Aj Levitib 18:25 - Quiché Bible

²⁵ Ri winak xquitz'iloj c'u ri culew; xinc'am c'u ulok ri c'äjisabal wächaj paquiwi'; u mac ri quetzelal, ri ulew xebuq'uiak bic ri e u winak tak pa re wi.

Aj Levitib 18:25 ပူးပေါင်းရင်းမြစ်များ

Nabe Ajawinelab 21:26

Xuban jun nimalaj etzelal aretak xoc che qui k'ijilaxic tak ri diosib, jacha' ri xquiban ri aj amoreyib, ri xerokix bic rumal ri Ajawaxel chquiwäch ri aj israelib.)

Ri Esdras 9:11

ri xtak la qui banic cumal tak ri e k'axal tak tzij la, ri e pataninel tak ech la. Ri lal xya' la u bixic chke chi ri ulew ri cujoc wi na, ri xukuje' cujoc na che rechbexic, etzelatajinak rumal ri etzelal ri qui banom ri winak ri e c'o pa tak we c'olbal ri' ri qui nojisam chque tak ri itzelalaj tak qui nak'atisabal, che qui k'ijilaxic diosib quinojisam c'u chque itzel tak banoj.

Salmib 106:38

Xequitix quic' ri man e c'o ta qui mac, ri e qui quiq'uel ri e qui c'ojol xukuje' tak ri e qui mia'l xequiya' che tabal tok'ob chquiwäch ri e qui diosib ri aj cananeyib. Ri ulew xtz'ilotaj rumal ri qui quiq'uel,

Salmib 89:32

quinc'äjisaj na qui wäch quebenrapuj na u mac rech ri quetzelal xukuje' ri man qui nimanic taj;

Ri Isaiy 24:5

Ri ulew awasim cumal ri winak ri e c'o chuwäch, rumal rech chi qui k'ilom quib che qui banic ri caquibij ri pixab, man e qui nimam ta ri takanic, quekle'n ri junalic c'ulwächinic.

Ri Isaiy 26:21

Quel c'u ulok ri Ajawaxel jekel chupam ri nimalaj rachoch che u c'äjisaxic qui wäch qui mac ri qui mac ri e cho ri uwächulew, ri ulew man quebuc'u' ta chi na ri e u cäminakib, xane' queresaj ulok chisak ri etzelal ri e banom chuwäch.

Ri Jeremiy 14:10

Ri Ajawaxel je cubij wa' che ri tinimit Israel: “We tinimit ri' are cäkaj ri amak'el wacatem chuwäch cäbe je la' cäbe jeri'. Rumal ri' man cäkaj ta chnuwäch. Camic quenataj ri e u mac chwe quincot c'u na u chi'.”

Ri Jeremiy 16:18

Nabe quinban na chque chi quequicamulij qui tojic tak ri quetzelal xukuje' tak ri qui mac, rumal rech chi xquitz'iloj ri wulew cuc' tak ri xawebalalaj cäminak tak e qui diosib, pa ronojel c'ut ri ulew ri xinya' chque jacha' che quechal xequiban jastak ri itzel quebenwilo.”

Ri Jeremiy 2:7

Ri in xixinc'am ulok pa we ulew ri' ri wächinel, rech quebitij tak ri e u wächinic xukuje' ri utzalaj tak jastak ri quequiyao. Xixpe c'ut ix xiwawasij ri wulew, xiban chwe chi xmuluw nu c'u'x che we ulew ri', ri wech.

Ri Jeremiy 23:2

Ri Ajawaxel, ri u Dios ri Israel, je cubij wa' chque ri ajyuk'ab ri quebajawin puwi' ri u tinimit: “Ix e i jabum ri e nu chij, i banom c'u chque chi e animajinak bic man c'u e qui chajin taj. Are c'u ri camic, in sibalaj quinoc na il che ri utzalaj u c'äjisaxic qui wäch ri e itzel tak qui banoj. In, ri Ajawaxel, quinjiquiba' u bixic.

