Aj Levitib 16:22 - Quiché Bible

²² Aretak ri ama' q'uisic' cäq'uis u sachic bic chupam ri chaki'j uwo sak, quebuc'am na bic ronojel ri quetzelal ri aj israelib pa tak ri ulew ri man e c'o ta wi winak.

Aj Levitib 16:22 ပူးပေါင်းရင်းမြစ်များ

Salmib 103:10

man u yo'm ta ri tojbal chke jas ri ri takal chque ri ketzelal xukuje' tak ri e ka mac;

Salmib 103:12

Ri ka mac u najtajisam chke, jacha' u najtajisam ri elebal k'ij ruc' ri u kajebal k'ij.

Ri Ezequiel 18:22

Ri in man quebennataj ta chic conojel ri etzelal ri e u banom, ri are' cutakej na c'aslemal rumal ri u banic ri colomal.

Ri Ezequiel 4:4

Catk'oyi' c'u na puwi' ri a mox, caya' c'u na ri u chak'maquil ri tinimit Israel chawij. Catakej c'u na k'oyolem puwi' ri a mox, cawuc'äj c'ut ri u mac chawij

Aj Levitib 14:7

Wukub mul cuchicoj chrij ri winak ri quejosk'ix che ri ch'a'c, cuk'alajisaj c'ut chi ch'ajch'oj. Ri alaj chicop ri e c'o u xic' ri c'aslic cutzokopij bic.

Aj Levitib 16:21

Quebuya' ri u k'ab pa u jolom ri awaj, cuk'alajisaj ronojel ri etzelal, ri man e nimanic taj, xukuje' ronojel ri qui mac ri aj israelib. Je cuban wa' che qui ya'ic bic ri qui mac ri aj israelib pa u jolom ri ama' q'uisic', c'o c'u jun achi ri cac'amow bic, cutzokopij c'u can pa ri chaki'j uwo sak.

Aj Levitib 16:23

Coc c'ut ri Aaron chupam ri Lic'om Rachoch Dios re rikoj ib, cäresaj c'ut ri ratz'iak re lino ri xucoj che ri oquem chupam ri k'ijilabal, cuya' c'u can chila'.

Ri Miquey 7:19

Jumul chi ba' chel c'u'x la chke chemuku' ba' la ri ketzelal. Cheq'uika' la bic tak ri e ka mac chupam ri u choil ri plo.

Ri Xuan 1:29

Chucab k'ij chic ri Xuan xril ri Jesus cätajin cäpe ruc', xubij “Chiwilampe', ri Alaj u Chij ri Dios, ri cäresaj ri qui mac ri winak.

Gálatas 3:13

Are ri Crist xujcoloben chuxe' ri u c'okonic ri pixab, xux c'u c'okotajinak che ka q'uexwäch. Tz'ibatal c'ut: “C'okotajinak ronojel ri cätzayabax cho jun che'.”

Hebreos 9:28

jeri' xukuje' ri Crist xa' jumul xya' che tabal tok'ob che resaxic ri qui mac ri e q'ui. Chucamul cäpe na, man che ta quesaxic ri macaj, xane' che qui colic ri winak ri queyem ri are'.

1 Pedro 2:24

Ri Crist xebuc'am bic ri ka mac chrij ri u cuerp cho ri ripibal, rech aretak uj cäminak chic chquiwäch ri mac, cujc'asi' na, cäkaban na ri suc'. Rumal ri u socotajic ri are', ri ix xixcunatajic.