Aj Levitib 11:40 - Quiché Bible

⁴⁰ ri cutij re ri u ti'jal ri cäminak awaj, rajawaxic quebuch'aj ri ratz'iak, cäcanaj tz'il c'ä coc na ri ak'ab; ri quebesan bic we cäminak tak awaj ri' rajawaxic quebe qui ch'aj ri catz'iak, quecanaj tz'il c'ä coc na ri ak'ab.

Aj Levitib 11:40 ပူးပေါင်းရင်းမြစ်များ

Elem 22:31

Ri ix rajawaxic chi ix tasom tak wik chwe. Mitij ri qui ti'jal ri awaj ri quech'äkatix can cumal ri juyubal tak awaj pa ri c'ache'laj, chebiq'uiaka' chquiwäch ri tz'i'.”

Ri Isaiy 1:16

¡Chich'aja' iwib, chijosk'ij iwib! ¡Chebinajtajisaj ri iwetzelal chnuwäch! ¡Chik'ila iwib che u banic ri man utz taj!

Ri Ezequiel 36:25

Quixinch'aj na ruc' josok'alaj ja', quixinjosk'ij na che ronojel ri i tz'ilol, quixinch'ajch'ojirisaj na chque tak ri e u rikic iwib cuc' tak ri e diosib;

Ri Ezequiel 4:14

Ri in xintzelej u bixic che: “Ajawaxel ri in mawi jumul pa ri nu c'aslemal nu nakom ta jun jasach xawebal; mawi jumul nu tijom ta u ti'jal jun awaj ri xak ta xcäm pa re wi', o ch'akatim ta cumal juyubal tak awaj, mawi jumul nu naom xawebalalaj ti'j.”

Ri Ezequiel 44:31

Ri e cojol tabal tok'ob man ya'tal ta chque chi caquitij jun chicop ri c'o u xic' o jun awaj ri xak c'ätetal cäcämic, o ri cämisam rumal jun juyubal awaj.”

Aj Levitib 11:25

Apachin ri cäwalijisan jun chque we cäminak tak awaj ri', quebuch'aj ri ratz'iak, cäcanaj c'u na tz'il c'ä coc na ri ak'ab.

Aj Levitib 11:28

Apachin ri cäwalijisan jun chque we cäminak tak awaj ri', quebuch'aj ri ratz'iak, cäcanaj c'u tz'il c'ä coc na ri ak'ab, e tz'il c'u tak wa' we awaj ri' chiwe.

Aj Levitib 11:39

We c'u ne cäcäm jun chque ri iwawaj ri tijic rij iwumal, ri canakow we cäminak awaj ri' cäcanaj tz'il c'ä coc na ri ak'ab;

Aj Levitib 14:46

Apachin ta ne ri coc pa ri ja pa ronojel ri k'ijol ri xubij ri cojol tabal tok'ob chi catz'apixic, cäcanaj tz'il c'ä coc na ri ak'ab.

Aj Levitib 15:15

ri cojol tabal tok'ob cuchi'j jun chque jacha' che tabal tok'ob u mac rech ri macaj, ri jun chic che tabal tok'ob ri cächajirisaxic; jewa' cuban ri cojol tabal tok'ob che u josk'ixic ri achi ri c'o we yabil ri' che, chuwäch ri Ajawaxel.

Aj Levitib 15:27

Apachin ta ne ri cänakow we jastak ri', cäcanaj tz'il; rajawaxic quebuch'aj ri ratz'iak xukuje' catinic, cäcanaj c'u tz'il c'ä coc na ri ak'ab.

Aj Levitib 16:26

are c'u ri xc'amow u bic ri q'uisic' ri c'amowinak bic ri macaj, quebuch'aj ri ratz'iak, xukuje' catinic c'äte ri' cuya' coc pa ri kajebal.

Aj Levitib 16:28

Ri winak ri queporon ri awaj, rajawaxic quebuch'aj ri ratz'iak, xukuje' catinic, c'äte ri' cuya' coc pa ri kajebal.

Aj Levitib 22:6

we winak ri' cäcanaj tz'il c'ä coc na ri ak'ab, man cuya' taj cutij re chque ri jastak ri e tastalic we man nabe cuch'aj rib ruc' ja'.

Aj Levitib 22:8

Mutij u ti'jal jun cäminak awaj mawi ri ch'akatim rumal jun juyubal awaj, rech man cutz'iloj ta rib rumal, In ri' ri Ajawaxel.

Ri Zacariy 13:1

“Chupam c'ut ri k'ijol ri' cäjakataj na jun bulbuxalaj ja', rech chupam quecuin wi quequich'aj tak ri qui mac ri e rija'lil ri David xukuje' ri aj Jerusalen.

Ajilanic 19:19

Ri achi ri josk'im jas ri nak'atisabal are' chchicom ri tz'ilotajinak pa tak ri urox k'ij xukuje' pa ri uwuk. Pa ri uwuk k'ij u ch'ajch'ojisam chic. Are c'u ri winak ri tz'il canok cuch'aj ri ratz'iak xukuje' cuch'aj na rib ruc' ja', cäcanaj c'u na can tz'il c'ä benak k'ij.

1 Corintios 10:21

Man cuya' taj quiwuq'uiaj ta iwe che ri ruq'uiabal ri Ajawaxel, xukuje' quiwuq'uiaj iwe che ri cuq'uiabal ri itzel tak uxlabal. Mawi cuya' quic'am ta iwe pa ri u mexa ri Ajawaxel, xukuje' quic'am iwe pa ri qui mexa ri itzel tak uxlabal.

1 Corintios 6:11

E c'o c'u jujun chiwe e je tak wa' nabe canok. Camic c'ut ix ch'ajtajinak chic, banom chi tastalic tak winak chiwe, ix k'alajisam chic chi ix suc' chuwäch ri Dios pa ri u bi' ri Ajawaxel Jesucrist, rumal ri Uxlabal re ri ka Dios.

U Camulixic ri Pixab 14:21

Mitij jun awaj ri xak cäcäm u tuquiel, ix c'u jun tinimit ri ix tastajinak che ternexic ri Ajawaxel ri i Dios; cuya' c'ut quiya' che ri man i winakil ta ri jekel chquipam tak ri e i tinimit; ri are' cuya' cutijo. Xukuje' cuya' qui c'ayij che ri man i winakil ta ri xa rokxanim rib. Mebitzac ri alaj tak q'uisic' chupam ri u tu' ri qui nan.”

1 Juan 1:7

We c'u cujbin chupam ri sakilal jacha' ri Dios c'o pa ri sakilal, c'o c'u ri' ri junamatajic chkaxo'l, are' c'ut ri u quiq'uel ri u C'ojol, ri are' ri Jesucrist, queresaj na conojel ri ka mac.