Aj Levitib 13:45 - Quiché Bible

⁴⁵ Ri winak ri ch'aquirinak che chuwilaj ch'a'c, jisjobinak tak atz'iak cucojo xukuje' man cuch'uk ta ri u jolom, ch'ukutal jubik' ri u palaj curak u chi', cubij: ‘¡In tz'il! ¡In tz'il!’

Aj Levitib 13:45 ပူးပေါင်းရင်းမြစ်များ

Chapletajic 37:29

Xbe c'u ri Ruben xtzelej che rilic ri Jose pa ri chaki'j c'ua', man c'o ta chi c'u jachin xurik chupam, xujis ri ratz'iak rumal ri u bis.

Ucab Samuel 13:19

xuya' chaj pa u jolom, xujis ri ratz'iak ri u cojom, xebuya' ri quieb u k'ab pa u jolom, cok'ic xbec pa ri be.

Ucab Ajawinelab 7:3

E c'o c'u, quiejeb achijab ri c'o chuwilaj ch'a'c chquij ri e c'o chrij ri u chi' ri tinimit je xquibij wa' chquixo'l: “¿Jas ri cätajin cäkaban waral xak uj t'uyut'uj xuwi keye'm ri ka cämical?

Ri Job 1:20

Xwalij c'u ri Job, nojinak che c'axc'ol xujis ri ratz'iak, xutolorisaj ri u jolom xumej rib che k'ijilanic.

Ri Job 42:6

Rumal ri' quintzelej wib chwij nu q'uexom nu c'u'x, in t'uyul chupam puc'uc' ulew xukuje' chaj.”

Salmib 51:3

Quinch'ob wib chi man in nimaninak taj; ri nu mac mawi jubik' quel pa nu jolom.

Salmib 51:5

Kastzij, in lawalo kas aretak xinalaxic; in ajmac wi ulok kas pa ri u c'u'x ri nu nan.

Ri Isaiy 52:11

Chixel ulok, chixel ulok pa Babilon, mebinak chi tz'il tak jastak, chixel ulok pa Babilon. Chebux ch'ajch'oj ri quec'amow ulok ri e u chaconisan ri Ajawaxel.

Ri Isaiy 6:5

Xinchomaj c'ut: “¡Tok'ob nu wäch, quinecämok! Wilom ri Ajawinel cuc' ri nu bak'wäch, ri Ajawaxel ri c'o ronojel u cuinem; in, ri in jun winak ri e tz'il ri u chi', in c'o chquixo'l ri winak ri e tz'il ri e qui chi'.”

Ri Isaiy 64:6

Konojel uj xak uj junam ruc' jun ch'uluch'ujalaj winak; conojel ri utzalaj tak chac xak e junam ruc' jun atz'iak tz'il konojel uj tzakinak uj jacha' ri chaki'j tak u xak che', ri il patan ri e ka banom cujquicharchatej bic e jacha' ri quiakik'.

Ri Jeremiy 3:25

Kamach'aba' kib, elinak ka q'uixbal, uj ch'ukutajinak che yok'obal, kas aretak c'a uj ch'utik c'a camic, ri uj xukuje' ri e ka mam uj macuninak chuwäch ri Ajawaxel ri ka Dios man ka nimam taj.”

Ri Jeremiy 36:24

Mawi ri ajawinel mawi ri e rach k'atal tak tzij ri nimak qui k'ij ri xquitatabej ronojel ri xya' u siq'uixic, xquixe'j ta quib mawi xquic'utula' chi c'ax ta xbe chque.

Juyuwem 4:15

Ruc' rakoj chi'aj xbix chque: “¡Chitasa' iwib, chitasa' iwib; e ch'uluj tak winak, mebinako! Xak e wacatelab ri man quejeki' taj, man ya'tal ta chque chi caquitakej c'aslem waral, quecha' ri e k'ijilal tak diosib.”

Ri Ezequiel 24:17

Chat coch'onok mac'utu chi catbisonic, macoj k'ek atz'iak che u c'utic chi c'o a cäminak. Mach'anaba' ri a jolom jawije' ri catbe wi mawi mebat'anaba' ri awakan jawije' ri catbe wi; mach'uk ri a palaj che u c'utic ri c'axc'obic mawi mebatij ri wa ri quetijic aretak c'o cämical.”

Ri Ezequiel 24:22

Chabij c'u chque: Ri ix je quiban na jas ri nu banom in: man cuya' taj qui ch'uk ri i plaj che u c'utic ri c'axc'obic, mawi quebitij tak ri wa ri quetijic aretak c'o cämical.

Ri Joel 2:13

¡Chixtzelej ba' ix ruc' ri Ajawaxel ri i Dios, chi t'ubu' c'ut ri iwanima' che u q'uexwäch ri u t'ubic ri iwatz'iak! Rumal rech chi ri Ajawaxel ch'uch'uj xukuje' quel u c'u'x, coch'onel xukuje' ronojel lok'ok'ebal c'uxaj, amak'el xak reyem jampa' cuwalijisaj ri c'äjisabal wächaj.

Aj Levitib 10:6

Xubij c'u ri Moises che ri Aaron, e rachil ri e u c'ojol ri Eleazar xukuje' ri Itamar: ri e u c'ojol ri Aaron: “Miquiyiba' ri i wi', mawi mebijis ri iwatz'iak che u c'utic ri i bis, mixecäm c'u ne, mäkaj ri royowal ri Ajawaxel paquiwi' ri aj israelib. Ri cuya' caquibisoj are ri cachalal ri cachalaxic quib, conojel ri aj israelib, chi ri Ajawaxel xuban na we c'atic ri'.

Aj Levitib 13:44

We winak ri' yawab che chuwilaj chac', ch'acarinak ri u jolom. Jun winak wa' ri tz'il, je u k'alajisaxic cuban na ri cojol tabal tok'ob.

Aj Levitib 21:10

Ri qui nimal ri e cojol tabal tok'ob yo'm takanic che chi cucoj ri tastalicalaj atz'iak ri xtastaj rumal ri aseit ri catasanic xcoj puwi' ri u jolom. Rumal c'u ri' muquiyiba' ri u wi' mawi mujis ri ratz'iak che u c'utic bis.

Ri Miquey 3:7

Wa queca'y pa che' pa abaj ri xukuje' e ch'obonelab quecanaj can pa jun tz'akatalaj conil. Conojel man quech'aw ta chic aretak man catzelex ta u wäch qui tzij rumal ri Dios.

Ajilanic 5:2

“Chabij chque ri aj israelib chi chequesaj bic chquixo'l apachique winak ri c'o chuwilaj ch'a'c chque, o ri capujin ri e achijab wi, o e canajinak tz'il u mac u chapic jun cäminak.

Ri Lucax 17:12

Aretak xopan pa jun alaj tinimit, xebel ulok lajuj achijab xa' col man cäquic'ulaj c'ut, ri c'o ch'a'c chquij. Ri e are' xetaq'ui' c'ut,

Ri Lucax 5:8

Ri Simon Lu', aretak xrilo, xutzak rib cho ri ulew chuwäch ri Jesus, xubij: “Tasa' ib la chwe, Wajaw, in c'u ajmac.”