Ajilanic 9:13 - Quiché Bible

¹³ Jachin c'ut ri cutanaba' u banic ri nimak'ij re ri Oc'owem ri ch'ajch'oj c'u ne man naj ta c'u benak wi, rajawaxic quesax chquixo'l ri e u winakil. Man xpe ta c'u che u ya'ic ri sipanic chuwäch ri Ajawaxel pa ri k'ijol ri k'atom, cuc'am na ri c'äjisabal wächaj u mac rech ri u mac.

Ajilanic 9:13 ပူးပေါင်းရင်းမြစ်များ

Chapletajic 17:14

Are c'u ri man kopin ta ri u wi' ri qui tz'umal ri achi wi che retal, rajawaxic resaxic chixo'l, rumal rech chi man nim ta rilom wi ri nu c'ulwächinic.”

Elem 12:15

Wukub k'ij quitij caxlanwa ri man caya' ta ch'am ruc'; rumal ri' kas pa ri nabe k'ij man cuya' taj cac'oji' ch'am pa tak ri iwachoch. Apachin ta ne ri cutij caxlanwa ri yo'm ch'am ruc' pa ronojel ri wukub k'ij, quesax ri u bi' chquixo'l ri aj israelib.

Elem 12:19

Wukub k'ij mäc'oji' ch'am pa tak ri iwachoch, apachin ta ne ri cutij caxlanwa ri yo'm ch'am ruc' quesax na ri u bi' chquixo'l ri aj israelib, we i winakil, we man winakil taj.

Elem 12:47

Are ja wa' cäquiban conojel ri aj israelib.

Elem 30:33

We c'o jachin cusuc'umaj jun aseit ri junam ruc' wa' o cujamij puwi' apachique winak, quesax ri u bi' chquixo'l ri u winakil.’ ”

Elem 30:38

Apachin ta ne ri cusuc'umaj jun c'oc' k'ol chic ri junam ta ruc' wa', ri xak ta are' cäcojowic, quesax ri u bi' chquixo'l ri u winakil.”

Ri Ezequiel 23:49

E are' tak c'ut we quieb ixokib ri', caquic'am na ri c'äjisabal u wäch ri itzel qui c'aslemal xukuje' tak ri e quech ri qui mac rumal ri qui k'ijilaxic tak ri e diosib. Are c'u ri ix quich'ob na chi in ri' ri Ajawaxel.”

Aj Levitib 17:10

“In quinc'ulelaj na ronojel aj israel o ri man i winakil taj ri jekel chixo'l ri cutij, apachique ta ne quic'. In quinwesaj na chquixo'l ri e u tinimit.

Aj Levitib 17:4

we man cuc'am ta c'u ulok chuchi' ri oquibal chupam ri Lic'om Rachoch Dios re rikoj ib che u chi'xic jacha' che sipanic che ri Ajawaxel chuwäch ri cäk'ijilax wi, cux na ajchak'mac che u jamixic ri quic', rumal ri' quesax na ri u bi' chquixo'l ri e u winakil.

Aj Levitib 20:20

We c'o jun cak'oyi' ruc' ri rixokil ri rican cäresaj u q'uixbal ri rican; e quieb quekajebex na rumal ri qui mac, quicabichal quecäm na, man c'o ta calc'ual quequiya' canok.

Aj Levitib 22:9

Chabij chque chi chquitz'akatisaj ri nu pixab ri tz'ibatalic rech man quekaj ta pa jun mac, rumal rech chi man queniman ta che, we je caquiban wa' man quecäm ta na. In ri' ri Ajawaxel ri e nu tasom che nu patanixic.

Aj Levitib 24:15

Chabij c'u chque ri aj israelib: Apachin ri cuc'okoj ri u Dios, cäkajbex na rumal ri retzelal, apachin ri cuyok' ri u bi' ri Ajawaxel, cäcämisax na, cäbuc' na chabaj cumal conojel. We man aj Israel taj, che i winakil, we cuyok' ri u bi' ri Dios, chc'okox che cämical.

Ajilanic 19:13

We c'o jachin jun cuchap jun winak cäminak man c'u cuch'ajch'ojirisaj ta rib, cärawasij ri u k'ijilabal ri Ajawaxel, rumal c'u ri', rajawaxic quesax chquixo'l ri aj israelib. Man c'u chicom ta ruc' ri ja' re ch'ajch'ojirisanic, cäriktajic chi c'o pa ri tz'ilol.

Ajilanic 19:20

We jun winak ri kas tz'ilobinak ri man cujosk'ij ta rib rajawaxic quesax chuxo'l ri u tinimit, cärawasij c'ut ri u k'ijilabal ri Ajawaxel. Man chicom ta c'ut ruc' ri ja' re josk'ibal ib, u takem jekelem chupam ri tz'ilol.

Ajilanic 5:31

Ri achajilaxel man c'o ta cutaklebej, we c'u c'o u mac ri ixok are' cäkajben na ri' ri c'äjisabal wächaj.”

Ajilanic 9:7

xquibij c'u che ri Moises: “Uj ka chapom jun cäminak, rumal c'u ri' uj uxinak tz'il. ¿La ma ta c'u lo cäyataj chke chi quel kaya' ri sipanic chuwäch ri Ajawaxel pa ri k'ijol ri k'atom, junam cuc' ri niq'uiaj aj israelib chic?”

Hebreos 12:25

Rumal ri' chixoc il mixutuj ri cujch'abenic. E are' tak c'ut ri xquixutuj ri Dios aretak xepixbex rumal waral cho ri uwächulew, man xeto'tajtaj. Mawi c'u ne ri uj man cujto'tajtaj, we are cakaya' ri uwo kachak chuwäch ri cujpixben kas pa ri caj.

Hebreos 2:3

E ta c'u lo ri uj, ¿jas ta cäkabano cujto'tajic, we man cujoc il che ri nimalaj tok'ob ri xuban ri Dios che ka colic? Nabe xtzijox wa' rumal ri Ajawaxel, te c'u ri' xbix chke chi kastzij cumal ri xeto'wic.

Hebreos 6:6

xquijech'obisaj c'u quib, man cäban ta chi cuinic chque quetzelex ruc' ri Dios, rumal rech chi cäquirip chi jumul pa que wi ri u C'ojol ri Dios, cäquesaj u q'uixbal.

Hebreos 9:28

jeri' xukuje' ri Crist xa' jumul xya' che tabal tok'ob che resaxic ri qui mac ri e q'ui. Chucamul cäpe na, man che ta quesaxic ri macaj, xane' che qui colic ri winak ri queyem ri are'.