Aj Levitib 15:15 - Quiché Bible

¹⁵ ri cojol tabal tok'ob cuchi'j jun chque jacha' che tabal tok'ob u mac rech ri macaj, ri jun chic che tabal tok'ob ri cächajirisaxic; jewa' cuban ri cojol tabal tok'ob che u josk'ixic ri achi ri c'o we yabil ri' che, chuwäch ri Ajawaxel.

Aj Levitib 15:15 ပူးပေါင်းရင်းမြစ်များ

Aj Levitib 11:24

Cumal we jastak ri' quixcanaj tz'il: apachin ri cächapowic ri cäminak qui ti'jal we awaj ri' cäcanaj tz'il c'ä coc na ri ak'ab.

Aj Levitib 11:25

Apachin ri cäwalijisan jun chque we cäminak tak awaj ri', quebuch'aj ri ratz'iak, cäcanaj c'u na tz'il c'ä coc na ri ak'ab.

Aj Levitib 11:27

Apachique awaj ri c'o quiejeb rakan ri cäbin paquiwi' ri quiejeb rakan, tz'ilalaj awaj wa' chiwe, xukuje' apachin ri canakowic aretak cäminak chic, cäcanaj tz'il c'ä coc na ri ak'ab.

Aj Levitib 11:28

Apachin ri cäwalijisan jun chque we cäminak tak awaj ri', quebuch'aj ri ratz'iak, cäcanaj c'u tz'il c'ä coc na ri ak'ab, e tz'il c'u tak wa' we awaj ri' chiwe.

Aj Levitib 11:31

E are wa' ri e tz'il chiwe chquixo'l conojel ri chicop xukuje' apachin ri quenakowic aretak e cäminak chic, cäcanaj tz'il c'ä coc na ri ak'ab.

Aj Levitib 11:32

Xukuje' cäcanaj tz'il apachique jasach ri cukajbej jun chque we awaj ri' aretak cäminak chic. We jun jasach re che', we jun atz'iak, o jun jasach re tz'um, o c'ul o apachique chacubal, rajawaxic cänim na pa ja', cäcanaj tz'il c'ä coc na ri ak'ab; c'äte ri' cäcanaj ch'ajch'oj.

Aj Levitib 11:39

We c'u ne cäcäm jun chque ri iwawaj ri tijic rij iwumal, ri canakow we cäminak awaj ri' cäcanaj tz'il c'ä coc na ri ak'ab;

Aj Levitib 11:40

ri cutij re ri u ti'jal ri cäminak awaj, rajawaxic quebuch'aj ri ratz'iak, cäcanaj tz'il c'ä coc na ri ak'ab; ri quebesan bic we cäminak tak awaj ri' rajawaxic quebe qui ch'aj ri catz'iak, quecanaj tz'il c'ä coc na ri ak'ab.

Aj Levitib 12:7

Are' c'u ri cojol tabal tok'ob quebuchi'j chuwäch ri Ajawaxel che u tz'onoxic ri sachbal u mac ri ixok, ruc' wa' cäjosk'itaj ri ixok che ri u quiq'uel.” E are tak pixab wa' che ri ixok aretak cäralaj jun ala o jun ali.

Aj Levitib 12:8

We c'u ri u nan ri ac'al man cuban ta ri u rajil che u lok'ic ulok jun alaj ama' chij, cuya' quebuc'am na ulok quieb palomax o quieb tucumux jun che tabal tok'ob ri cächajirisaxic, ri jun chic jacha' che tabal tok'ob che u josk'ixic ri mac; ri cojol tabal tok'ob cutz'onoj ri sachbal u mac ri ixok, cäjosk'itaj c'ut.

Aj Levitib 4:20

ri u bixic chi je cäban che we alaj ama' wacax ri' junam jas ri cuban che ri alaj ama' wacax ri capil u mac rech ri macaj, jeri' ri cojol tabal tok'ob curik na ri cuyubal qui mac we winak ri', casach taj c'u na ri macaj ri qui banom.

Aj Levitib 4:26

cuporoj c'u ronojel ri xepo puwi' ri porobal, jacha' ri cäban che ri u xepoyil ri tabal tok'ob re utzirisan ib. Jeri' ri cojol tabal tok'ob curik na ri cuyubal u mac ri c'amal be, cäsachtaj c'u na ri macaj ri banom.

Aj Levitib 4:31

Xukuje' rajawaxic quesax ronojel ri u xepoyil, jacha' ri cäban che resaxic che ri awaj ri cächi'xic jacha' che ri utzirisan ib caporox c'u puwi' ri porobal jacha' c'oc'alaj uxlab che ri Ajawaxel. Jeri' ri cojol tabal tok'ob curik na ri cuyubal mac u mac rech ri u mac we winak ri', casachtaj c'u na ri' ri macaj ri banom.

Aj Levitib 4:35

Cäresaj c'u ronojel ri u xepoyil, jas ri cäban che resaxic ri u xepoyil ri alaj ama' chij ri cächi'xic jacha' che tabal tok'ob re utzirisan ib, cuporoj c'u ri xepo puwi' ri porobal, junam ruc' ri sipanic ri porom che u ya'ic u k'ij ri Ajawaxel. Xa jeri' ri cojol tabal tok'ob curik na ri cuyubal mac u mac rech ri macaj ri xuban ri winak ri', cäsachtaj c'u na ri u mac.”

Ajilanic 15:25

Ri cojol ri tabal tok'ob cuban ri nimak'ij ri nak'atisabal che u rikic ri sachbal macaj che utzil che ronojel ri tinimit Israel, quinsach c'u na qui mac are c'u jun macaj ri man xquinabej ta xquibano xquijäch c'ut ri qui sipanic chnuwäch xukuje' ri qui tabal tok'ob che u josk'ixic ri macaj.

Ajilanic 25:13

rumal c'u rech wa' quinjächo, che are' xukuje' pa qui k'ab ri e rija'lil, chi quebux cojol tak tabal tok'ob re amak'el, rumal rech chi xachixom chwe je c'u ri' xurik ri sachbal macaj chque ri aj israelib.”

Ri Matey 3:17

Xtataj c'u jun ch'abal chicaj ri xubij: “Are lok'alaj nu C'ojol wa' ri sibalaj quinquicot ruc'.”

Efesios 1:6

Rumal wa' cäkak'ijilaj amak'el rumal ri juluwemalaj rutzil, ri xujutewichibej rumal rech ri lok'alaj u C'ojol.

Hebreos 1:3

Rumal ri are' cäjuluw ri u juluwem ri Dios. Are u wächbal ri kas u ca'yebal ri Dios. Ri are' ruc'am ronojel ri jastak rumal ri tzij re ri u cuinem. Aretak xujujosk'ij pa ri ka mac, xt'uyi' pa ri u wiquiak'ab ri Dios ri nim u k'ij chicaj.