Aj Levitib 19:18 - Quiché Bible

¹⁸ Maya' rajil u q'uexel ri c'ax ri cuban ri awajil a tz'akat chawe, mawi c'ax mana' che. Lok' chawila' ri awajil a tz'akat jacha' ri at chbil awib. In ri' ri Ajawaxel.

Aj Levitib 19:18 ပူးပေါင်းရင်းမြစ်များ

Chapletajic 4:23

Xurika' c'u jun k'ij ri Lamec xubij chque ri e quieb rixokil: “Ada, Zil, ix wixokil, kas chitampe' ri quinbij chiwe: nu cämisam jun achi xa rumal chi xinusoco; nu cämisam jun ala xa rumal chi xinuch'ayo;

Ucab Samuel 13:22

Ri Absalon, man c'o ta jas xuch'a' che ri Amnon xak ta pa re wi, caretzelaj c'u u wäch rumal rech chi xuban il che ri Tamar ri rana'b.

Ucab Samuel 13:28

Ri Absalon xusuc'umaj jun wa'im jas ri cacoj chuwäch jun ajawinel, u yo'm c'u qui takquil ri u pataninelab, xubij chque: “Kas utz rilic chibana' aretak pakalinak chic ri u wa'l uva pa u jolom ri Amnon, aretak c'u chinbij chiwe chi chicämisaj. Mixe'j iwib che u banic, in c'ut, ri yowinak ri takanic. Chi chajij ba' anima' chc'ol ri i chuk'ab.”

Salmib 103:9

Man xak ta amak'el cujuyajo xukuje' ri royowal man cäbeytaj taj;

Elem 20:16

Mebabij banoj tak tzij che u banic c'ax che ri awajil a tz'akat.

E C'ambal tak Tzij 20:22

Mawi jubik' mabij chi caya' na rajil c'axelal; chajiquiba' a c'u'x chrij ri Ajawaxel, cuban c'u na chawe chi catch'äcanic.

Aj Levitib 19:34

Je chibana' che ri man i winakil taj jacha' ri quiban che ri i winakil; chilok'ok'ej, xäk c'u junam iwuc', je c'u ne xiban ix xa xiwokxanij na iwib pa Ejipt. In ri' ri Ajawaxel ri i Dios.

Ri Matey 19:16

Xpe c'u jun c'ojol ala, xopan ruc' ri Jesus, xubij che: “Utzalaj Ajtij, ¿jas ri utz quinban na rech quinwechbej ri junalic c'aslemal?”

Ri Matey 19:19

Nim chebawila' wi ri a nan a tat. Chalok'ok'ej ri awajil a tz'akat je jas u lok'ok'exic awib chbil awib.”

Ri Xuan 13:34

Jun c'ac' takomal quinya' chiwe: Chilok'ok'ela' iwib. Je jas ri in ix nu lok'ok'em, xukuje' ri ix chilok'ok'ela' iwib.

Hechos 16:28

Ri Pawl co xch'awic, xubij: “¡Maban jun c'ax chbil awib! ¡Konojel uj c'o waral!”

Romanos 12:17

we cäban etzelal chiwe, mitoj u q'uexel ruc' etzelal. Are chicojo' i chuk'ab che u banic utzil chquiwäch conojel ri winak.

Romanos 12:19

Lok'alaj tak wachalal, mitoj u q'uexel ri etzelal xane' chiya' can che ri royowal ri Dios. Tz'ibatal c'ut: “Wech in ri tojow q'uexel, in quintojow na, cächa' ri Ajawaxel.”

Romanos 13:4

Ri k'atal tak tzij, are e pataninel re ri Dios che u banic utzil chawe. We caban ri etzelal, chaxe'j awib. Man xak ta lok' ruc'am ri u ch'ich'. Are pataninel re ri Dios che u c'äjisaxic qui wäch ri e banal tak etzelal, jas ri takal chque.

Romanos 13:9

Jewa' cubij ri pixab: “Matkaj pa mac cuc' niq'uiaj chic, matcämisanic, mateläk'anic. Marayij qui wäch jastak ri man awech taj.” Chupam we tzij ri' c'o wi ri kas u nimal ronojel ri pixab: “Chalok'ok'ej ri awajil a tz'akat jacha' ri at chbil awib.”

Gálatas 5:14

Ronojel ri pixab xa' jupaj tzij cäc'amow bic, are wa': “Chalok'ok'ej ri awajil a tz'akat je jas ri u lok'ok'exic awib at.”

Gálatas 5:20

quequik'ijilaj tak diosib, cäquiban itzinic, cäquic'ulelaj quib, cäquiyac ch'o'j, cäpe coyowal we jun chic curik utzil. Chanim cäpe coyowal, xak xuwi cäquiban ri utz cäquil wi ri e are', cäquitas quib chquij niq'uiaj chic, cäquic'am jalajoj tak no'jibal.

Efesios 4:31

Mitakej c'anal pa ri iwanima', mäpe chi iwoyowal, mibij chi tzij re oyowal, mixyok'on chic, miwetz'bej chi qui wäch niq'uiaj winak chic, miban chi ronojel u wäch etzelal.

U Camulixic ri Pixab 32:25

Quek'ok'ex na tak ri e qui c'ojol xo'l tak ri ja, are quebajawin na ri xibinelab pa tak ri cachoch; quecäm na ri alabom xukuje' ri alitomab, ri ri'jab xukuje' ri c'a quetu'nic.

U Camulixic ri Pixab 32:35

che ri k'ij ri quinya' na rajil u q'uexel chque, quinya' c'u ri takal chque, aretak copan ri k'ij re ri qui tzakic, nakaj chi c'u c'o wi ri k'ij re ri u sachic qui wäch, xa co'l man cänakajin ri k'ijol chque.

Colosenses 3:8

Camic c'ut, miban chi conojel we jastak ri': Mäpe iwoyowal, miban i c'anal, miban etzelal, miwetz'bej qui wäch niq'uiaj winak chic, mixyok'onic, mibij q'uixbalalaj tak tzij,

Hebreos 10:30

Keta'm jachin ri xbinic: “Wech in ri tojow q'uexel, in quintojow na,” cächa' ri Ajawaxel. Xukuje' cubij: “Ri Ajawaxel cuk'at na tzij paquiwi' ri winak re ri u tinimit.”

Santiago 2:8

Utz quibano we kastzij quibano jas ri cubij ri pixab ri nim u banic, jas ri cubij ri Tz'ibatalic: “Chalok'ok'ej ri awajil a tz'akat jas ri u lok'ok'exic awib chbil awib”. Utzqui bano.

1 Pedro 2:1

Je c'u ri, chiwesaj ronojel etzelal xukuje' ronojel subunic. Miban chi iwe jas cäquiban ri quieb qui wäch. Itzel miwil wi aretak jun chic curik utzil. Miyac chi tzij chquij niq'uiaj winak chic.

1 Juan 4:21

We takomal ri' yo'm chke rumal ri Jesucrist: Apachin ri culok'ok'ej ri Dios, xukuje' rajawaxic culok'ok'ej ri rachalal.