Aj Levitib 1:9 - Quiché Bible

⁹ Ri cäjachow ri tabal tok'ob ri cächajirisaxic, rajawaxic quebuch'aj ri ixco'l, xukuje' ri e ra' ri awaj ruc' ja'; ronojel c'ut cuporoj ri cojol tabal tok'ob puwi' ri porobal jacha' sipanic ri caporoxic ri cäc'oc'atic, ri cäkaj chuwäch ri Ajawaxel.

Aj Levitib 1:9 ပူးပေါင်းရင်းမြစ်များ

Chapletajic 8:21

Aretak xopan ri c'oc'alaj ruxlab ri tabal tok'ob chuwäch ri Ajawaxel, xubij: “Mawi jumul quinc'okoj ta chic ri ulew u mac rech ri winak, kas c'u pa ri rac'alal ulok ri winak xuwi cuchomaj ri man utz taj. Xukuje' mawi jumul quinsach chic qui wäch conojel ri awaj, jas ri nu banom.”

Nabe Tzijobelil 6:34

are' c'u u c'ojol ri Elcan, u c'ojol c'ut ri Jeroham, u c'ojol c'ut ri Eliel, u c'ojol ri Toa,

Ucab Tzijobelil 4:6

Xukuje' xebuban lajuj c'olbal ja' e re k'an ch'ich' che ch'ajbal, job xebucoj pa ri iquiak'ab job xebucoj pa ri mox k'ab, chi' c'u quech'aj wi ri jastak ri quecoj che ri tabal tok'ob ri quechajirisaxic; are c'u ri nim c'olbal ja' are' qui ch'ajbal ri e cojol tabal tok'ob.

Salmib 51:6

Kastzij, ri lal calok'ok'ej la ri anima' ri jicom, cäc'ut la ri no'j chnuwäch chupam ri wanima'.

Salmib 66:15

Quebenporoj na k'obisam tak awaj puwi' ri porobal ri ech la, quebenchi'j tak na ama'ib tak wacax xukuje' ama'ib tak q'uisic' xukuje' ri qui c'oc'al ama'ib tak chij.

Elem 12:9

C'o jun ch'akap ti'j mitij pa räxal mawi rokowisam. Ronojel ri awaj, ri u jolom, ri e rakan, xukuje' tak ri rixco'l xa quesa' cho k'ak';

Elem 29:18

Chachi'j c'u ri ama' chij puwi' ri porobal, jacha' tabal tok'ob ri cächajirisaxic che u ya'ic u k'ij ri Ajawaxel, jacha' sipanic porom ri cäc'oc'atic.

Elem 29:25

Chebac'ama' c'ut pa qui k'ab, chaporoj puwi' ri porobal cärachilaj ri tabal tok'ob ri cächajirisaxic ri cäc'oc'at chuwäch ri Ajawaxel. Sipanic wa' ri porom che u ya'ic u k'ij ri Ajawaxel.

Ri Jeremiy 4:14

Jerusalen, chajosk'ij ri awanima' che ri etzelal we je caban wa' catto'taj na. ¿C'a jampa' lo catanaba' qui chomaxic pa a jolom ri itzel tak chomanic?

Ri Ezequiel 20:28

Aretak xebencoj chupam ri ulew ri xinban ri chi'nic ri kas cäban na, in chokinak chi quinya' chque, xuwi xtaki' qui wäch che jun juyub ri naj elinak chicaj o juwi' che' ri jewejak u xak, chila' quequichi'j wi tak ri e qui tabal tak tok'ob xukuje' chila' quequiya' wi tak ri qui sipanic ri sibalaj xquiyacbej woyowal, chila' xequiporoj wi tak ri c'oc'alaj tak qui k'ol xukuje' chila' xequijamij wi tak ri qui sipanic re u wa'l uva.

