Aj Levitib 20:2 - Quiché Bible

² “Chabij chque ri aj israelib ri quinbij chawe: Apachin ta ne ri aj israel, we ne jun chque ri man i winakil taj ri e jekel pa Israel, ri cujach jun chque ri u c'ojol che ri Moloc, rajawaxic cäcämisax na, ri aj tinimit e are' quecämisan na, ruc' abaj.

Aj Levitib 20:2 ပူးပေါင်းရင်းမြစ်များ

Nabe Ajawinelab 11:7

Pa tak ri k'ijol ri', ri Salomon xuyac pa ri juyub ri c'o pa ri elebal k'ij che ri Jerusalen, jun k'ijilabal che ri Quemos, jun itzelalaj qui dios ri aj Moab, xukuje' che ri Moloc jun itzelalaj qui dios ri aj amonib.

Ucab Ajawinelab 17:17

Xquibano chi xeporox tak ri e qui c'ojol xukuje' tak ri e qui mia'l pa ri k'ak' che tabal tak tok'ob, xequiban tak ch'obonic xukuje' k'ijinic, xquijach quib che u banic ri etzelal chuwäch ri Ajawaxel, je c'u xquiban wa' che u yaquic ri royowal.

Ucab Ajawinelab 23:10

Ri Josiy xukuje' xuc'äjij ri porobal ri c'o pa ri beya' re Ben-inom, rech man c'o ta jachin jun cuporoj ta ri u c'ojol mawi ri u mia'l jacha' che tabal tok'ob che ri Moloc.

Ucab Tzijobelil 28:3

xuporoj c'u c'oc' k'ol pa ri beya' re Ben-hinom xebuporoj c'ut ri u c'ojol che tabal tok'ob, junam jas qui nak'atisabal ri nimak tak tinimit ri xeburokij bic ri Ajawaxel chquiwäch ri aj israelib.

Ucab Tzijobelil 33:6

Xebuporoj c'u ne tak ri e u c'ojol che tabal tok'ob pa ri beya' re Ben-hinom, xuchacuj rech ri qui ch'abexic tak ri itzel tak uxlabal ri u banic ch'obonic xukuje' ri subunic, xujekeba' ri aj itzel uxlabal xukuje' ri itzinic. Sibalaj e itzel tak ri e u banoj chuwäch ri Ajawaxel, ri xuq'uis retzelaxic rib chuwäch.

Salmib 106:38

Xequitix quic' ri man e c'o ta qui mac, ri e qui quiq'uel ri e qui c'ojol xukuje' tak ri e qui mia'l xequiya' che tabal tok'ob chquiwäch ri e qui diosib ri aj cananeyib. Ri ulew xtz'ilotaj rumal ri qui quiq'uel,

Ri Jeremiy 32:35

Xukuje' xequiyac tak porobal che ri Baal chupam ri u Beya' ri Ben-inom, che qui kawisaxic tak ri qui c'ojol xukuje' tak ri qui mia'l che u ya'ic tabal tok'ob che ri Moloc, xquikasaj c'u ri Juda pa macaj, jun jasach wa' ri xawebal ri man xebentak ta wi ri mawi ne xoc'ow pa ri nu chomanic.”

Ri Jeremiy 7:31

Chupam ri beya' re Ben-inom xquiwoc wi ri porobal aj Topet che qui poroxic tak ri e qui c'ojol ri e qui mia'l, man c'o ta c'u takanic xinya' ta chque chi je ta chiquibana' wa' ri mawi c'u ne jubik' xoc'ow chupam ri nu chomanic.

Ri Ezequiel 20:26

Xinya' be chque chi chquixk'olij tak quib rumal ri qui c'amic tak bic sipanic chque tak ri e diosib xequiporoj tak c'ut ri e nabeal tak qui c'ojol chque pa ri k'ak' che tabal tak tok'ob. Xinban c'u wa' rech quenoj che xe'n ib xukuje' caquich'ob c'ut chi in ri' ri Ajawaxel.’

Ri Ezequiel 20:31

Aretak quebiya' tak we sipanic ri' xukuje' quebiporoj c'ut ri e i c'ojol pa ri k'ak', ri ix c'ä e i takem qui tz'iloxic iwib cuc' tak ri e diosib. ¿La je c'u ri' quiwaj ix, aj israelib, quixpe che u tz'onoxic i no'j chwe? In, ri Ajawaxel, quinban ri chi'nic ri kas cäban na, quincha' rumal ri nu c'aslemal chi man quinya' ta wib che u ya'ic i no'j.

Ri Ezequiel 23:37

We ixokib ri' e uxinak man e jic taj chwe e tz'ajtajinak ri qui k'ab che quic'. E uxinak man e jic taj quequik'ijilaj tak ri e diosib. Che c'u u ya'ic qui k'ij e qui kawisam tak ri kas e calc'ual pa ri k'ak', ri e nu c'ojol tak ri e walc'ualam cuc'.

