Aj Levitib 20:8 - Quiché Bible

⁸ Chebinimaj tak ri nu pixab, chibana' jas ri cäquibij. In ri' ri Ajawaxel ri quixintas chwe.

Aj Levitib 20:8 ပူးပေါင်းရင်းမြစ်များ

Elem 31:13

“Kas at chattzijon cuc' ri aj israelib, chabij wa' chque: Ri ix, nim chebiwila' wi ri e nu k'ij re uxlanem, jun etal c'u wa' ri jekebam chnuxo'l iwuc' in che tak ri k'ij junab, rech quetamatajic chi in, ri Ajawaxel ri xixincha'o'.

Ri Ezequiel 20:12

Xukuje' xinya' quetamaxic tak ri e nu k'ij re uxlanem chque, ri rajawaxic are' jun etal rech ri c'ulwächinic ri nu banom cuc' xukuje' jun natabal chi ri in, ri Ajawaxel, e nu tasom chwe.

Ri Ezequiel 37:28

Aretak ri tastalicalaj wachoch cäcanaj na amak'el pa qui niq'uiajil, ri niq'uiaj nimak tak tinimit chic caquich'ob na chi in in chowinak ri Israel jacha' ri tastalicalaj wechbal.’ ”

Aj Levitib 19:19

Chatoc il che qui banic ri cubij ri nu pixab. Mabano chi quebetz'en ri awawaj cuc' tak awaj ri e jule' chic quija'lil. Matic jalan tak ija' chupam ri awulew ri cuyuj ta rib. Macoj jun awatz'iak ri jalan tak bätz' e cojom che u quemic.

Aj Levitib 19:37

Chebinimaj ba' conojel tak ri nu pixab xukuje' conojel tak ri nu takanic, chibana' jas ri cäquibij. In ri' ri Ajawaxel.”

Aj Levitib 20:26

Ri ix rajawaxic quixux tastalic chwe, in c'ut ri Ajawaxel, in tastalic, man quinban ta etzelal, in c'ut nu banom chiwe chi man ix ta junam cuc' ri niq'uiaj chic tinimit rech quixux wech.

Aj Levitib 21:8

Chebatasa' che ronojel wa', rumal rech chi e are' ri quechi'n ri wa che ri a Dios. E tastal c'u chawe, rumal rech chi ri in, ri Ajawaxel, in tastalic, man quinban ta etzelal, in c'ut ri quinbanowic chi quetastaj chwe.

Aj Levitib 22:32

Miwawasij ri tastalicalaj nu bi', rech cäya' nu k'ij chquixo'l ri aj israelib. In ri' ri Ajawaxel ri ix tasowinak che nu patanixic.

Ri Matey 12:50

Apachin ri cuban ri u rayibal ri nu Tat ri c'o pa ri caj, are wa' ri nu chak', ri wana'b, xukuje' ri nu nan.”

Ri Matey 23:17

¡Conab xukuje' moyab! ¿Jachique c'ut ri nim na u k'ij, la are ri k'an puak, o are ri rachoch Dios ri cäbanow tastalic che ri k'an puak?

Ri Matey 5:19

Je c'u ri' apachin ta ne ri man cunimaj ta jun chque ri pixab, pune' are ch'utin na, cubij c'u chque niq'uiaj winak chic chi man cäquinimaj taj, ri are cubinaj na sibalaj nitz' pa ri rajawibal ri Dios. Apachin c'u ri cunimaj ri pixab, cubij c'u chque niq'uiaj winak chic chi cäquinimaj, ri are cubinaj na nim pa ri rajawibal ri Dios.

Ri Matey 7:24

“Ronojel jachin ri cutatabej we nu tzij ri', cunimaj c'ut, are' je jas jun achi utz u chomanic. Ri achi ri' xuyac jun rachoch puwi' jun nimalaj abaj.

Ri Xuan 13:17

We iweta'm we jastak ri', ix tewichitalic we quibano.

1 Corintios 1:30

Rumal c'ut ri are' ix nuc'utal ruc' ri Crist Jesus, ri rumal ri Dios uxinak no'j chke, xukuje' suq'uilal, tastaliquil xukuje' colobal ib.

1 Tesalonicenses 5:23

Are ri Dios ri cäyo'w jamaril chixo'l, cuban tastalic tak winak chiwe pa ronojel, cuchajij ri iwuxlabal, ri i c'aslibal, xukuje' ri i cuerp rech mata c'u jun quetzelal che ri u petibal ri Kajaw Jesucrist.

2 Tesalonicenses 2:13

Kachalal ix lok'ok'em rumal ri Ajawaxel, rajawaxic chi amak'el cujmaltioxin che ri Dios rumal iwech. Rumal rech chi pa ri u tiquiritajic, ri Dios xixucha' rech quixcolotajic rumal ri Uxlabaxel ri cuban tastalic tak winak chiwe, rumal ri i cojonic che ri kastzij.

Santiago 1:22

Chinimaj ri tzij, chibana' jas ri cubij, man xuwi ta quita' ri tzij. We ta xak je quibano, quisub iwib.

Apocalipsis 22:14

Utz que ri qui ch'ajom ri catz'iak, rech ya'tal ri che' re c'aslemal chque, xukuje' rech queboc pa tak ri u chi' ri tinimit.