Aj Levitib 15:31 - Quiché Bible

³¹ Jewa' caquiban ri aj israelib che u josk'ixic quib che ri qui tz'ilol, rech man quecäm taj aretak caquitz'iloj ri c'olbal ri in jekel wi chquixo'l rumal ri qui tz'ilol.”

Aj Levitib 15:31 ပူးပေါင်းရင်းမြစ်များ

Salmib 66:18

We ta e c'o itzel tak nu chomanic ma ta xinutatabej ri' ri Ajawaxel;

Ri Ezequiel 23:38

Xequiban chi c'u ne we niq'uiaj etzelal ri' chwe: pa junam k'ij xquitz'iloj ri tastalicalaj wachoch xukuje' man nim ta xequil wi ri e tak nu k'ij re uxlanem.

Ri Ezequiel 36:17

“Aretak ri aj israelib e jekel chupam ri culew, xcawasij cumal tak ri e itzel tak qui banoj. Ri qui c'aslemal ri xcuc'aj, jun jasach ri tz'il chwe in xukuje' man ch'ijtajel taj.

Ri Ezequiel 44:23

Ri e cojol tabal tok'ob rajawaxic quequitijoj ri nu tinimit che ri u c'oxomaxic ri u jalbem rib ri tastalic ruc' ri man tastal taj, xukuje' ri ch'ajch'oj ruc' ri ch'uluch'uj.

Ri Ezequiel 5:11

In, ri Ajawaxel, quinban ri chi'nic ri kas cäban na rumal ri nu c'aslemal: jacha' ri ix i wawasim ri tastalic wachoch cumal ri itzel tak i banoj ri man e ch'ijtajel taj, xukuje' ri in quenq'uisa' na tzij piwi' man ruc' ta elebal c'uxaj; man quintok'obisaj ta na i wäch.

Ri Daniel 9:27

Pa jun chi c'u wukub (7) k'ij, ri are' cuban na jun c'ulwächinic cuc' e q'uia winak, pa u niq'uiajil c'ut ri wukub k'ij cätanabax na qui ya'ic ri tabal tok'ob xukuje' tak ri sipanic. Jun c'u xibibalalaj awasinic cäbantaj na chuwäch ri porobal ri queya' wi ri tabal tak tok'ob c'ä cakaj na ri sachbal wäch ri yo'm u bixic puwi' ri banal tak rech we xibibal ri'.’ ”

Aj Levitib 11:47

rech cäc'utun ri u jalbem rib ri tz'il ruc' ri ch'ajch'oj xukuje' chquixo'l ri awaj ri takal qui tijic cuc' ri awaj ri man takal ta qui tijic.

Aj Levitib 13:59

Aretak wa' ri pixab chquij ri tz'aj re chuwilaj ch'a'c chque tak ri atz'iak re rismal chij o re lino, o chque quem, o chque jastak re tz'um, rech cuya' quek'alajisaxic chi e ch'ajch'oj o e tz'il.

Aj Levitib 15:32

Are tak pixab wa' chque ri achijab ri c'o ri yabil chque re ri u belelem ri u pam ri achijab wi, ri xukuje' xa jutak mul cuc'ut rib we yabil ri' chque, quecanaj c'u can tz'il rumal wa';

Aj Levitib 19:30

Nim chebiwila' wi tak ri nu k'ij re uxlanem xukuje' nim chiwila' wi ri quink'ijilax wi. In ri' ri Ajawaxel.

Aj Levitib 20:3

Quinkasaj ri woyowal puwi' ri achi ri', quinwesaj ri u bi' chquixo'l ri u winakil u tz'ilom ri quink'ijilax wi rawasim ri tastalicalaj nu bi'. Rumal ri u ya'ic ri u c'ojol che ri Moloc.

Aj Levitib 21:23

Man cuya' ta c'ut cäk'ax ta chrij ri ch'ukubal, mawi cakeb ta ruc' ri porobal, rech man cärawasij ta ri k'ijilabal rumal ri u yab. In ri' ri Ajawaxel ri ix nu tasom che nu patanixic.”

Ajilanic 19:13

We c'o jachin jun cuchap jun winak cäminak man c'u cuch'ajch'ojirisaj ta rib, cärawasij ri u k'ijilabal ri Ajawaxel, rumal c'u ri', rajawaxic quesax chquixo'l ri aj israelib. Man c'u chicom ta ruc' ri ja' re ch'ajch'ojirisanic, cäriktajic chi c'o pa ri tz'ilol.

Ajilanic 19:20

We jun winak ri kas tz'ilobinak ri man cujosk'ij ta rib rajawaxic quesax chuxo'l ri u tinimit, cärawasij c'ut ri u k'ijilabal ri Ajawaxel. Man chicom ta c'ut ruc' ri ja' re josk'ibal ib, u takem jekelem chupam ri tz'ilol.

Ajilanic 5:3

Chebesax bic chupam ri kajebal, we e achijab o ixokib. Jeri' man catz'iloj ta ri kajebal, jawije' ri in jekel wi chixo'l.”

1 Corintios 3:17

We c'o jun cusach u wäch ri rachoch Dios, ri Dios cusach na u wäch ri are'. Tastalic c'ut ri rachoch Dios, ix c'u ri'.

U Camulixic ri Pixab 24:8

We ne c'o ch'a'c, ruc' tz'akatil chibana' ronojel ri caquibij ri e cojol tabal tok'ob aj levitib chiwe. Rajawaxic quiban ronojel je jas ri takanic ri nu yo'm chque.

Hebreos 10:29

¡E ta c'u lo ri jun ri cäretzelaj u wäch ri u C'ojol ri Dios, man nim ta cäril wi ri quic' ri xbanow tastalic winak che are', are ri quic' re ri u c'ulwächinic ri Dios cuc' ri winak, o cuyok' ri Uxlabaxel ri cäbanow tok'ob chke, sibalaj c'ax na ri c'äjisabal u wäch ri jun ri jewa' cubano!

Ri Juds 1:4

E c'o jujun winak ri e oquinak chixo'l chi c'uyal. E are wa' ri e bim ulok ojer rumal ri Tz'ibatalic, chi cäc'äjisax na qui wäch, man cäquiya' ta u k'ij ri Dios, xak cäquicoj ri u tok'ob ri Dios che u banic ronojel itzel rayinic, ri cäquic'u' ri Dios ri xa jun Kajchak'e xukuje' ri Kajaw Jesucrist.

Nabe Samuel 3:14

Rumal ri' quinban ri chi'nic ri kas cäban na, in chokinak chi ri etzelal ri qui banom ri rachalaxic ri Eli mawi jubik' cäsach u tza'm, mawi cumal tabal tak tok'ob, mawi cumal tak sipanic.”