Aj Levitib 10:3 - Quiché Bible

³ Xubij c'u ri Moises che ri Aaron: “Are wa' ri xraj ri Ajawaxel xubij: ‘Chque ri quenakajin chwe quinc'ut wi na ri nu tastajic, chquiwäch conojel ri aj israelib quinc'ut na ri nu juluwem.’ ” Man c'o ta c'u jas xubij ri Aaron.

Aj Levitib 10:3 ပူးပေါင်းရင်းမြစ်များ

Chapletajic 18:25

¡Mäban la ri' chi junam cäcämisaj la ri c'o u mac ruc' ri man c'o ta jubik' u mac, je ta ne ri e quieb e macuninak! ¡Mäban la we c'ax ri'! Lal ri lal nimalaj k'atal tzij puwi' ronojel ri uwächulew, ¿la ma ta c'u cäban na la ri suc'alaj k'atoj tzij?”

Ri Job 2:10

Ri Job xutzelej u bixic: “¡Ixok, mebabij tak conil! We quekac'am ri utzalaj tak jastak ri quebuya' ri Dios chke, ¿Jas ta c'u che ma ta quekac'am ri c'axc'olil?” Je c'u ri', pune' ruc' ronojel wa', ri Job man xmacun taj mawi ne rumal ta jun tzij.

Salmib 119:120

Cäbirbit ri nu cuerp rumal xe'n ib chwäch la; ¡nim quebenwil wi ri pixab la!

Salmib 148:14

Ri are' u yo'm cuinem pa u k'ab ri u tinimit. ¡Chyo'k u k'ij cumal conojel ri jic quebin chuwäch, cumal ri aj israelib, ri u tinimit ri c'o nakaj! ¡Chyo'k u k'ij ri Ajawaxel!

Salmib 39:10

Tanaba' la nu ch'ayic; in k'itajinak chi c'u pa ri ch'ayic rumal ri k'ab la.

Salmib 39:9

Xinban wib chi in mem, man xinjak ta ri nu chi', lal c'ut ri cätajin cäch'aw la.

Salmib 46:10

“¡Mich'ujarisaj iwib! ¡Chich'obo' chi ri in in Dios! ¡In c'o paquiwi' ri nimak tak tinimit! ¡In c'o puwi' ronojel ri uwächulew!”

Salmib 89:7

Nimalaj Dios xukuje' xibibal, sutim rij cumal ri e c'o pa ri caj.

Salmib 93:5

Oh Ajawaxel, ri e takomal la co e jekelic. ¡Ri tastaliquil are wikbal junalic chupam ri achoch la!

Elem 14:17

In quinbana' na chi ri aj ejiptib co caquitac'aba' na quib rech quixquiterenej na; quinc'ut c'u ri nu cuinem puwi' ri ajawinel xukuje' paquiwi' conojel ri rajch'ojab, paquiwi' ri u carwaj xukuje' paquiwi' ri rajquiejab.

Elem 14:4

Quinban na co che ri ranima' ri ajawinel quixuterenej c'ut, quinc'ut c'u ri nu cuinem puwi' ri are xukuje' paquiwi' conojel ri rajch'ojab. Cäquetamaj na ri aj ejiptib chi in ri' ri Ajawaxel.” Je c'u xquiban ri aj israelib.

Elem 19:22

Xukuje' ne ri cojol tabal tok'ob ri ya'tal chque quenakajin chwe, chquijosk'ij quib, minsach ne qui wäch.”

Elem 19:24

Xubij c'u ri Ajawaxel che ri Moises: “Jät, chatkaj bic; c'äte c'u catpaki' chi ulok cawachilaj ulok ri Aaron. E are' c'ut ri e cojol tabal tok'ob xukuje' ri winak meboc'ow puwi' ri c'ulbat rech quepaki' ta ulok chnuwäch, mebencämisaj ta c'ut.”

Elem 30:30

Xukuje' chajamij we aseit ri' puwi' ri Aaron xukuje' pa qui wi' ri e u c'ojol, che qui tasic e jacha' che nu cojol tabal tok'ob,

Ri Isaiy 39:8

Ri Ezequiy, xuchomaj chi pune' ta ba ne xak xuwi cäc'oji' jamaril, xukuje' jicomal joropa' junab cäc'asi na, xcha' che ri Isaiy: “Ri a yo'm u bixic chwe ri u bim ri Ajawaxel chawe, utz quinto.”

