Aj Levitib 16:2 - Quiché Bible

² Ri Ajawaxel xubij che ri Moises: “Chabij che ri Aaron ri awachalal chi man xak ta apachique k'ijol coc chupam ri k'ijilabal ri c'o chrij ri ch'ukubal, mawi chuwäch ri tz'apibal ri c'o puwi' ri caxa', rech man cäcäm taj, quinc'ut c'u na wib pa jun sutz' puwi' ri tz'apibal.

Aj Levitib 16:2 ပူးပေါင်းရင်းမြစ်များ

Nabe Ajawinelab 6:16

Xuban chi c'ut jun ja re julajuj (11) bara' chuq'uisbalil ri rachoch Dios, ri xuch'uk ronojel ri u pam ruc' chacalte' iquim c'ä ajsic, xusuc'umaj rech are' wa' ri Sibalaj Tastalicalaj C'olbal.

Nabe Ajawinelab 8:6

C'äte c'u ri' ri e cojol tabal tok'ob xquic'am bic ri caxa ri c'o wi ri u c'ulwächinic ri Ajawaxel xequiya' chupam ri Rachoch ri Dios, c'ä chupam ri Sibalaj Tastalicalaj C'olbal, chquixe' ri qui xic' ri wächbal ri e aj cajalaj tak to'banelab,

Ucab Tzijobelil 5:14

rumal c'u rech ri sutz' ri e cojol tabal tok'ob man xecuin taj xecanaj ta che u banic ri k'ijilanic, rumal rech chi ri u juluwem ri Ajawaxel u nojisam ri rachoch.

Elem 30:10

We porobal ri' xa jumul jachom che ri Ajawaxel, ri Aaron xa jumul pa ri jun junab cuya' ri quic' re ri tabal tok'ob re sachbal mac paquiwi' ri ruc'a' ri porobal. Xa jumul pa ri jun junab, cäya' ri tabal tok'ob re sachbal mac puwi' we porobal ri'.”

Aj Levitib 16:13

Cujopij ri k'ol puwi' ri k'ak' chuwäch ri Ajawaxel, are c'u ri u sibal ri c'oc'alaj k'ol cuch'uk ri u wi' ri tz'apibal ri c'o puwi' ri caxa' ri c'olotal wi ri pixab, we jewa' cuban ri Aaron man cäcäm taj.

Aj Levitib 16:34

Jun pixab wa' ri cäcanaj chiwe jumul pa ri jun junab quiban we nak'atisabal ri' che u rikic ri cuyubal quech ri mac ri qui banom ri aj israelib.” Je c'u xuban ri Moises jacha' ri takanic ri xya' che rumal ri Ajawaxel.

Aj Levitib 23:27

Kas pa ri lajuj rajilabal we uwuk ic' ri' are K'ij wa' re Sachbal Mac, quiban jun tastalicalaj mulin ib, quicoj c'ut we k'ij ri che ri man u tijic ta wa xukuje' quichi'j sipanic ri queporoxic che u ya'ic u k'ij ri Ajawaxel.

Aj Levitib 8:35

Quixcanaj ba' can wukub k'ij, chi pa k'ij, chi chak'ab chuchi' ri Lic'om Rachoch Dios re rikoj ib. Nim chiwila' wi ri takanic ri u yo'm ri Ajawaxel rech man quixcäm taj; je c'u takanic wa' yo'm chwe.”

Ajilanic 17:10

Xubij c'ut ri Ajawaxel che ri Moises: “Chatzelej ri u ch'amiy ri Aaron chuwäch ri caxa rech ri c'ulwächinic, chac'olo' c'u chi' jacha' che jun c'utbal che we tinimit ri' ri man cacaj ta ch'abexic. Jeri' caban na chi caquitanaba' na nu yok'ic chawäch, man c'u quecäm ta na.”

Ajilanic 18:7

xak xuwi c'u ri at xukuje' tak ri e a c'ojol cuya' cäquiban ri chac re ri u cojic ri tabal tok'ob jas ri rajawaxic u banic puwi' ri porobal o ri queban chrij ri ch'ukubal. We patanijic ri' rajawaxic are wa' ri rajawaxic u banic iwumal, in c'ut in jachowinak ri chac pa i k'ab re ri u cojic ri tabal tok'ob we c'o jachin jun capatanijic jacha' cojol tabal tok'ob, ri man cojol tabal tok'ob taj, cac'okox na che cämical.”

Ajilanic 4:19

Rech man cäc'äjisax ta qui wäch ruc' ri cämical rumal ri qui chapic ri tastalicalaj tak jastak, quibana' ba' ri quinbij: Ri Aaron xukuje' ri e u c'ojol e are' quebin na chque chquijujunal ri caquiban na xukuje' ri c'utum chuwäch chi cutelej bic.

Ajilanic 4:5

Aretak ri tinimit cäwalij che u takexic ri u be, ri Aaron e rachil ri e u c'ojol caquesaj na ri ch'ukubal ri c'o chuchi' ri oquibal chupam ri k'ijilabal are c'u cuch'ukubej re ri caxa re ri c'ulwächinic.

Ri Matey 27:51

Te c'u ri' ri tasbal u pam ri rachoch Dios xjixjobic. Ajsic xjixjob wi ulok, xkaj c'ä iquim quieb xubano. Xuban jun cabrakan. Ri nimak tak abaj xepak'inic.

Hebreos 6:19

Are wa' ri c'o pa ri kanima'. Co tac'alic je jas ri cätac'aban jun nim jucub, cuya' cäcu'bi ka c'u'x chrij. Are wa' coc bic c'ä chrij ri tasbal u pam ri rachoch Dios,

Hebreos 9:25

Ri qui nimal ri cojol tabal tok'ob coc pa ri Sibalaj Tastalicalaj C'olbal chujunab ruc' quic', ri man u quiq'uel ta ri are'. Are c'u ri Crist man cuya' ta ri u c'aslemal q'ui mul che tabal tok'ob.

Hebreos 9:3

Chrij ri ucab tasbal, xc'oji' wi jun k'ijilabal ri cäbix Sibalaj Tastalicalaj C'olbal che.

Hebreos 9:5

Puwi' ri u caxa ri c'ulwächinic e c'o wi ri qui wächbal ri aj cajalaj tak to'banelab ri e c'o qui xic' ri xemujisan puwi' ri tz'apibal. We jastak ri' man cuya' taj quetzijox camic chquijujunal.

Apocalipsis 15:8

Xnoj ri k'ijilabal che ri u sib ri u juluwem ri Dios xukuje' re ri u cuinem. Man c'o ta jun cäcuinic coc bic pa ri k'ijilabal, c'ä quebantaj na ri wukub c'axc'olil ri e cuc'am ri wukub tako'nib aj caj.