Aj Levitib 22:19 - Quiché Bible

¹⁹ Rech cäc'amar ri u sipanic, rajawaxic cuya' jun ama' awaj ri man c'o ta u yab, cuya' jun ama' wacax, jun ama' chij, o jun q'uisic'.

Aj Levitib 22:19 ပူးပေါင်းရင်းမြစ်များ

Elem 12:5

Ri awaj rajawaxic chi c'o chic jun u junab, ama' xukuje' man c'o ta u yab, we alaj chij o alaj q'uisic'.

Aj Levitib 1:10

We ri awaj ri cuchi'j che tabal tok'ob ri cächajirisaxic, caresaj chquixo'l ri e u chij o u q'uisic; rajawaxic are jun ama' ri man c'o ta u yab.

Aj Levitib 1:2

“Chattzijon cuc' ri aj israelib chabij c'u chque chi aretak jun chiwe quebuc'am ulok awaj chwe che sipanic, rajawaxic cäresaj ulok chquixo'l ri u wacax xukuje' chquixo'l ri u chij.

Aj Levitib 1:3

We ri awaj ri cuchi'j che tabal tok'ob ri cächajirisaxic cäresaj ulok chquixo'l ri u wacax, rajawaxic are jun ama' wacax ri man c'o ta u yab. Rech cac'amar ri cuyao, rajawaxic cuchi'j chuwäch ri Ajawaxel chuchi' ri oquibal chupam ri Lic'om Rachoch Dios re rikoj ib,

Aj Levitib 21:18

Kastzij ri quinbij, man c'o ta jun achi ri c'o ta jun u yab ri ya'tal ta che cakeb ta che u banic: we moy, we ch'oco'j, o jech' u tza'm o u xiquin,

Aj Levitib 4:32

We ri winak ri' cuc'am ulok jun ati't chij che tabal tok'ob u mac rech ri macaj, rajawaxic cuc'am ulok jun ati't chij ri man c'o ta jun u yab.

Ri Matey 27:19

Aretak ri Pilat t'uyul puwi' ri tem jawije' cuk'at wi tzij, ri rixokil xtakan bic ruc' che u bixic che: “C'o jas maban che we suc'alaj achi ri'. Q'uialaj c'ax c'ut xinrik pa ichic' mier rumal rech ri are.”

Ri Matey 27:24

Ri Pilat aretak xrilo chi man c'o ta curechbej, xane' xban jun nimalaj tuquin ib. Xuc'am c'u ja', xuch'aj ri u k'ab chquiwäch ri winak, xubij: “Man quinweklej ta ri u quiq'uel we achi ri' ri man c'o ta u mac. Ix chixilowok.”

Ri Matey 27:4

Xubij: “C'o ri nu mac. Xinjach jun achi rech cäcämisaxic, ri man c'o ta u mac.” Ri e are c'ut xquibij: “¿Jas ke uj che? ¡At chatilowok!”

Ri Matey 27:54

Ri qui nimal ri jun sient ajch'ojab e rachil ri chajil tak re ri Jesus, aretak xquil ri cabrakan, aretak xquil ronojel ri xc'ulmaxic, sibalaj xquixe'j quib, xquibij: “Kastzij we achi ri' u C'ojol ri Dios.”

Ri Lucax 23:14

Xubij chque: “Ix i c'amom ulok we achi ri' chnuwäch, xibij chi cujech'obisaj qui be ri winak. Chiwilampe', xinc'ot u chi' chiwäch, man c'o ta jun etzelal xinrik chrij we achi ri' chque ri tzij ri quebibij chrij.

Ri Lucax 23:41

Ri ke ri uj kastzij takal chke chi cäc'äjisax ka wäch, rumal rech ri ka banom. Are c'u we achi ri' man c'o ta etzelal u banom.”

Ri Lucax 23:47

Aretak ri qui nimal ri jun sient ajch'ojab xril ri xc'ulmaxic, xunimarisaj u k'ij ri Dios, xubij: “Kastzij ba' we achi ri' kas suc'.”

Ri Xuan 19:4

Ri Pilat xel chi bic jumul, xubij chque: “Chiwilampe', quinc'am ulok chiwäch, rech quiwetamaj chi man c'o ta jun etzelal quinrik chrij.”

2 Corintios 5:21

Ri Crist man c'o ta jun macaj xubano; xa' c'u u mac kech uj, ri Dios xuban che jacha' ri cuban che ri kas macaj, rech jeri', rumal ri Crist, cujel chupam ri chak'maquil.

Efesios 5:27

rech cutac'aba' ri comon cojonelab chuwäch are', jun comon cojonelab ri nim u k'ij, man tz'ajtajinak taj, mawi c'o bach'uy che, mawi jun jasach jewa' xane' jun tastalic comon cojonelab, utz ronojel.

U Camulixic ri Pixab 15:21

We c'u ne c'o jun u yab, o we ne ch'äcoj o moy o c'o chi apachique jun chi u yab, man caya' ta che tabal tok'ob chuwäch ri Ajawaxel.

Hebreos 9:14

¡e ta c'u lo ri u quiq'uel ri Crist, ri xuya' rib rumal ri junalic Uxlabaxel, man tz'ajtajinak taj chuwäch ri Dios, quebujosk'ij na ri retamabal ka c'u'x ruc' ri quesaxic ri cäminak tak chac, rech cäkak'ijilaj ri c'aslic Dios!

1 Pedro 1:19

xane' ri u quiq'uel ri Crist ri pakal rajil, are xixcolowic, jas ri u quiq'uel jun alaj chij, jun utzalaj chij ri man c'o ta u yab xukuje' man tz'ajtajinak taj, yo'm che tabal tok'ob cho ri Dios.

1 Pedro 3:18

Xukuje' ri Crist xurik c'ax. Xurik ri cämical xa' jumul rumal quech ri ka mac. Ri suc' xurik c'ax rumal quech ri man e suc' taj. Xurik c'ax che ka c'amic bic chuwäch ri Dios, cämisam pa ri u cuerp, c'astajisam c'u pa ri uxlabal.