Aj Levitib 18:27 - Quiché Bible

²⁷ Conojel c'ut we etzelal ri' xequiban ri xec'oji' can chupam we ulew ri' c'ä majok chixopanok ix, rumal ri' ri ulew nojinak che tz'ilol.

Aj Levitib 18:27 ပူးပေါင်းရင်းမြစ်များ

Nabe Ajawinelab 14:24

Xukuje' tak ri achijab re ri ulew cäquiban ri qui mac ri nim ch'utin jacha' ta ne che jun k'ijilanic, caquiban c'u conojel ri nimak tak etzelal ri e nak'atisam qui banic cumal ri nimak tak tinimit ri e k'ijilal tak diosib ri e resam bic ri Ajawaxel chquiwäch ri aj israelib.

Ucab Ajawinelab 16:3

xane' are xutakej u banic ri xquiban tak ri ajawinelab re Israel, c'ä xuporoj c'u ne ri u c'ojol xuchi'j che tabal tok'ob, jacha' ri itzel qui nak'atisabal ri itzel tak winak ri xeburokij bic ri Ajawaxel chquiwäch ri aj israelib.

Ucab Ajawinelab 21:2

Ri e u banoj man e utz ta xeril ri Ajawaxel, are xebuban ri itzel tak qui nak'atisabal ri winak ri xeburokij bic ri Ajawaxel chquiwäch ri aj israelib:

Ucab Tzijobelil 36:14

Xukuje' conojel ri e c'amal tak be pa Juda, ri e cojol tabal tok'ob xukuje' ri tinimit sibalaj c'u xebuxic man e jic taj, xequitakej ri itzel tak qui banoj ri nimak tak tinimit ri e k'ijilal diosib xquitz'iloj c'ut ri rachoch ri Ajawaxel ri u cha'om jacha' che k'ijilabal pa Jerusalen.

Ri Ezequiel 16:50

Xebux banal tak nimal xequiban c'u jastak ri e itzel quebenwilo; rumal ri' xinsachisaj qui wäch, jacha' ri awilom.

Ri Ezequiel 22:11

E c'o jachin tak queboc' cuc' ri quixokil ri cajil qui tz'akat, o caquinim quib ruc' ri calib ri sibalaj q'uixbal, o caquicoj chuk'ab che ri u mia'l ri qui tat ruc' jun ixok chic.

Ri Osey 9:10

Je wa' xubij ri Ajawaxel: “Aretak xinrik ri Israel, xinquicotic jacha' ri quebuban ri queburik uva chupam ri chaki'j uwo sak. Ri e i mam xebux tak che ri nu bak'wäch e jacha' ri nabe tak higo. Aretak c'u xebopan pa Baal-peor xquijach quib che qui patanixic ri e subunelab tak diosib, xquiban c'u quib chi xebux xawebal e jacha' ri diosib ri quequilok'ok'ej.

Aj Levitib 18:24

Mitz'iloj ba iwib cuc' jun chque we jastak ri'. Cuc' c'u we jastak ri' quitz'ilom wi quib ri tinimit ri quebenwesaj bic chiwäch ix.

Aj Levitib 18:26

Are c'u ri ix ri ix aj israelib, xukuje' ri man e i winakil taj ri e c'o chixo'l, chebinimaj ri nu pixab xukuje' ri nu takomal, miban jun chque we jastak ri' ri quequic'am ulok yok'obal.

Aj Levitib 18:28

¡Mixuq'uiak c'u bic ri ulew pa re wi, u mac rech chi qui tz'iloj, jacha' xebuq'uiak c'u bic ri winak ri xejeki' can nabe chupam chiwäch ix!

U Camulixic ri Pixab 20:18

rech man quixquitijoj ta che qui banic ri itzel tak jastak ri cäquiban ri e are' che u ya'ic qui k'ij ri e qui diosib, rumal ta c'u quech quixmacun chuwäch ri Ajawaxel ri i Dios.

U Camulixic ri Pixab 23:18

Miya' c'olbal ix chi chupam ri rachoch ri Ajawaxel ri i Dios catoj jun chi'nic ruc' ri puak ri cäch'ac che we chac ri' re nim ch'utin, rumal rech chi we banoj ri' itzel cäril ri Ajawaxel.

U Camulixic ri Pixab 25:16

Sibalaj c'u itzel quebil wa' rumal ri Ajawaxel conojel ri quebanow we jastak ri' xukuje' ri quebanow ri man suc' taj.”

U Camulixic ri Pixab 27:15

‘C'okotajinak ri winak ri cuban jun u dios o jun wächbal re ch'ich' ri jarisam pa k'ak' ri cäban rumal jun k'olol dios, cuya' c'u pa jun c'olbal ri c'utalic, xawebal wa' che ri Ajawaxel.’ Conojel ri tinimit cäquibij na: ‘Je chelok.’