Ri Isaiy 49:3

Xubij chwe: “Israel, at at pataninel wech, awumal at quinc'ut ri nu juluwem.

Ri Isaiy 52:11

Chixel ulok, chixel ulok pa Babilon, mebinak chi tz'il tak jastak, chixel ulok pa Babilon. Chebux ch'ajch'oj ri quec'amow ulok ri e u chaconisan ri Ajawaxel.

Ri Ezequiel 20:41

Aretak chebenmulij ulok pa tak ri ulew chquixo'l ri nimak tak tinimit ri e jabutal wi camic, quinc'ut c'ut ri nu tastajic chixo'l chquiwäch conojel tak ri tinimit, c'äte ri' quebenc'amowaj na tak ri e qui sipanic ri cäc'oc'at cuxlab.

Ri Ezequiel 28:22

chabij che: ‘Are wa' cubij ri Ajawaxel: In quink'alajisaj wib chi at nu c'ulel, Sidon; pa a niq'uiajil cäya' wi na nu k'ij. Aretak c'u chenc'äjisaj a wäch je c'u u c'utic wa' ri nu tastajic quinbano, cach'obataj c'u na chi in ri' ri Ajawaxel.

Ri Ezequiel 38:16

catch'ojin c'u na ruc' ri nu tinimit Israel. At, Gog, cach'uk na ri ulew jacha' jun nimalaj sutz' ri sibalaj k'ek. Pa we q'uisbal tak k'ij ri' quinban na chawe chi catpe na che u banic c'ax che ri wulew, rech rumal awech ri niq'uiaj nimak tak tinimit chic caquich'ob na nu wäch aretak chinc'ut ri nu tastajic chquiwäch.

Ri Ezequiel 40:46

are c'u ri ja ri benak u wäch pa ri riquiak'ab ri elebal k'ij are wa' ri cajwataj chque ri e cojol tabal tok'ob ri quepatanij chuwäch ri porobal. E rija'lil ri Sadoc, xuwi c'u tak aj levitib wa' ri cuya' quekeb chuwäch ri Ajawaxel che u patanixic.”

Ri Ezequiel 42:13

Ri achi xubij chwe: “Ri alaj tak ja ri e c'o pa ri riquiak'ab ri elebal k'ij jacha' ri e c'o pa ri u mox k'ab elebal k'ij, ri e c'o chuwäch ri uwo ja ri tz'apitalic, e tastalicalaj alaj tak ja wa'. Ri e cojol tabal tok'ob ri quenakajin chuwäch ri Ajawaxel chila' quequitij wi tak ri sipanic ri sibalaj e tastal na. Chi' xukuje' quequiya' wi tak ri sipanic ri sibalaj e tastalic jacha' ri sipanic re tak ri u wächinic ri ulew, ri sipanic rumal rech ri macaj xukuje' ri sipanic u mac rech ri chak'maquil, jun tastalic c'olbal c'u wa'.

Aj Levitib 21:15

rech muyuj ri u quiq'uel cuc' apachique winak pa ri u tinimit; in c'ut ri Ajawaxel nu tasom che nu patanixic.”

Aj Levitib 21:17

“Chabij che ri Aaron chi kas camic cächaptaj bic, man c'o ta jun chque ri e rija'lil ri c'o jas jun yabil che ri u cuerp cäya' ta che chi cuchi'j ri wa chuwäch ri a Dios.

Aj Levitib 21:21

Man c'o ta jun rija'lil ri cojol tabal tok'ob Aaron ri c'o ta jun u yab ri chebucoj ta chuwäch ri Ajawaxel ri sipanic tak ri queporoxic; c'o ta jun u yab, rumal ri' man cuya' taj cucoj ta ri sipanic re wa re ri u Dios.

Aj Levitib 21:6

xane' kas chi quitasa' quib che u patanixic ri qui Dios, maquiban c'u che ri u bi' chi man nim ta cäquil wi, rumal rech chi e are' quejachow ri sipanic ri cäporox che ri Ajawaxel, xukuje' e are' quejachow ri wa chuwäch ri Dios, amak'el c'ut checanaj tastalic che patanijic.

Aj Levitib 21:8

Chebatasa' che ronojel wa', rumal rech chi e are' ri quechi'n ri wa che ri a Dios. E tastal c'u chawe, rumal rech chi ri in, ri Ajawaxel, in tastalic, man quinban ta etzelal, in c'ut ri quinbanowic chi quetastaj chwe.

