Aj Levitib 19:12 - Quiché Bible

¹² Mebaban tak chi'nic ri xak e cawäch pa ri nu bi', cawawasij c'u ri u bi' ri a Dios. In ri' ri Ajawaxel.

Aj Levitib 19:12 ပူးပေါင်းရင်းမြစ်များ

Salmib 15:4

ri cäretzelaj u wäch ri takal retzelaxic u wäch, nim c'u caril wi ri cuya' u k'ij ri Ajawaxel; ri quebutz'akatisaj ri e u chi'm pune' c'ax quelic;

Elem 20:7

Itzel u cojic ri u bi' ri Ajawaxel ri a Dios mabano, ri are' c'ut man cuya' ta c'u can ri winak chi xak ta jeri' chi ma ta cuc'äjisaj u wäch ri itzel u cojic ri u bi' cubano.

Ri Isaiy 48:1

“Chatatabej wa', ralaxic ri Jacob, ri cojom Israel che a bi' at rija'l c'u ri Juda ri caban ri chi'nic ri kas cäban na pa ri u bi' ri Ajawaxel ri canataj ri u bi' ri u Dios ri Israel, pune' man ch'ajch'oj ri awanima' mawi at jicom

Ri Jeremiy 34:16

Xiq'uex chi c'ut ri i chomanic, man nim ta xiwil wi ri nu bi', xebicoj chi chuk'ab chque ri lok'om tak pataninelab ri' ri e i tzokopim canok rech quixpatanix chi jumul cumal jacha' lok'om tak pataninelab.

Ri Jeremiy 4:2

c'äte c'u ri' catcuinic caban ri chi'nic ri kas cäban na pa ri nu bi' ruc' kastzij, suq'uilal xukuje' colomal. Ri nu bi' cux na chque ri nimak tak tinimit che tewichibal xukuje' che k'ijilanic.

Ri Jeremiy 5:2

E c'o jachin tak quequiban ri chi'nic ri kas cäban na rumal ri u c'aslemal ri Ajawaxel, xak c'u lok' quequiban ri chi'nic ri kas cäban na.”

Ri Jeremiy 7:9

Quixeläk'ic, quixcämisanic, quixkaj pa mac ruc' jun winak chic, xak lok' quiban ri chi'nic ri kas cäban na, quebichi'j c'oc' k'ol che ri Baal, quebiya' k'ijilanic chque tak diosib ri man c'o ta iwe ix chque,

Aj Levitib 18:21

Majach jun chque ri a c'ojol che sipanic che ri dios Moloc; matz'iloj ri u bi' ri a Dios. In ri' ri Ajawaxel.

Aj Levitib 20:3

Quinkasaj ri woyowal puwi' ri achi ri', quinwesaj ri u bi' chquixo'l ri u winakil u tz'ilom ri quink'ijilax wi rawasim ri tastalicalaj nu bi'. Rumal ri u ya'ic ri u c'ojol che ri Moloc.

Aj Levitib 6:3

o man cuk'alajisaj taj chi u rikom jun jasach ri tzakom canok; o rumal u bixic jun chi'nic ri kas cäban na re subunic (apachique we jastak ri' ri cämacun wi jun.)

Ri Zacariy 5:3

Xubij c'u chwe: “Chupam tz'ibatal wi ri c'okobal ri curik ronojel ri ulew. Je jas ri tz'ibatal chupam ri caperajil, man c'o ta jun ri chuban ta eläk' o xak ta lok' chuban ri chi'nic ri kas cäban na ri ma ta chi c'äjisax u wäch.

Ri Zacariy 5:4

Ri Ajawaxel ri c'o ronojel u cuinem cujiquiba' u bixic: ‘In quintak bic we c'okonic ri' rech coc chupam ri rachoch ri queläk'ic xukuje' chupam ri rachoch ri xak lok' cuban ri chi'nic ri kas cäban na pa ri nu bi'. Are c'u ri c'okobal cacanaj can chila' man quecanaj ta c'u na tem mawi abaj.’ ”

Ri Malaquiy 3:5

Ri Ajawaxel ri c'o ronojel u cuinem cubij. “In quinpe che u k'atic tzij piwi' ix. Xukuje' quinux c'u na k'alajisanel che qui c'ulelaxic tak ri quequiban tak itzinic, ri quekaj pa mac ruc' jun winak chic, ri xak lok' cäquiban ri chi'nic ri kas cäban na, ri quequiban c'ax chque ri ajchaquib, chque ri malca'nib xukuje' chque ri minorib, ri caquiban lawaloyil chque ri man e qui winakil taj xukuje' ri man nim ta quinquil wi.”

U Camulixic ri Pixab 5:11

Itzel u cojic u bi' ri Ajawaxel ri a Dios mabano, ri are' man cuya' ta can ri winak chi ma ta cuc'äjisaj u wäch jachin ri itzel u cojic ri u bi' cubano.

Santiago 5:12

Ri sibalaj rajawaxic, wachalal, micoj ri caj o micoj ri ulew pa i tzij che u bixic ri chi'nic ri kas cäban na. Micoj apachique jasach pa i tzij che u bixic ri chi'nic ri kas cäban na. Xane' aretak quibij “je'”, xuwi “je'” chibij. Aretak quibij “man je taj”, xuwi “man je taj” chibij. Chibana' wa' rech man cäk'at ta tzij piwi'.