Aj Levitib 15:5 - Quiché Bible

⁵ Apachin ta ne ri cäc'oji' pa ri c'olbal ri xk'oyi' wi ri achi ri', rajawaxic quebuch'aj ri ratz'iak; xukuje' catinic, cäcanaj c'u tz'il c'ä coc na ri ak'ab.

Aj Levitib 15:5 ပူးပေါင်းရင်းမြစ်များ

Salmib 26:6

E ch'ajtajinak ri nu k'ab, e josk'itajinak elinak ri macaj chque, Ajawaxel, quinwaj quinnakajin ruc' ri porobal ri ech la,

Salmib 51:2

¡Chinch'ajch'obisaj la chesaj la ri wetzelal! ¡Chinjosk'ij la chesaj la ri nu mac!

Salmib 51:7

Chinjosk'ij la ruc' k'ayes re hisop, quinjosk'itaj c'u na; chinch'aja' la, sak c'u quincanaj na chuwäch ri sakalaj tew.

Elem 19:10

ri Ajawaxel xubij che ri Moises: “Jät, chebasuc'umaj ri winak camic xukuje' chwek rech quek'ijilan chwe. Rajawaxic cäquich'aj ri catz'iak

Ri Isaiy 1:16

¡Chich'aja' iwib, chijosk'ij iwib! ¡Chebinajtajisaj ri iwetzelal chnuwäch! ¡Chik'ila iwib che u banic ri man utz taj!

Ri Isaiy 22:14

Ri Ajawaxel ri c'o ronojel u cuinem xuc'ut rib chnuwäch xujiquiba' c'u u bixic chwe pa nu xiquin, xubij: “Man quincuy ta we mac ri' ri i banom c'ä mojok c'u cäc'ulmataj wa' quixcäm na ix.” U tzij ri Ajawaxel wa' ri c'o ronojel u cuinem.

Ri Ezequiel 36:25

Quixinch'aj na ruc' josok'alaj ja', quixinjosk'ij na che ronojel ri i tz'ilol, quixinch'ajch'ojirisaj na chque tak ri e u rikic iwib cuc' tak ri e diosib;

Ri Ezequiel 36:29

Quinya' na ri to'banic chiwe, rech man quitz'iloj ta chic iwib. Quinban na chi catz'ebi' ri trico, man quintak ta chi ulok wi'jal piwi'.

Aj Levitib 11:24

Cumal we jastak ri' quixcanaj tz'il: apachin ri cächapowic ri cäminak qui ti'jal we awaj ri' cäcanaj tz'il c'ä coc na ri ak'ab.

Aj Levitib 11:25

Apachin ri cäwalijisan jun chque we cäminak tak awaj ri', quebuch'aj ri ratz'iak, cäcanaj c'u na tz'il c'ä coc na ri ak'ab.

Aj Levitib 11:28

Apachin ri cäwalijisan jun chque we cäminak tak awaj ri', quebuch'aj ri ratz'iak, cäcanaj c'u tz'il c'ä coc na ri ak'ab, e tz'il c'u tak wa' we awaj ri' chiwe.

Aj Levitib 11:32

Xukuje' cäcanaj tz'il apachique jasach ri cukajbej jun chque we awaj ri' aretak cäminak chic. We jun jasach re che', we jun atz'iak, o jun jasach re tz'um, o c'ul o apachique chacubal, rajawaxic cänim na pa ja', cäcanaj tz'il c'ä coc na ri ak'ab; c'äte ri' cäcanaj ch'ajch'oj.

Aj Levitib 13:34

Aretak cätz'akat wukub k'ij, ri cojol tabal tok'ob cunic'oj chi na ri ch'a'c jumul, we c'u man u jubum rib ri quiäkchi'n mawi mecmobinak pa ri u tz'umal, ri cojol tabal tok'ob cuk'alajisaj chi ch'ajch'oj we ri winak ri', quebuch'aj ri ratz'iak, cäcanaj c'u ch'ajch'oj.

Aj Levitib 13:6

Aretak cätz'akat ri wukub k'ij cänic'ox chi jumul rumal ri cojol tabal tok'ob; we c'u cätajin cäsach ri ch'a'c, man c'u u jabum ta rib chrij ri u tz'umal ri winak, Ri cojol tabal tok'ob cuk'alajisaj chi man c'o ta chuwilaj ch'a'c chrij xak pok' wa' ri xq'uiy che ri u tz'umal. Ri yawab quebuch'aj ri ratz'iak, cäcanaj c'u ch'ajch'oj.