Aj Levitib 22:9

Chabij chque chi chquitz'akatisaj ri nu pixab ri tz'ibatalic rech man quekaj ta pa jun mac, rumal rech chi man queniman ta che, we je caquiban wa' man quecäm ta na. In ri' ri Ajawaxel ri e nu tasom che nu patanixic.

Aj Levitib 8:35

Quixcanaj ba' can wukub k'ij, chi pa k'ij, chi chak'ab chuchi' ri Lic'om Rachoch Dios re rikoj ib. Nim chiwila' wi ri takanic ri u yo'm ri Ajawaxel rech man quixcäm taj; je c'u takanic wa' yo'm chwe.”

Ajilanic 16:5

xubij c'u che ri Core xukuje' chque ri e teren chrij: “Chwek ak'abil ri Ajawaxel cuk'alajisaj na jachin ri rech xukuje' jachin ri u tasom rib che, cacuin c'ut quebujach tak ri sipanic chuwäch. Xuwi cacuinic quebujach tak ri sipanic chuwäch jachin ri cacha' rumal.

Ajilanic 20:12

Are' c'u ri Ajawaxel xubij che ri Moises xukuje' che ri Aaron: “Rumal c'u rech chi man xijiquiba' ta i c'u'x chwij mawi xiya' ta nu k'ij chquiwäch ri aj israelib, man quixoc ta na cuc' tak we winak ri' chupam ri ulew ri nu yo'm chque.”

Ri Matey 10:37

Apachin ri are lok' na ri u tat o ri u nan chnuwäch in, man in takal ta che; apachin ri are lok' na ri u c'ojol o ri u mia'l chnuwäch in, man in takal ta che.

Ri Xuan 12:28

Tat, chnimarisaj u k'ij ri bi' la.” C'äte ri' xpe jun ch'abal pa ri caj, xubij: “Nu nimarisam chic, quinnimarisaj chi c'u na jumul.”

Ri Xuan 14:13

Ronojel c'ut ri qui tz'onoj pa ri nu bi', in quinban na, rech rumal ri C'ojolaxel cac'utun ri u juluwem ri Tataxel.

U Camulixic ri Pixab 32:51

Ix quieb ix man jic ta xixbin chnuwäch chquiwäch ri aj israelib, aretak ix c'o chuchi' ri ja' re Merib-cades, pa ri chaki'j uwo sak re Zin, man nim ta xiniwil wi chquiwäch ri aj israelib.

2 Tesalonicenses 1:10

Jewa' cäquic'ulmaj na aretak cäpe ri Jesus rech cänimarisax u k'ij cumal ri e tastalicalaj tak winak ri e rech, rech cäya' u k'ij cumal conojel ri xecojonic, rumal rech chi xquicojo jas ri xkak'alajisaj chquiwäch pa ri k'ij ri'.

1 Pedro 4:17

Xurik ri k'ij aretak cächaplex ri k'atoj tzij paquiwi' ri e aj uwo rachoch ri Dios. We c'u nabe cächaplex kuc' uj, ¿jas c'u lo ri qui q'uistajic ri winak ri man queniman ta che ri u tzij ri Dios?

Nabe Samuel 2:30

Rumal c'u ri' ri Ajawaxel, ri u Dios ri Israel, ri u bim ulok chi ri at xukuje' conojel ri e awachalaxic quepatanin na chuwäch amak'el, camic cuk'alajisaj: Mawi jubik' xak quinwilo chi je caban wa', xane' quinya' qui k'ij ri queyo'w nu k'ij, are c'u ri cäquetzelaj nu wäch queq'uis na pa yok'ic. In, ri Ajawaxel quinjiquiba' u bixic.

Nabe Samuel 3:18

Ri Samuel xuk'alajisaj c'u ronojel ri xbix che man c'o ta xuc'u' canok ri ma ta xuk'alajisaj che. Xubij c'u ri Eli: “¡Ri are' are' ri Ajawaxel! Chbanok jachique ri utz cärilo.”

Nabe Samuel 6:20

Xquibij c'u ri aj Bet-sems: “¿Jachin ta lo cäcuinic cutac'aba' rib chuwäch ri Ajawaxel, chuwäch we tastalicalaj Dios ri' ri man cuban ta etzelal? ¿Jachin lo che cubana' wi c'ax aretak chel chakaxo'l?”