Ri Jeremiy 5:29

¿La ma ta c'u chinc'äjisaj qui wäch cumal we jastak ri'? ¿La ma ta chinya' ri takalic che ri winak ri je cuban wa'? In ri Ajawaxel, quinjiquiba' u bixic.

Ri Jeremiy 5:9

¿La ma ta c'u lo chinc'äjisaj qui wäch cumal tak we jastak ri'? ¿La ma ta quinya' na ri takal che ri tinimit ri je cuban wa'?

Ri Jeremiy 9:9

¿La ma ta c'u chinc'äjisaj qui wäch cumal we jastak ri'? ¿La ma ta chinya' ri takalic che ri tinimit ri je cuban wa'? In, ri Ajawaxel, quinjiquiba' u bixic.

Ri Osey 2:13

Quenc'äjisaj na u wäch rumal che ri k'ijol ri xoc'owic xuchi'j c'u c'oc' k'ol chque tak ri diosib, aretak quebuwik rib c'uc' tak mulk'ab xukuje' tak chachal che qui ternexic tak ri rachijab, xinusach c'u pa u jolom. In ri Ajawaxel, nu jiquibam u bixic.”

Ri Osey 8:13

We winak ri' quekaj ri tabal tak tok'ob chquiwäch, quepilon c'ut; are c'u ri in, ri Ajawaxel man quinquicot ta cuc': quenataj na chwe ri etzelal tak ri e qui banom, quinc'äjisaj c'u na qui wäch rumal ri qui mac, quinban c'u na chque chi quetzelej pa Ejipt.

Ri Osey 9:9

Xitz'akatisaj u chuwirisaxic iwib, jacha' ri pa tak ri k'ijol pa Gabaa. Are c'u ri Ajawaxel quenataj na ri e iwetzelal che cusolij na ri e i mac.

Aj Levitib 18:26

Are c'u ri ix ri ix aj israelib, xukuje' ri man e i winakil taj ri e c'o chixo'l, chebinimaj ri nu pixab xukuje' ri nu takomal, miban jun chque we jastak ri' ri quequic'am ulok yok'obal.

Aj Levitib 18:28

¡Mixuq'uiak c'u bic ri ulew pa re wi, u mac rech chi qui tz'iloj, jacha' xebuq'uiak c'u bic ri winak ri xejeki' can nabe chupam chiwäch ix!

Romanos 8:22

Keta'm c'ut chi conojel ri jastak ri e banom rumal ri Dios, junam quech'ikowic, e c'o pa k'oxowem c'ä camic, je jas jun ixok aretak cäralaj jun ral.

U Camulixic ri Pixab 18:12

Sibalaj c'u itzel quil wa' rumal ri Ajawaxel ri quequiban we jastak ri'. We c'u ri Ajawaxel ri i Dios queresaj bic we nimak tak tinimit ri' chiwäch, xa rumal rech chi cäquiban we itzel tak nak'atisabal ri'.

U Camulixic ri Pixab 21:23

ri u cuerp man cäcanaj ta can ronojel ri jun ak'ab chila', rajawaxic cämuk kas pa ri k'ij ri xcämic, c'okotajinak c'ut rumal ri Dios ri cäcämic ri tzayabam cho jun che. Ri ix man cuya' ta quiban tz'il che ri c'olbal ri cuya' ri Ajawaxel ri i Dios chiwe che iwechbal.”

U Camulixic ri Pixab 9:5

Jayi', man rumal ta rech chi nim i banic mawi rumal ri utzil ri quibano quixoc che rechbexic ri ulew; ri Ajawaxel queresaj bic chiwäch rumal rech ri etzelal che c'u u tz'akatisaxic ri chi'nic rech je quelic jas ri xubij che ri Abraham, ri Isaac xukuje' ri Jacob ri e i mam.