Aj Levitib 14:14 - Quiché Bible

¹⁴ Ri cojol tabal tok'ob cuc'am jubik' che ri u quiq'uel ri awaj ri yo'm che tabal tok'ob ri cäjosk'in ri chak'maquil, cubil xe' ri u xiquin re ri riquiak'ab ri cäjosk'ixic, che ri nim u wi' u k'ab re ri riquiak'ab, xukuje' che ri nim u wi' rakan re ri riquiak'ab.

Aj Levitib 14:14 ပူးပေါင်းရင်းမြစ်များ

Elem 29:20

Chatok'o ri u kul ri ama' chij, chac'ama' jubik' che ri u quiq'uel chabila' chuxe' u xiquin ri Aaron, xukuje' chuxe' qui xiquin ri e u c'ojol re ri quiquiak'ab, puwi' ri nim u wi' qui k'ab re ri quiquiak'ab xukuje' puwi' ri nim u wi' cakan re ri qui wiquiak'ab. Are c'u ri quic' ri cäto'tajic chachicoj puwi' ri porobal xukuje' pa tak u xcut ri porobal.

Ri Isaiy 1:5

We c'u ri ix quicoj i chuk'ab rech man quixniman taj, man c'o ta chi c'u cac'äjisax wi i wäch che ri i cuerp. Socotajinak ronojel ri i jolom, e i tzakom ronojel ri i chuk'ab.

Aj Levitib 14:19

Are' c'u ri cojol tabal tok'ob, cupil ri sipanic ri quesan ri macaj, cuban c'u ri josk'inic che ri cujosk'ij rib che ri u tz'ilol; c'äte c'u ri' cupila' ri awaj ri cachi'x che tabal tok'ob ri cächajirisaxic.

Aj Levitib 14:25

C'äte ri' cutok' u kul ri alaj ama' chij che tabal tok'ob che cuyubal mac cuc'am jubik' ri u quiq'uel ri ama' chij cubil xe' ri u xiquin re ri u riquiak'ab ri cäjosk'ixic, che ri nim u wi' u k'ab re ri riquiak'ab, xukuje' che ri nim u wi' rakan re ri riquiak'ab,

Romanos 12:1

Jeri' wachalal, quixinbochi'j pa ri u tok'ob ri Dios chi quijach ri i cuerp pa u k'ab ri Dios, che jun tabal tok'ob cho ri Dios, jun tastalic sipanic, ri c'aslic, ri cäkaj chuwäch ri Dios. Are wa' ri kas k'ijilanic ri quiya' che ri Dios.

Romanos 6:13

mijach ba ri i cuerp che ri mac che u banic ri etzelal. Xane' chijacha' iwib pa u k'ab ri Dios je ta ne ix c'astajinak chic chquixo'l ri cäminakib. Chijacha' ri i cuerp pa u k'ab ri Dios rech quiban ri utz.

Romanos 6:19

(Quinbij wa' chiwe pa ka tzij uj ri uj winak, rumal rech ri u tukaril ri i banic aj winak man kas ta quich'ob we jastak ri'.) Jas ri xiban can ojer, xijach ri i cuerp pa u k'ab ri etzelal che qui banic ri tz'ilalaj tak jastak, jeri' xukuje' camic chijacha ba ri i cuerp pa u k'ab ri Dios che u banic ri suq'uil, rech quixux tastalic tak winak.

1 Corintios 6:20

Pakal c'u lok'obem iwech. Chinimarisaj ba' u k'ij ri Dios ruc' ri i cuerp.

2 Corintios 7:1

Lok'alaj tak wachalal, are wa' ri u bim ri Dios chi cuya' na chke. Rumal ri' chkesaj ba' pa ri ka c'aslemal conojel ri jastak ri e tz'il ri e c'o pa ri ka cuerp xukuje' pa ri kanima'. Chkaxe'j kib chuwäch ri Dios, rech cujux tastalic tak winak pa ronojel.

U Camulixic ri Pixab 24:8

We ne c'o ch'a'c, ruc' tz'akatil chibana' ronojel ri caquibij ri e cojol tabal tok'ob aj levitib chiwe. Rajawaxic quiban ronojel je jas ri takanic ri nu yo'm chque.

Filipenses 1:20

Je c'u quel na jas ri quinwaj. Cu'l nu c'u'x chi man quel ta nu q'uixbal, xane' quintzijon na camic jas ri amak'el nu banom, man quinxe'j ta wib. Jeri' cänimarisax na u k'ij ri Crist rumal ri quinban pa ri nu cuerp, we quinc'asi'c o we quincämic.

1 Pedro 2:5

Xukuje' ri ix, je ta ne ix c'aslic tak abaj. Ix yacom che jun ja aj uxlabal. Ix quixux tastalic tak cojol tabal tok'ob che qui ya'ic tabal tok'ob aj uxlabal cho ri Dios, ri quekaj chuwäch ri Dios rumal ri Jesucrist.