Aj Levitib 21:9 - Quiché Bible

⁹ We ri u mia'l jun cojol tabal tok'ob caretzelaj rib cux c'u re nim ch'utin, caresaj u q'uixbal ri u tat, rajawaxic c'aslic cäporox pa k'ak'.

Aj Levitib 21:9 ပူးပေါင်းရင်းမြစ်များ

Chapletajic 38:24

Oc'owinak chi oxib ic' aretak xya' u bixic che ri Juda, xbix che: “Ri awalib Tamar u nimon rib cuc' tak achijab, k'alaj chi yawab winak chic.” Ri Juda ruc' royowal xubij: “¡Chiwesaj bic, chiporoj pa k'ak'!”

Elem 31:14

Ri k'ij re uxlanem jun tastalicalaj k'ij wa' chiwe, nim chiwila' wi, jachin c'u ri man nim ta cäril wi we k'ij ri', cäcämisaxic. Apachin ta ne ri cuban jun patanijic pa we k'ij ri', quesax ri u bi' chquixo'l ri u winakil.

Ri Isaiy 33:14

Quebirbob ri ajmaquib pa ri Sion, ri man e nimanelab taj quenoj na che xe'n ib cäquibij c'ut: “¿Jachin ta chke cäcuinic cäc'asi pa jun k'ak' jarisanel, pa jun k'ak' aj chbe k'ij sak?”

Aj Levitib 19:29

Mawuc'aj awib ruc' ri a mia'l rumal c'u awech cutakej ri u chac jun nim ch'utin, mawetzelaj ri tinimit canojisaj c'u che etzelal.

Aj Levitib 20:14

We c'o jachin jun cuc'am jun ixok che rixokil xukuje' ri u nan we ixok ri', u banom jun il mac. Ri are' xukuje' ri ixokib e c'asc'oj queporox pa k'ak'. Jeri' ma ta cheban tak we il mac ri' chixo'l.

Ri Malaquiy 2:3

“Quenwesaj ri takanic pa i k'ab quenq'uiaka' ri qui mes ri awaj chi palaj ri quebic'am ulok che tabal tak tok'ob. ¡Junam c'ut xukuje' ruc' ri qui mes ri awaj, xukuje' ri ix quixmes na bic!

U Camulixic ri Pixab 22:21

quesax ulok chuchi' ri rachoch ri u tat cäbuc' chabaj cumal ri e u winakil c'ä cäcäm na, rumal rech ri nimalaj mac ri u banom pa Israel xukuje' resam u q'uixbal ri u tat. Je chibana' wa' rech cäsach u wäch ri etzelal ri cäban chixo'l.

Ri Tit 1:6

Rajawaxic chi ri jun ri catakan pa ri comon cojonelab, man c'o ta etzelal cäriktaj chrij xukuje' xa' jun rixokil. Rajawaxic chi ri e ralc'ual e cojonelab, ri man cätataj ta etzelal chquij, xukuje' man quewalij ta chquij ri e c'o paquiwi'.

Ri Josue 7:15

Jachin c'ut ri c'o pa u k'ab ri ya'tal u sachisaxic u wäch, caporox na querachilaj na ri ralaxic xukuje' conojel ri jastak quech, rumal rech chi xuban jun jasach ri man ya'tal ta u banic pa Israel xukuje' chi man xutz'akatisaj ta ri u c'ulwächinic ri Ajawaxel.”

Ri Josue 7:25

Ri Josue xubij che: “¿Jasche xac'am ulok we u q'ueyowal ri' pakawi'? Camic, are' ri Ajawaxel chubana' chi chkaj ri u q'ueyowal pawi' ri xac'am ulok pakawi'.” Xuwi xbitaj wa', conojel ri aj israelib xquicämisaj ri Acan che abaj xukuje' ri e c'o ruc', xequiporoj c'ut.

Nabe Samuel 2:17

Je c'u ri', sibalaj c'axalaj mac ri cäquiban we alabom ri' chuwäch ri Ajawaxel, man nim ta c'u quequil wi ri tabal tak tok'ob ri queya' che ri Ajawaxel.

Nabe Samuel 2:34

Cajwataj c'u wa' che c'utbal chawe ri caquic'ulmaj na ri quieb a c'ojol, ri Opni xukuje' ri Pinees: xa pa jun k'ij qui cabichal quecäm na.