Aj Levitib 16:4 - Quiché Bible

⁴ Rajawaxic cucoj bic ri u pam ratz'iak re lino ri tastalic, quebuch'uk bic ri u pa tak ra' ruc' säcaw re lino cucoj bic ri pas xe' u pam, xukuje' cucoj bic ri pisbal jolomaj. Atz'iak wa' ri tastalic, catin c'u na c'äte ri' quebucojo.

Aj Levitib 16:4 ပူးပေါင်းရင်းမြစ်များ

Elem 28:2

Chebabana' ratz'iak ri awachalal Aaron ri c'o na qui banic, che u ya'ic u k'ij xukuje' rech je'l quilitajic.

Elem 29:4

chac'ama' c'u bic ri Aaron e rachilam ri e u c'ojol chuchi' ri Lic'om Rachoch Dios re rikoj ib, cabij chque chi quebatinic;

Elem 30:20

quequich'aj c'ut ri cakan qui k'ab aretak queboc pa ri Lic'om Rachoch Dios re rikoj ib xukuje' aretak quenakajin che ri porobal che u jachic ri sipanic ri cäporox chuwäch ri Ajawaxel, we je caquiban wa' man quecäm taj.

Elem 40:12

Chebac'ama' bic ri Aaron e rachilam ri e u c'ojol chunakaj ri u chi' ri Lic'om Rachoch Dios re rikoj ib, chabij chque chi chebatinok,

Ri Isaiy 53:2

Ri Ajawaxel xraj chi ri pataninel rech cäq'uiyic jacha' jun tico'n ri cäloclotic; ri cäbe ri u rab pa ri chaki'j ulew. Man c'o ta u je'lal mawi u juluwem, ri u wächbal man c'o ta ri cärayix ta che;

Ri Ezequiel 44:19

C'ä majok c'u chebel bic chuwäch ri nabe uwo ja, jawije' e c'o wi ri tinimit winak, rajawaxic quequesaj ri atz'iak ri xquicoj che ri patanijic chupam ri wachoch quequiya' c'u chquipam ri alaj tak ja ri e c'o chupam ri wachoch, caquicoj chi c'ut jun atz'iak, rech man cäk'ax ta ri u tastajic ri atz'iak che ri tinimit.

Ri Ezequiel 9:2

Xinwil c'ut chi wakib achijab xeboc pa ri oquibal ri naj elinak chicaj ri cäca'y pa ri u mox ri elebal k'ij, chquijujunal cuc'am ulok jun wi't pa qui k'ab. Petinak jun achi pa qui niq'uiajil ri u cojom ratz'iak re lino, ri e ruc'am chaconisan re tz'ibanic xe' u pam. Xeboquic, xetaq'ui' c'u ruc' ri porobal re k'an ch'ich'.

Aj Levitib 16:23

Coc c'ut ri Aaron chupam ri Lic'om Rachoch Dios re rikoj ib, cäresaj c'ut ri ratz'iak re lino ri xucoj che ri oquem chupam ri k'ijilabal, cuya' c'u can chila'.

Aj Levitib 16:24

Cuch'aj c'u na ri u cuerp ruc' ja' pa tastalic c'olbal aretak c'u u cojom chic ri ratz'iak, quel ulok, che u cojic ri kas u tabal tok'ob ri cächajirisaxic xukuje' ri rajawaxic u chi'xic rumal ri tinimit.

Aj Levitib 16:32

Ri cojol tabal tok'ob ri chätajinak, yo'm takanic pa u k'ab chi cacanaj che u q'uexwäch ri u tat are' cäbanow ri nak'atisabal che u rikic ri sachbal mac; quebucoj ri atz'iak re lino, ri e tastalic.

Aj Levitib 6:10

Ri cojol tabal tok'ob cuch'uk ri u cuerp quebucoj atz'iak, xukuje' cucoj säcaw re lino, cujoc c'u ri u chajil ri awaj ri xnicowisax puwi' ri porobal, cuya' pa u xcut ri porobal.

Aj Levitib 6:3

o man cuk'alajisaj taj chi u rikom jun jasach ri tzakom canok; o rumal u bixic jun chi'nic ri kas cäban na re subunic (apachique we jastak ri' ri cämacun wi jun.)

Ri Lucax 1:35

Ri tako'n xubij che: “Ri Ruxlabal ri Dios cäpe na pawi'. Ri u chuk'ab ri Dios aj chicaj cäpe na pawi' jas jun sutz'. Rumal ri' ri ac'al ri calax na, cäbix na ‘Tastalic’ xukuje' ‘U C'ojol ri Dios’ che.

Filipenses 2:7

Xuya' c'u can ri u c'olbal ri nim u k'ij ruc' ri Dios, are' xuc'am ri u wächbal jun lok'om pataninel, xalaxic jacha' winak.

Hebreos 10:22

Jeri' chujkeb chuwäch ri Dios, man ruc' ta quieb kanima', kas ruc' nimalaj ka cojonic, rumal rech chi chiquicham chi quic' pa ri kanima' rech cäkana' pa ri kanima' chi man c'o ta chi ka mac, xukuje' ch'ajtajinak chic ri ka cuerp ruc' ch'ajch'ojalaj ja'.

Hebreos 2:14

Jas ri alc'ualaxelab c'o qui ti'jal xukuje' c'o qui quiq'uel, xukuje' ri Jesus junam xuc'am re cuc'. Je xubano, rech rumal ri u cämical, cusach u wäch ri jun ri c'o u takanic puwi' ri cämical, are wa' ri itzel.

Hebreos 7:26

Je qui nimal ri cojol tabal tok'ob wa' ri rajawaxic chke: tastalic man c'o ta retzelal, ch'ajch'oj, u tasom rib chquij ri e ajmaquib, walijisam sibalaj c'u chicaj na c'o wi che ri caj.