax o jun ama' chij pune' cutucak cakan, we c'u che u tz'akatisaxic jun chi'nic man cäc'amar ta na.

Aj Levitib 22:23 ပူးပေါင်းရင်းမြစ်များ

Elem 35:29

Conojel ri aj israelib chi achijab chi ixokib, ri xpe pa canima' chi quetobanic rech cäbantaj ri xtakanic ri xuya' ri Ajawaxel che ri Moises, conojel xequic'am ulok ri qui sipanic ruc' ronojel canima' che ri Ajawaxel.

Aj Levitib 21:18

Kastzij ri quinbij, man c'o ta jun achi ri c'o ta jun u yab ri ya'tal ta che cakeb ta che u banic: we moy, we ch'oco'j, o jech' u tza'm o u xiquin,

Aj Levitib 22:22

Mebuya', awaj che tabal tok'ob chuwäch ri Ajawaxel, ri e moyab, o e socotajinak, o e k'ajinak, o e pixnac' quij, o e joxoc' quij, o e ch'a'c quij, mawi mebuya' rech caporox chuwäch ri Ajawaxel.

Aj Levitib 22:24

Mawi meya' awaj chuwäch ri Ajawaxel ri socotajinak ri qui cowil, ri quirikom c'ax, o e t'okopitajinak o e k'atk'obinak. Mebinak'atisaj qui banic we jastak ri' pa ri i tinimit.

Ri Malaquiy 1:8

Chi man awas ta c'ut we quechi'x tak awaj chnuwäch moyab ch'oco'yib o yawabib.” ¡Jix ba', chebic'ama' bic chque ri e i k'atal tak tzij! ¡Chiwila' c'ut we quequic'am ri sipanic ruc' ronojel canima'!

U Camulixic ri Pixab 15:21

We c'u ne c'o jun u yab, o we ne ch'äcoj o moy o c'o chi apachique jun chi u yab, man caya' ta che tabal tok'ob chuwäch ri Ajawaxel.

U Camulixic ri Pixab 17:1

“Michi'j jacha' che tabal tok'ob jun ama' wacax mawi jun chij ri c'o u yab che tabal tok'ob che ri Ajawaxel ri i Dios, o jun jasach ri man utz taj. Ri Ajawaxel ri i Dios man utz ta cäril wa'.