Aj Levitib 18:26 - Quiché Bible

²⁶ Are c'u ri ix ri ix aj israelib, xukuje' ri man e i winakil taj ri e c'o chixo'l, chebinimaj ri nu pixab xukuje' ri nu takomal, miban jun chque we jastak ri' ri quequic'am ulok yok'obal.

Aj Levitib 18:26 ပူးပေါင်းရင်းမြစ်များ

Nabe Ajawinelab 14:24

Xukuje' tak ri achijab re ri ulew cäquiban ri qui mac ri nim ch'utin jacha' ta ne che jun k'ijilanic, caquiban c'u conojel ri nimak tak etzelal ri e nak'atisam qui banic cumal ri nimak tak tinimit ri e k'ijilal tak diosib ri e resam bic ri Ajawaxel chquiwäch ri aj israelib.

Aj Levitib 17:10

“In quinc'ulelaj na ronojel aj israel o ri man i winakil taj ri jekel chixo'l ri cutij, apachique ta ne quic'. In quinwesaj na chquixo'l ri e u tinimit.

Aj Levitib 17:8

Xukuje' chabij chque: apachique ta ne aj israel o jun ri man i winakil taj ri jekel chixo'l, ri cuya' ta jun tabal tok'ob ri cächajirisaxic o apachique chi jun tabal tok'ob,

Aj Levitib 18:25

Ri winak xquitz'iloj c'u ri culew; xinc'am c'u ulok ri c'äjisabal wächaj paquiwi'; u mac ri quetzelal, ri ulew xebuq'uiak bic ri e u winak tak pa re wi.

Aj Levitib 18:27

Conojel c'ut we etzelal ri' xequiban ri xec'oji' can chupam we ulew ri' c'ä majok chixopanok ix, rumal ri' ri ulew nojinak che tz'ilol.

Aj Levitib 18:30

Chebinimaj ba' tak ri nu takanic, mixkaj chupam ri qui banic tak ri jastak ri e ya'l tak yok'obal ri xeban nabe chiwäch ix, mawi mebitz'iloj tak iwib ix cuc'. In ri' ri Ajawaxel ri i Dios.”

Aj Levitib 18:5

Rumal ri' chi nimaj ri caquibij tak ri e nu takomal, xukuje' ri e nu pixab ri e tz'ibatalic. Ri winak ri quebutz'akatisaj, cäc'asi na. In ri' ri Ajawaxel.

Ri Lucax 11:28

Ri Jesus xubij: “Are quicotemal chque ri cäquitatabej ri u tzij ri Dios, cäquinimaj c'ut.”

Ri Lucax 8:15

Ri ija' ri xkaj pa ri utzalaj ulew, are cuq'uexwächij ri winak ri cäquita' ri tzij, cäquicoj ruc' ronojel canima'. Ri e are' cäquik'i ronojel u wäch c'ax, quewächin ruc' coch'onic.”

Ri Xuan 14:15

“We quinilok'ok'ej, quebinimaj na ri' ri e nu takomal.

Ri Xuan 15:14

Ix ri' ri ix wachil, we quibano jas ri quixintak wi.

U Camulixic ri Pixab 12:32

Chitakej ba qui banic ronojel ri ix nu takom wi, c'o mit'ik che mawi c'o miwesaj che.”

U Camulixic ri Pixab 4:40

Chixoc ba che qui nimaxic ri u pixab, xukuje' tak ri e u takomal ri quinya' chiwe pa we k'ij ri', utz c'u quixel na xukuje' tak ri e iwija'lil, q'ui junab c'ut quixc'asi' na pa ri ulew ri cuya' na ri Ajawaxel ri i Dios chiwe kas xa jumul.”