Aj Levitib 17:5 - Quiché Bible

⁵ Xya' we takanic ri' rech ri aj israelib quequichi'j na che ri Ajawaxel ri awaj ri quequipil pa apachique c'olbal, quequic'ama' ulok che ri cojol tabal tok'ob chuchi' ri Lic'om Rachoch Dios re rikoj ib, rech quebuchi'j che qui q'uexwäch jacha' che tabal tok'ob che utzirisan ib.

Aj Levitib 17:5 ပူးပေါင်းရင်းမြစ်များ

Chapletajic 21:33

Chila' pa Beerseb ri Abraham xutic juwi' che, jun tamarin, xuya' c'u u k'ij ri u bi' ri Ajawaxel, ri junalic Dios.

Chapletajic 22:13

Ri Abraham xtaki' apan u wäch xril jun chij ri ralital ri ruc'a' pa jun patzäpic k'ayes; xuc'ama' ri chij, xujach che tabal tok'ob ri cächajirisaxic che u q'uexwäch ri u c'ojol.

Chapletajic 22:2

Ri Dios xubij che: “Chac'ama' ri Isaac, ri a c'ojol ri xa jun ri sibalaj lok' chawäch, jät pa ri ulew Mor. Aretak catopan chila', chachi'j che tabal tok'ob ri cächajirisaxic puwi' jun chque ri juyub ri quinc'ut na chawäch.”

Chapletajic 31:54

Ri Jacob xebuporoj tabal tok'ob pa ri juyub ri', xebusiq'uij ri rachalaxic che wa'im. Conojel xewa'ic xcoc'owisaj ri ak'ab pa ri juyub.

Nabe Ajawinelab 14:23

xukuje' c'u ri e are' xequiyac k'ijilabal ri quek'ijilax wi tak diosib xequitac'aba' tak abaj xukuje' tastalicalaj tak cuta'm paquiwi' tak ronojel tac'atak tak juyub xukuje' chquixe' conojel jewejak tak che'.

Nabe Ajawinelab 3:2

Ri winak, quequichi'j c'u tak ri e qui tabal tak tok'ob paquiwi' tak ri tanatak tak c'olbal ri xek'ijilax wi ri e diosib, c'ä maja' c'u cäyac jun rachoch Dios che u k'ijilaxic ri Ajawaxel.

Nabe Ajawinelab 3:3

Ri Salomon culok'oj ri Ajawaxel quebutz'akatisaj c'ut ri pixab ri e u cojom can ri David, ri u tat, xuwi c'u paquiwi' tanatak tak c'olbal quebuchi'j wi tabal tak tok'ob xukuje' c'oc'alaj k'ol,

Ucab Ajawinelab 16:4

Xebuchi'j c'u ne tabal tak tok'ob xukuje' xuporoj c'u c'oc' tak k'ol paquiwi' tak ri quek'ijilax wi diosib, paquiwi' tak ri juyub xukuje' chquixe' tak che' ri k'eku'm qui xak.

Ucab Ajawinelab 17:10

Xukuje' xequitac'aba' tastalic tak abaj xukuje' ri e qui wächbal tak ri Asera paquiwi' tak ri juyub xukuje' tak ri che' ri e k'eku'm qui xak,

Ucab Tzijobelil 28:4

Xebuch'ij c'u ne tabal tak tok'ob xukuje' xuporoj c'oc' k'ol chquipam tak ri quek'ijilax wi ri diosib, tzam tak ri juyub xukuje' chquixe' tak ri juwi' tak che' ri k'eku'm tak qui xak.

Elem 24:5

Xebusiq'uij jujun alabom chquixo'l ri aj israelib, xebutak che qui pilic jujun wacax che qui poroxic che tabal tok'ob ri quechajirisaxic xukuje' che tabal tak tok'ob quech utzirisan ib.

Ri Ezequiel 20:28

Aretak xebencoj chupam ri ulew ri xinban ri chi'nic ri kas cäban na, in chokinak chi quinya' chque, xuwi xtaki' qui wäch che jun juyub ri naj elinak chicaj o juwi' che' ri jewejak u xak, chila' quequichi'j wi tak ri e qui tabal tak tok'ob xukuje' chila' quequiya' wi tak ri qui sipanic ri sibalaj xquiyacbej woyowal, chila' xequiporoj wi tak ri c'oc'alaj tak qui k'ol xukuje' chila' xequijamij wi tak ri qui sipanic re u wa'l uva.

Ri Ezequiel 22:9

Rumal rech ri qui banoj tak tzij jujun chque ri e a winakil e are' ri e ajchak'maquib chi e c'o ri quecämic; e are' juch'ob quebe pa tak ri nimak'ij ri queboc'owisax paquiwi' tak ri juyub che u ya'ic qui k'ij tak ri diosib, quequiban c'u xojibalalaj tak jastak.

Ri Ezequiel 43:27

Wukub k'ij qui takej u banic wa', pa ri uwajxak k'ij quitakej qui chi'xic tak ri tabal tok'ob ri cachajirisaxic xukuje' tak ri tabal tak tok'ob re utzirisan ib. Quixinc'am c'u na ruc' quicotemal. In, ri Ajawaxel, quinya' ri nu tzij.”

Ri Ezequiel 44:15

“Ri e cojol tabal tok'ob ri e aj levitib ri e rija'lil ulok ri Sadoc, ri xquitakej patanijic pa ri wachoch aretak ri aj israelib xquitas tak quib chque tak ri nu be, je, cuya' quekeb chnuwäch che nu patanixic. Ri e are' quecuinic quekeb chnuwäch che u chi'xic ri xepo xukuje' ri qui quiq'uel ri tabal tak tok'ob. In, ri Ajawaxel, quinyo'w we takanic ri'.

Aj Levitib 17:4

we man cuc'am ta c'u ulok chuchi' ri oquibal chupam ri Lic'om Rachoch Dios re rikoj ib che u chi'xic jacha' che sipanic che ri Ajawaxel chuwäch ri cäk'ijilax wi, cux na ajchak'mac che u jamixic ri quic', rumal ri' quesax na ri u bi' chquixo'l ri e u winakil.

Aj Levitib 17:6

Ri cojol tabal tok'ob cuchicoj ri quic' puwi' ri porobal re ri Ajawaxel ri c'o chuchi' ri Lic'om Rachoch Dios re rikoj ib, cuporoj c'u ri xepo che sipanic ri cäc'oc'atic ri cäkaj chuwäch ri Ajawaxel.

U Camulixic ri Pixab 12:2

Kas tz'akat qui sachisaxic qui wäch conojel tak ri c'olbal ri quequik'ijilaj wi diosib, ri tinimit ri quixbe che qui ch'äquic: pa tak ri juyub, paquiwi' ri alaj tak juyub xukuje' chquixe' tak ri che' ri k'eku'm qui xak.