Aj Levitib 14:28 - Quiché Bible

²⁸ Xukuje' cubil jubik' we aseit ri' xe' ri u xiquin re ri riquiak'ab ri cäjosk'ixic, che ri nim u wi' u k'ab re ri riquiak'ab, che ri nim u wi' rakan re ri riquiak'ab, ri u bixic pa ri c'olbal ri xbil wi ri quic' re tabal tok'ob u mac rech ri chak'maquil.

Aj Levitib 14:28 ပူးပေါင်းရင်းမြစ်များ

Elem 29:20

Chatok'o ri u kul ri ama' chij, chac'ama' jubik' che ri u quiq'uel chabila' chuxe' u xiquin ri Aaron, xukuje' chuxe' qui xiquin ri e u c'ojol re ri quiquiak'ab, puwi' ri nim u wi' qui k'ab re ri quiquiak'ab xukuje' puwi' ri nim u wi' cakan re ri qui wiquiak'ab. Are c'u ri quic' ri cäto'tajic chachicoj puwi' ri porobal xukuje' pa tak u xcut ri porobal.

Aj Levitib 14:27

ruc' c'u ri u wi' u k'ab re ri riquiak'ab, cuchicoj ri aseit wukub mul chuwäch ri Ajawaxel.

Aj Levitib 14:29

Are c'u ri aseit ri to'tajinak can pa u k'ab ri cojol tabal tok'ob, cubil pa u jolom ri cäjosk'ixic jewa' cuban ri cojol tabal tok'ob che u rikic ri cuyubal mac.

Aj Levitib 5:7

We c'u man cäcuin che u lok'ic jun alaj ama' chij, rajawaxic cuc'am na ulok chuwäch ri Ajawaxel quieb palomax o quieb tucumux u mac rech ri macaj ri bantajinak, jun chque che tabal tok'ob re sachbal mac ri jun chic che tabal tok'ob ri cächajirisaxic.

Aj Levitib 8:23

Ri Moises xutok' u kul ri ama' chij, xuc'am jubik' che ri quic', xubil xe' u xiquin ri Aaron re ri u riquiak'ab, xukuje' puwi' ri nim u wi' u k'ab re ri riquiak'ab, xukuje' puwi' ri nim u wi' rakan re ri riquiak'ab.