Aj Levitib 11:47 - Quiché Bible

⁴⁷ rech cäc'utun ri u jalbem rib ri tz'il ruc' ri ch'ajch'oj xukuje' chquixo'l ri awaj ri takal qui tijic cuc' ri awaj ri man takal ta qui tijic.

Aj Levitib 11:47 ပူးပေါင်းရင်းမြစ်များ

Chapletajic 7:2

Chebamajij wukub ama'ib xukuje' wukub ati'tab che ronojel awaj ch'ajch'oj, xa c'u jun ama' xukuje' xa jun ati't chque ri e tz'il.

Ri Ezequiel 22:26

Ri e qui cojol tabal tok'ob we ulew ri' quequijech'obisaj tak ri quelcaquibij tak ri nu tijonic, quequixk'olij c'ut ri jastak ri weta'm chi e tastalic; man jalan ta caquil wi ri tastalic mawi ri tz'il, mawi quequitijoj jule' chic chi jalan chquila' wi ri ch'ajch'oj xukuje' ri k'olok'oj. Man queboc ta il chque tak ri nu k'ij quech uxlanem, mawi nim ta quinquil wi.

Ri Ezequiel 44:23

Ri e cojol tabal tok'ob rajawaxic quequitijoj ri nu tinimit che ri u c'oxomaxic ri u jalbem rib ri tastalic ruc' ri man tastal taj, xukuje' ri ch'ajch'oj ruc' ri ch'uluch'uj.

Ri Daniel 1:8

Are c'u ri Daniel xuchomaj pa ranima' chi man cutz'iloj ta rib rumal ri u tijic ri riquil xukuje' ri u wa'l uva ri caruq'uiaj ri ajawinel, xutz'onoj c'u che ri c'amal u be ri rachoch ri ajawinel chi mucoj chuk'ab che chi cutz'iloj ta rib cumal tak we wa ja' ri'.

Aj Levitib 10:10

rech quixcuinic quiwil ri u jalbem rib ri tastalic ruc' ri man tastalic taj, ri tz'il xukuje' ri ch'ajch'oj,

Aj Levitib 11:46

E are pixab wa' chquij ri awaj, xukuje' ri chicop ri c'o qui xic', xukuje' conojel ri c'o qui c'aslemal ri queslab pa tak ri ja', xukuje' chque conojel ri awaj ri caquijururej quib cho ri ulew,

Aj Levitib 12:1

Ri Ajawaxel xutzijobej ri Moises, xubij che:

Ri Malaquiy 3:18

C'äte c'u ri' ri ix quich'ob chi na jumul ri jalbem ib ri c'o chuxo'l ri utz xukuje' ri lawaloyil, chuxo'l ri cak'ijilan che ri Dios xukuje' ri man cak'ijilan ta che.”