Ri Ezequiel 20:41

Aretak chebenmulij ulok pa tak ri ulew chquixo'l ri nimak tak tinimit ri e jabutal wi camic, quinc'ut c'ut ri nu tastajic chixo'l chquiwäch conojel tak ri tinimit, c'äte ri' quebenc'amowaj na tak ri e qui sipanic ri cäc'oc'at cuxlab.

Ri Ezequiel 40:38

C'o jun alaj ja ri catikow ri uwo ja ruc' ri oquibal. Chila' c'ut ri quech'aj wi ri awaj ri queya' che tabal tok'ob quechajirisaxic.

Aj Levitib 1:13

Are' c'ut ri cäjachow ri tabal tok'ob pa cachajirisaxic quebuch'aj ri ixco'l xukuje' ri e ra' ri awaj ruc' ja', ronojel c'ut cuchi'j ri cojol tabal tok'ob, cuporoj ronojel puwi' ri porobal; jacha' sipanic ri caporoxic ri cäc'oc'atic ri cäkaj chuwäch ri Ajawaxel.

Aj Levitib 1:17

Cujak'ij c'u na ri chicop ri e c'o u xic', quebuc'am c'u che ri quieb u xic', man cuban ta c'u quieb che chuq'uisbalil cuporoj na ri chicop ri e c'o u xic' puwi' ri si' ri c'o puwi' ri porobal jacha' tabal tok'ob ri cächajirisaxic, jacha' sipanic ri canicowisaxic ri cäc'oc'at che ri Ajawaxel.”

Aj Levitib 2:16

Ri cojol tabal tok'ob cunicowisaj na jubik' k'ichom trico xukuje' jubik' aseit, carachilaj ronojel ri c'oc'alaj k'ol, cux c'u na jun sipanic re natanic porom che u ya'ic u k'ij ri Ajawaxel.”

Aj Levitib 2:2

cuc'am na bic chquiwäch ri e u c'ojol ri Aaron, ri e cojol tabal tok'ob, jun c'ut chque cuc'am na jumuk' che ri coc'alaj c'äj, rachilam ri aseit, cärachilaj ronojel ri c'oc'alaj k'ol, cuporoj c'u na puwi' ri porobal jacha' sipanic canicowisaxic re natabal, ri cäc'oc'at ruxlab che ri Ajawaxel.

Aj Levitib 2:9

Chila' ri cojol tabal tok'ob cuc'am na jubik' che ri sipanic cunicowisaj puwi' ri porobal jacha' sipanic ri canicowisaxic re natanic, re c'oc'al ri cäkaj chuwäch ri Ajawaxel.

Aj Levitib 3:11

Ri cojol tabal tok'ob cunicowisaj ronojel wa' puwi' ri porobal, jacha' che sipanic re wa ja' che u ya'ic u k'ij ri Ajawaxel.

Aj Levitib 3:5

Ri e cojol tabal tok'ob caquiban na chi canicow ronojel wa' puwi' ri porobal, junam ruc' ri awaj ri queporox puwi' ri si' ri cätajin canicowic, jacha' sipanic ri nicowisam ri c'oc' ruxlab che ri Ajawaxel.

Aj Levitib 4:31

Xukuje' rajawaxic quesax ronojel ri u xepoyil, jacha' ri cäban che resaxic che ri awaj ri cächi'xic jacha' che ri utzirisan ib caporox c'u puwi' ri porobal jacha' c'oc'alaj uxlab che ri Ajawaxel. Jeri' ri cojol tabal tok'ob curik na ri cuyubal mac u mac rech ri u mac we winak ri', casachtaj c'u na ri' ri macaj ri banom.

Aj Levitib 6:14

“Are wa' ri pixab che qui ya'ic ri sipanic quech c'äj: ri e cojol tabal tok'ob caquichi'j chuwäch ri porobal chuwäch ri Ajawaxel.

Aj Levitib 8:21

xebuch'aj ri ti'j chupam xukuje' tak ri e ra', ri chij xuporoj c'u ronojel puwi' ri porobal; jacha' ri cachajirisaxic, jacha' che sipanic re c'oc'al ri cäkaj chuwäch ri Ajawaxel, jacha' ri takanic ri u yo'm ri Ajawaxel che.

