Aj Levitib 19:32 - Quiché Bible

³² Chatwalij che u to'ic ri sak u jolom, nim chebawila' wi ri nimak tak winak, amak'el chana' awib chuwäch ri a Dios. In ri' ri Ajawaxel.

Aj Levitib 19:32 ပူးပေါင်းရင်းမြစ်များ

Chapletajic 31:35

Ri Raquel xubij che ri u tat: “Tat, mape oyowal la we man quinwalij chwäch la, xa cätajin cäkaj ri nu yab camic.” Sibalaj c'u xebutzucuj ri Laban ri u c'u'x u k'inomal, man xcuin ta c'u che qui rikic.

Chapletajic 48:12

Ri Jose xeresaj ri ac'alab xo'l u ch'ec ri u tat, xxuqui' chuwäch, xumej rib c'ä xuya' na ri u palaj cho ri ulew.

Nabe Ajawinelab 2:19

Je c'u ri', ri Betsabe xech'aw puwi' ri Adoniy ruc' ri ajawinel Salomon. Ri ajawinel xwalij che u c'ulaxic ri u nan xumej c'u rib chuwäch. Xt'uyi chi c'u jumul puwi' ri u tem re ajawibal xtakanic chi chc'am ulok jun je'licalaj tem che ri u nan; xt'uyi c'ut ri u nan pa ri u wiquiak'ab,

Ucab Ajawinelab 17:36

Chiya' k'ijilanic chwe in, chwe in ri Ajawaxel ri i Dios, ri xixesan ulok pa Ejipt ruc' ri u cojic ri nimalaj u cuinem. Xuwi chwe in rajawaxic quiya' wi k'ijilanic, xukuje' chimeja' wi iwib xukuje' chebichi'j wi tabal tak tok'ob.

Ri Job 32:4

Rumal c'u rech chi ri Eliu are' c'ä ac'al na chquiwäch conojel, xreyej na chi ri jule' chic xquitanaba' u tzijobexic ri Job;

Ri Job 32:6

Ri Eliu xubij: “U mac rech chi c'ä in c'ojol are c'u ri alak alak ri'jab chic, man xinchajij ta anima' che u k'alajisaxic chwäch alak ri quinchomaj.

E C'ambal tak Tzij 16:31

Ri e sak tak wi'aj e jun corona ri takalic, ri ch'äcom rumal jun c'aslemal ri tz'akat pa ronojel.

E C'ambal tak Tzij 20:29

Ri caquibanbej nimal ri alabom c'o chupam tak ri qui chuk'ab; ri nimarisabal qui k'ij ri nimak tak winak chupam tak ri qui wi' ri sak c'o wi.

E C'ambal tak Tzij 23:22

Chatoc il che ri a tat ri xatalc'ualanic mawetzelaj u wäch ri a nan aretak nim winak chic.

Ri Isaiy 3:5

Ri c'ax ri cäpe paquiwi' ri winak, chi pune' ta ne canima' quib, cäquich'ayala' na quib. Ri c'ä e ac'alab quequich'ay na ri ri'jab tak winak, ri man nimak ta qui k'ij quewalij na chquij ri nimak qui k'ij.

Juyuwem 5:12

Ri e c'ämal tak ka be xetzayibax chque tak ri qui k'ab, ri nimak tak tatayib man nim ta xeilic.

Aj Levitib 19:14

Mac'okoj ri man catantaj. Maya' jun tzakibal pa u be ri moy, chac'utu' chi nim cawil wi ri Dios. In ri' ri Ajawaxel.

Romanos 13:7

Chitojo' ri i c'as cuc' conojel. Chitojo' ronojel u wäch ri cuchuj che ri tok'il cuchuj. Nim chiwila' wi ri winak ri rajawaxic nim quil wi. Chiya' u k'ij ri winak ri rajawaxic cäya' u k'ij.

1 Timoteo 5:1

Co mach'abej jun nim tata', xane' chapixbej je jas ri a tat. Chebapixbej ri alabom je jas ri e awachalal.

1 Pedro 2:17

Nim chebiwila wi conojel. Chebilok'ok'ej ri kachalal. Chixe'j iwib chuwäch ri Dios. Nim chiwila' wi ri ajawinel.