Aj Levitib 13:20 - Quiché Bible

²⁰ We ri cojol tabal tok'ob; carilo chi ri u rikom wi ri c'axc'obic mecmobinak pa ri u tz'umal, sakarinak c'u ri rismal, ri cojol tabal tok'ob cuk'alajisaj chi tz'il we winak ri', u ch'aquil chuwilaj ch'a'c wa' ri c'o che.

Aj Levitib 13:20 ပူးပေါင်းရင်းမြစ်များ

Aj Levitib 13:19

cäcanaj c'u can jun sak sipoj pa ri u c'olbal, o jun quiäk sakrek', rajawaxic cuc'utu' rib chuwäch ri cojol tabal tok'ob.

Aj Levitib 13:2

“Aretak jun winak c'o sipoj chrij ri u tz'umal, o pok', o sakrek', o ch'a'c ri cäjunamataj ruc' ri chuwilaj ch'a'c, rajawaxic cäc'am ulok chuwäch ri Aaron ri cojol tabal tok'ob o chuwäch jun chque ri e cojol tabal tok'ob ri e rija'lil ri Aaron.

Aj Levitib 13:21

We carilo chi ri xc'oji' wi ri chuwilaj ch'a'c man c'o ta rismal ri sakarinak chupam, mawi mecmobinak pa ri u tz'umal, xane' xa benak rutziric, wukub k'ij cutz'apij na we winak ri' pa jun ja.

Aj Levitib 13:3

Ri cojol tabal tok'ob cunic'oj ri ch'a'c ri c'o chrij ri u tz'umal, we sakarinak ri rismal ri c'o pa ri ch'a'c, we mecmobinak ri ch'a'c pa ri u tz'umal, jic chi chuwilaj ch'a'c wa'. Aretak nic'otajinak chic we winak ri' rumal ri cojol tabal tok'ob, cuk'alajisaj chi c'o chuwilaj ch'a'c chrij.

Ri Matey 12:45

Cäbe c'u ri itzel uxlabal, quebuc'ama' chi ulok wukub uxlabal chic ruc'. Ri e lawalo na chuwäch ri are'. Conojel queboc bic pa ri winak, quec'oji' chila'. Ri q'uisbal u banic ri winak ri' canimataj na chuwäch ri nabe. Jeri' xukuje' cäban na chque ri itzel tak winak ri e c'o cho ri uwächulew camic.”

Ri Xuan 5:14

Xbantaj chi c'u wa', ri Jesus xurik ri achi pa ri rachoch Dios, xubij che: “Chawilampe', xatutziric. Matmacun chic, rech man cäpe ta chi jun jasach chawij ri sibalaj c'ax na.”

2 Pedro 2:20

Aretak e animajinak chquiwäch ri tz'ilol re ri uwächulew rumal ri retamaxic u wäch ri Ajawaxel xukuje' ri Colonel Jesucrist, we c'u qui caralij chi jumul quib chupam, sibalaj c'ax na ri' cäquiriko chuwäch ri nabe.