Aj Levitib 14:27

ruc' c'u ri u wi' u k'ab re ri riquiak'ab, cuchicoj ri aseit wukub mul chuwäch ri Ajawaxel.

Aj Levitib 15:18

We jun achi cäwar ruc' jun ixok, e quieb rajawaxic quebatinic, quecanaj c'u tz'il c'ä coc na ri ak'ab.”

Aj Levitib 15:4

Apachique c'olbal ri cäk'oyi' wi ri achi ri', ri cäcanaj wi can ri u tz'ilol cäcanaj tz'il. Xukuje' apachique jasach ri cut'uyulej cäcanaj tz'il.

Aj Levitib 15:6

Apachin ta ne ri cät'uyi puwi' ri jasach ri xut'uyulej ri achi ri', rajawaxic quebuch'aj ri ratz'iak, xukuje' catinic, cäcanaj c'u tz'il c'ä coc na ri ak'ab.

Aj Levitib 16:26

are c'u ri xc'amow u bic ri q'uisic' ri c'amowinak bic ri macaj, quebuch'aj ri ratz'iak, xukuje' catinic c'äte ri' cuya' coc pa ri kajebal.

Aj Levitib 16:28

Ri winak ri queporon ri awaj, rajawaxic quebuch'aj ri ratz'iak, xukuje' catinic, c'äte ri' cuya' coc pa ri kajebal.

Aj Levitib 17:15

Apachique ta ne aj israel o apawije' ta ne cäpe wi, ri cutij ri u ti'jal jun awaj ri xak c'ätetal xcämic, o ri xch'akatix rumal jun juyubal awaj, quebuch'aj ri ratz'iak xukuje' catinic, cäcanaj c'u can tz'il, c'ä coc na ri ak'ab, c'äte ri' cäcanaj ch'ajch'oj.

Ajilanic 19:10

Ri xjocow ri chaj, cuch'aj na ri ratz'iak, cacanaj c'u na can tz'il c'ä benak k'ij jas ri nak'atisabal. Jun pixab wa' ri man cayubquentaj, ri cäjeki' amak'el iwuc' ix ri sibalaj c'o u patan chiwe ix xukuje' chque ri aj israelib jacha' chque ri man e i winakil ta ri e jekel chixo'l.

Ajilanic 19:22

Ronojel ri cächap rumal jun winak tz'il, cäcanaj can tz'il; jachin c'ut ri cächapow jun winak tz'il, xukuje' cäcanaj can tz'il c'ä benak k'ij.”

Hebreos 10:22

Jeri' chujkeb chuwäch ri Dios, man ruc' ta quieb kanima', kas ruc' nimalaj ka cojonic, rumal rech chi chiquicham chi quic' pa ri kanima' rech cäkana' pa ri kanima' chi man c'o ta chi ka mac, xukuje' ch'ajtajinak chic ri ka cuerp ruc' ch'ajch'ojalaj ja'.

Hebreos 9:14

¡e ta c'u lo ri u quiq'uel ri Crist, ri xuya' rib rumal ri junalic Uxlabaxel, man tz'ajtajinak taj chuwäch ri Dios, quebujosk'ij na ri retamabal ka c'u'x ruc' ri quesaxic ri cäminak tak chac, rech cäkak'ijilaj ri c'aslic Dios!

Hebreos 9:26

We ta jeri', ri Crist xajwataj ta ri' chi u rikom ta c'ax q'ui mul kas pa ri u tiquiritajic ri uwächulew. Man je ta c'ut, xane' camic xa' jumul xutac'aba' rib aretak cätajin cäq'uis ri k'ij junab, ri Crist xuya' ri u c'aslemal che tabal tok'ob che u sachic ri macaj.

Santiago 4:8

Chixkeb ruc' ri Dios, ri are' xukuje' cäkeb na iwuc'. Ajmaquib, chiya' can ri u banic etzelal rech e ch'ajch'oj ri i k'ab. Ix ri quieb i c'u'x, chijosk'ij ri iwanima'.

Apocalipsis 7:14

Xinbij c'u che: “Wajaw, wa' lal lal etamaninak.” Ri are' xubij chwe: “E are wa' ri e elinak ulok pa ri nimalaj c'axc'olil, ri qui ch'ajom ri catz'iak, xquisakarisaj pa ri u quiq'uel ri Alaj Chij.

Nabe Samuel 20:26

Pa ri k'ij ri' ri Saul man c'o ta jas xubij, are pa u c'u'x chi craj xutaklebej jun tz'ilol man u ch'ajch'ojirisam ta c'u rib.