Aj Levitib 13:2 - Quiché Bible

² “Aretak jun winak c'o sipoj chrij ri u tz'umal, o pok', o sakrek', o ch'a'c ri cäjunamataj ruc' ri chuwilaj ch'a'c, rajawaxic cäc'am ulok chuwäch ri Aaron ri cojol tabal tok'ob o chuwäch jun chque ri e cojol tabal tok'ob ri e rija'lil ri Aaron.

Aj Levitib 13:2 ပူးပေါင်းရင်းမြစ်များ

Ucab Samuel 3:29

¡Chkaj ri macaj puwi' ri Joab xukuje' paquiwi' ri rachalaxic, amak'el ta c'ut c'o ta jachin jun chquixo'l ri curik ta re ri yabil re ja'nic, chuwilaj ch'a'c, o ch'ocojil, o xa' chcämisaxok, o chucoch'o wi'jal!”

Ucab Ajawinelab 5:1

C'o jun achi Naaman u bi', qui nimal rajch'ojab ri ajawinel re Siriy, sibalaj lok' xukuje' sibalaj cätok'obisax u wäch rumal ri rajawinel, rumal chi ri Ajawaxel u yo'm ri ch'äcanic che ri Siriy rumal rech are'. Yawab c'ut we achi ri' c'o chuwilaj ch'a'c chrij.

Ucab Ajawinelab 5:27

Rumal c'u rech wa', ri u ch'a'c ri Naaman cusipaj na rib chawe xukuje' chque ri awija'lil amak'el.” Aretak xel bic ri Jiez chuwäch ri Elisey, nojinak che ch'a'c ri sibalaj sak niquinoj jacha' ri sakalaj tew.

Ri Isaiy 1:6

Cächapletaj puwi' ri akanaj copan c'ä puwi' jolomaj man c'o ta jubik' ri ma ta c'o u yab chwe; ronojel nojinak che socotajic, ch'ayiquil, ch'a'c ri cäpujanic; man c'o ta jun e cunaninak mawi e botz'owinak, mawi e to'm ri u k'oxom ruc' aseit.

Ri Isaiy 3:17

che u c'äjisaxic qui wäch quinban na tol che ri qui jolom rumal ri quiäkchi'n, xukuje' quebench'anaba' na chquiwäch ri winak.”

Aj Levitib 13:1

Ri Ajawaxel xutzijobej ri Moises, xukuje' ri Aaron, xubij chque:

Aj Levitib 13:3

Ri cojol tabal tok'ob cunic'oj ri ch'a'c ri c'o chrij ri u tz'umal, we sakarinak ri rismal ri c'o pa ri ch'a'c, we mecmobinak ri ch'a'c pa ri u tz'umal, jic chi chuwilaj ch'a'c wa'. Aretak nic'otajinak chic we winak ri' rumal ri cojol tabal tok'ob, cuk'alajisaj chi c'o chuwilaj ch'a'c chrij.

Aj Levitib 13:8

We c'u aretak cänic'otaj ri yawab rumal ri cojol tabal tok'ob, caril c'ut chi u jabum rib ri pok' chrij ri u tz'umal, cuk'alajisaj na chi tz'il; yawab c'o chuwilaj ch'a'c chrij.

Aj Levitib 14:3

quel c'u bic che u nic'oxic chrij ri tinimit. We c'u ri cojol tabal tok'ob cärilo chi utzirinak ri chuwilaj ch'a'c ri c'o chrij ri yawab,

Aj Levitib 14:35

ri ajchak'e ja, cuya' u bixic che ri cojol tabal tok'ob, cubij che: In quinwilo chi c'o jun yabil re chuwilaj ch'a'c pa ri wachoch.

Aj Levitib 14:56

che ri sipoj, ri pok', xukuje' tak ri tz'aj,

Ri Malaquiy 2:7

Are wa' ri takal u banic cumal ri e cojol tabal tak tok'ob ri quitijoxic ri winak rech caquetamaj nu wäch, conojel c'ut rajawaxic quebetzucun chque che u c'amic tijonic, e are' tak c'ut ri e u tako'n ri Ajawaxel ri c'o ronojel u cuinem.

Ajilanic 12:10

Xuwi c'u xnajtin ri sutz' che ri Lic'om Rachoch Dios, ri Mariy xnoj che chuwilaj ch'a'c, xsakniquinob ri u tz'umal. Aretak ri Aaron xutzalc'atij rib che rilic ri Mariy, xril c'ut chi nojinak che chuwilaj ch'a'c,

Ajilanic 12:12

Mäya' la c'olbal chi ri are' cäcanaj jacha' jun cäminak ac'al ri maja' quil u wäch, ri quel ulok ruc' jun u tz'umal ri chukchubinak.”

Ri Matey 8:4

Xubij c'u ri Jesus che: “Chawilampe', c'o jun mabij wi, xane' jät, chac'utu' awib chuwäch ri cojol tabal tok'ob. Chaya' ri sipanic ri xtakan wi ri Moises, che k'alajisanic chquiwäch ri winak chi at utz chic.”

Marcos 1:44

xubij che: “Chawila' c'o jas mabij che jachin jun. Xane' jät, chac'utu' awib chuwäch ri cojol tabal tok'ob. Chaya' ri sipanic ri xtakan wi ri Moises che k'alajisanic chquiwäch chi at ch'ajch'oj chic.”

Ri Lucax 17:14

Ri Jesus xerilo, xubij chque: “Jix, chic'utu' iwib chquiwäch ri e cojol tabal tok'ob.” Pa ri qui binem c'ut, xecunatajic, e sak chic.

Ri Lucax 5:14

Ri Jesus xuya' takanic che ri achi: “C'o jun mabij wi xcha' che. Xubij che. Jät, chac'utu' awib chuwäch ri cojol tabal tok'ob. Chaya' ri sipanic ri xtakan wi ri Moises che k'alajisanic chquiwäch chi at sak chic.”

U Camulixic ri Pixab 24:8

We ne c'o ch'a'c, ruc' tz'akatil chibana' ronojel ri caquibij ri e cojol tabal tok'ob aj levitib chiwe. Rajawaxic quiban ronojel je jas ri takanic ri nu yo'm chque.

U Camulixic ri Pixab 28:27

Ri Ajawaxel quebuq'uiyisaj na nimak tak ch'a'c chawij jacha' ri xpe chquij ri aj ejiptib, xukuje' sipoj, salc'am xukuje' quiäk chi'm, man c'u quebarik ta cunabal che qui cunaxic tak we yabil ri'.