Aj Levitib 11:32 - Quiché Bible

³² Xukuje' cäcanaj tz'il apachique jasach ri cukajbej jun chque we awaj ri' aretak cäminak chic. We jun jasach re che', we jun atz'iak, o jun jasach re tz'um, o c'ul o apachique chacubal, rajawaxic cänim na pa ja', cäcanaj tz'il c'ä coc na ri ak'ab; c'äte ri' cäcanaj ch'ajch'oj.

Aj Levitib 11:32 ပူးပေါင်းရင်းမြစ်များ

Aj Levitib 11:31

E are wa' ri e tz'il chiwe chquixo'l conojel ri chicop xukuje' apachin ri quenakowic aretak e cäminak chic, cäcanaj tz'il c'ä coc na ri ak'ab.

Aj Levitib 14:46

Apachin ta ne ri coc pa ri ja pa ronojel ri k'ijol ri xubij ri cojol tabal tok'ob chi catz'apixic, cäcanaj tz'il c'ä coc na ri ak'ab.

Aj Levitib 15:12

Ri bo'j ri cunak ri c'o we yabil ri' che, rajawaxic cäpaxixic, ri jastak ri e re che', rajawaxic quech'ajic.

Aj Levitib 15:15

ri cojol tabal tok'ob cuchi'j jun chque jacha' che tabal tok'ob u mac rech ri macaj, ri jun chic che tabal tok'ob ri cächajirisaxic; jewa' cuban ri cojol tabal tok'ob che u josk'ixic ri achi ri c'o we yabil ri' che, chuwäch ri Ajawaxel.

Aj Levitib 16:26

are c'u ri xc'amow u bic ri q'uisic' ri c'amowinak bic ri macaj, quebuch'aj ri ratz'iak, xukuje' catinic c'äte ri' cuya' coc pa ri kajebal.

Aj Levitib 17:15

Apachique ta ne aj israel o apawije' ta ne cäpe wi, ri cutij ri u ti'jal jun awaj ri xak c'ätetal xcämic, o ri xch'akatix rumal jun juyubal awaj, quebuch'aj ri ratz'iak xukuje' catinic, cäcanaj c'u can tz'il, c'ä coc na ri ak'ab, c'äte ri' cäcanaj ch'ajch'oj.

Aj Levitib 22:6

we winak ri' cäcanaj tz'il c'ä coc na ri ak'ab, man cuya' taj cutij re chque ri jastak ri e tastalic we man nabe cuch'aj rib ruc' ja'.

Aj Levitib 6:28

Ri t'uy ri cätzac wi ri ti'j ri u tz'akatil ri sipanic rajawaxic cäpaxixic, we c'u xtzac pa jun t'uy re k'an ch'ich', utzalaj u jukic cäbanic.

Ajilanic 19:15

Conojel ri bo'j ri tek'etoj qui wi', o ri man kas ta utz qui tz'apixic banom, xukuje' quecanaj tz'il.

Ajilanic 19:7

cuch'aj c'u ri ratz'iak cuch'aj c'u rib xukuje' ruc' ja', c'äte ri' cuya' coc chupam ri kajebal, pune' c'u cäcanaj tz'il c'ä benak k'ij jas ri nak'atisabal.

Ri Tit 2:14

Ri Jesucrist xuya' ri u c'aslemal rumal kech, che kesaxic pa u k'ab ronojel etzelal xukuje' che ka josk'ixic, rech cujux rech are' xukuje' cäkacoj ka chuk'ab che u banic utzalaj tak chac.

Ri Tit 3:5

xujucolo, man rumal ta suc'alaj chac ri ka banom, xane' rumal rech chi xel u c'u'x chke. Xujuch'ajo, xuban c'ac' tak winak chke, jas jun alaj ne' c'äte xalaxic. Jewa' xubano rumal ri Ruxlabal ri Dios,