Ri Ezequiel 23:39

Kas pa ri k'ij aretak xequiya' ri cal che tabal tok'ob che u ya'ic qui k'ij tak ri e diosib, xepetic xeboc chupam ri tastalicalaj wachoch xquitz'iloj c'ut. ¡Are wa' ri qui banom, chupam ri kas wachoch!

Aj Levitib 17:13

Apachique ta ne aj israel o apawije' ta ne cäpe wi, ri jekel chixo'l, ri cuchap jun awaj pa juyub o jun chicop ri c'o u xic' ri ya'tal u tijic, rajawaxic xa cumuk ri u quiq'uel ri awaj ri xuchapo.

Aj Levitib 17:15

Apachique ta ne aj israel o apawije' ta ne cäpe wi, ri cutij ri u ti'jal jun awaj ri xak c'ätetal xcämic, o ri xch'akatix rumal jun juyubal awaj, quebuch'aj ri ratz'iak xukuje' catinic, cäcanaj c'u can tz'il, c'ä coc na ri ak'ab, c'äte ri' cäcanaj ch'ajch'oj.

Aj Levitib 17:8

Xukuje' chabij chque: apachique ta ne aj israel o jun ri man i winakil taj ri jekel chixo'l, ri cuya' ta jun tabal tok'ob ri cächajirisaxic o apachique chi jun tabal tok'ob,

Aj Levitib 18:21

Majach jun chque ri a c'ojol che sipanic che ri dios Moloc; matz'iloj ri u bi' ri a Dios. In ri' ri Ajawaxel.

Aj Levitib 20:1

Ri Ajawaxel xutzijobej ri Moises, xubij che:

Aj Levitib 20:27

Ri achi ri ixok ri c'o jun uxlabal ruc' ri cuban ch'obonic, cäcämisax na; abaj cacämisabex rech, are' ajchak'mac che ri u cämical.”

Aj Levitib 24:14

“Chawesaj bic ri yok'onel chrij ri kajebal, conojel c'u ri xeto'wic chquiya' ri qui k'ab pa u jolom, conojel ri xquita' ri xubij chbuc' che abaj cumal conojel ri aj israelib.

Aj Levitib 24:23

Ronojel wa' xubij ri Moises chque ri aj israelib, xquesaj c'u bic ri yok'onel chrij ri tinimit, xquibuc' che abaj. Je c'u xquiban ri aj israelib jas ri xubij ri Ajawaxel che ri Moises.

Hechos 7:43

Man xiya' taj, xane' are xiwekaj ri cak'ijilax wi ri dios Moloc, xukuje' ri u ch'imil ri dios Repan, qui wächbal tak diosib ri kas ix xebibano che qui k'ijilaxic. Rumal ri' quixin q'uiak na bic pa jun ulew chic naj che ri Babilon.’

U Camulixic ri Pixab 12:31

Je miban wa' chuwäch ri Ajawaxel ri i Dios; conojel c'ut ri jastak ri man e ch'ijtajel taj, ri man quebucoch' ta ri Ajawaxel, e are' tak wa' ri quequiban we nimak tak tinimit ri'; quequiporoj c'u ne tak ri calc'ual pa ri k'ak'.

U Camulixic ri Pixab 17:2

We pa jun chque tak ri tinimit ri cuya' ri Ajawaxel ri i Dios chiwe cätataj u tzijol chi c'o jun achi o jun ixok ri cuban ri man cäkaj ta chuwäch ri Ajawaxel, man cutz'akatisaj ta c'ut ri u c'ulwächinic;

U Camulixic ri Pixab 18:10

C'o jun chiwe muya' ri u cojol che tabal tok'ob rech cäporox pa k'ak', mawi mutijoj rib che u banic ch'obonic, mäsubun che u bixic ri c'ä maja' cäc'ulmatajic, mawi mujach rib che u banic itzinic

U Camulixic ri Pixab 21:21

Conojel c'u ri achijab re ri tinimit cäquicämisaj na, cäquibuc' na chabaj. Je chibana' wa' rech cäsach u wäch ri etzelal ri cäban pa ri i tinimit; aretak c'u cäquetamaj ri aj israelib wa', cäquixe'j na quib.”

U Camulixic ri Pixab 22:21

quesax ulok chuchi' ri rachoch ri u tat cäbuc' chabaj cumal ri e u winakil c'ä cäcäm na, rumal rech ri nimalaj mac ri u banom pa Israel xukuje' resam u q'uixbal ri u tat. Je chibana' wa' rech cäsach u wäch ri etzelal ri cäban chixo'l.