Aj Levitib 15:13 - Quiché Bible

¹³ We cäcunataj we achi ri' ri c'o we yabil ri' che, rajawaxic querajilaj wukub k'ij che ri u josk'itajic, rajawaxic quebuch'aj ri ratz'iak, xukuje' catin chupam jun sakalaj ja', cäcanaj c'u ch'ajch'oj.

Aj Levitib 15:13 ပူးပေါင်းရင်းမြစ်များ

Elem 29:35

Chabana' ronojel wa' ruc' ri Aaron xukuje' cuc' ri e u c'ojol, je jas ronojel ri xinbij chawe. Wukub k'ij chabeytajisax ri u ya'ic ri takanic pa qui k'ab,

Elem 29:37

Wukub k'ij chabeytajisaj qui ya'ic tabal tak tok'ob re sachbal mac puwi' ri porobal, jewa' caban che u jachic che ri Dios, cux c'u na jun porobal ri sibalaj tastalic: ronojel jasach ri cäkeb ruc' ri porobal cätastajic.”

Ri Jeremiy 33:8

Quebench'ajch'ojirisaj na chque conojel tak ri qui mac ri xequiban che nu c'ulelaxic; quebencuy na conojel tak ri etzelal ri xequibano ri xequiwalijisabej wi quib chwij.

Aj Levitib 14:10

Aretak catz'akat wajxakib k'ij quebuc'am ulok quieb ama'ib tak chij ri man c'o ta qui yab, xukuje' jun ati't chij re jun u junab ri man c'o ta u yab; cajlajuj (14) libra utzalaj c'äj che sipanic re c'äj ri yok'om aseit ruc', carachilaj jun u roxil jun litro aseit.

Aj Levitib 14:8

Ri cäjosk'ixic rajawaxic quebuch'aj ri ratz'iak catinic, xukuje' cusocaj c'u ronojel ri rismal rech cäjosk'itajic. C'äte ri' cuya' coc pa ri kajebal, wukub k'ij c'ut cacanaj can cho ri räxk'ab.

Aj Levitib 15:28

Aretak cätani' ri u yab, carajilaj na wukub k'ij, c'äte ri cäcanaj ch'ajch'oj.

Aj Levitib 15:5

Apachin ta ne ri cäc'oji' pa ri c'olbal ri xk'oyi' wi ri achi ri', rajawaxic quebuch'aj ri ratz'iak; xukuje' catinic, cäcanaj c'u tz'il c'ä coc na ri ak'ab.

Aj Levitib 8:33

Minajtajisaj c'u iwib wukub k'ij che ri u chi' ri Lic'om Rachoch Dios re rikoj ib, are c'u k'ijol wa' ri cäbeytaj che ri i tastajic.

Aj Levitib 9:1

Pa ri uwajxak k'ij, ri Moises xusiq'uij ri Aaron e rachil ri e u c'ojol, xukuje' ri nimak tak tatayib re Israel;

Ajilanic 12:14

Ri Ajawaxel xutzelej u bixic che: “We ta ri u tat xuchubej ta chupalaj, quesax na u q'uixbal wukub k'ij. Chiwesaj ba na bic wukub k'ij chrij ri kajebal, c'äte c'u ri' cuya' cätzelej ulok.”

2 Corintios 7:1

Lok'alaj tak wachalal, are wa' ri u bim ri Dios chi cuya' na chke. Rumal ri' chkesaj ba' pa ri ka c'aslemal conojel ri jastak ri e tz'il ri e c'o pa ri ka cuerp xukuje' pa ri kanima'. Chkaxe'j kib chuwäch ri Dios, rech cujux tastalic tak winak pa ronojel.

Santiago 4:8

Chixkeb ruc' ri Dios, ri are' xukuje' cäkeb na iwuc'. Ajmaquib, chiya' can ri u banic etzelal rech e ch'ajch'oj ri i k'ab. Ix ri quieb i c'u'x, chijosk'ij ri iwanima'.

Apocalipsis 1:5

xukuje' che ri Jesucrist ri jicalaj k'alajisanel, ri xc'astaj nabe chquixo'l ri cäminakib, c'o u takanic paquiwi' ri ajawinelab e aj uwächulew. Ri Crist cujulok'ok'ej uj resam c'ut pa qui k'ab ri e ka mac rumal ri u quiq'uel,