Aj Levitib 8:28

Xuc'am c'u ri Moises we jastak ri' pa qui k'ab, xuporoj puwi' ri porobal, junam ruc' ri tabal tok'ob ri cächajirisaxic, jacha' sipanic re tastajic ri cäc'oc'atic sipanic wa' ri cäporoxic che u ya'ic u k'ij ri Ajawaxel.

Aj Levitib 9:14

Xebuch'aj c'u ri ti'j chupam xukuje' tak ri ra', xebuporoj c'u puwi' ri porobal.

Ri Zacariy 13:7

Ri Ajawaxel ri c'o ronojel u cuinem cujiquiba' u bixic: “¡Chatwalijok, ch'ich' re ch'o'j, che u banic c'ax che ri wajyuk' xukuje' che ri wachil! ¡Chacämisaj ri ajyuk', are c'u ri jumulaj cujabuj na rib, are c'u ri in quintzelej chi na che qui c'ulelaxic ri alaj ama'ib tak chij!

Ajilanic 15:3

qui chi'j c'u jun ama' wacax o jun chij che u poroxic che u ya'ic nu k'ij jacha' che tabal tok'ob o tabal tok'ob ri cachajirisaxic ri sibalaj cäc'oc'atic, we che u tz'akatisaxic jun chi'nic o jacha' sipanic ri pa ech wi, o rumal jun nimak'ij,

Ajilanic 28:11

“Chupam ri nabe k'ij re jujun tak ic' qui chi'j na jacha' che tabal tok'ob ri cächajirisaxic che ri Ajawaxel quieb c'ojol tak wacax, jun ama' chij xukuje' wukub alaj ama'ib tak chij re jujun qui junab, ri man c'o ta qui yab.

Ajilanic 28:7

“Ri sipanic re ri u wa'l uva jun litro che jujun alaj tak ama'ib tak chij. We u wa'l uva ri' rajawaxic u jamic chupam ri k'ijilabal che u ya'ic u k'ij ri Ajawaxel.

Ajilanic 28:8

Ri ucab alaj ama' chij cäpil na aretak que k'ij, cätik c'u na jun sipanic che re c'äj xukuje' jun sipanic re u wa'l uva junam cuc' tak ri sipanic ri queya' ak'abibal. Are jun sipanic ri cäc'oc'at ruxlab, ri caporox che u ya'ic u k'ij ri Ajawaxel.”

2 Corintios 2:15

Uj je ta ne ri c'oc'alaj ruxlab jun c'oc'al ri cuya' ri Crist chuwäch ri Dios; we uxlab ri' c'o chquixo'l ri winak ri quecolotajic xukuje' chquixo'l ri winak ri cäsach qui wäch.

Efesios 5:2

chiwuc'aj ri c'aslemal aj lok'ok'ebal c'uxaj, jas ri Crist xujulok'ok'ej. Xuya' ri u c'aslemal rumal kech, jacha' sipanic, tabal tok'ob cho ri Dios, are jun c'oc'alaj uxlab ri cäkaj chuwäch.

U Camulixic ri Pixab 12:27

chila' c'ut, puwi' ri porobal ri rech ri Ajawaxel ri i Dios, quichi'j wi na ri tabal tak tok'ob ri quechajirisaxic. Ri qui quiq'uel ri awaj ri quebichi'j quijamij na puwi' ri porobal ri rech ri Ajawaxel ri i Dios, are c'u ri ti'j cuya' quitijo.

Filipenses 4:18

Ronojel c'o wuc', q'ui ri jastak we c'olic. Xinc'am ri xitak ulok rumal ri Epaprodit, c'o ronojel ri rajawaxic chwe ruc' u wi'. Ri xiya' chwe, are je ta ne jun c'oc'alaj c'oc'al sipam cho ri Dios, ri cäc'am rumal ri Dios ri cäkaj chuwäch.