Ajilanic 8:18 - Quiché Bible

¹⁸ Che c'u ri qui q'uexwäch ri e are' xebenc'am ri aj levitib.

Ajilanic 8:18 ပူးပေါင်းရင်းမြစ်များ

Chapletajic 48:14

Ri Jacob aretak xuyuk ri u k'ab paquiwi', xebujalc'atij ri u k'ab, ri u wiquiak'ab xuya' puwi' ri u jolom ri Eprain ri chak'axel, are c'u ri u mox, xuya' puwi' ri u jolom ri Manases pune' are nabeal.

Ajilanic 3:12

“Chquixo'l ri aj israelib xeben cha' wi ri aj levitib, che u q'uexwäch ri nabeal c'ojolaxel re jujun tak ja winak. Ri e are' e ya'tal chwe,

Ajilanic 3:9

Chebatasa' ri aj levitib chquixo'l ri niq'uiaj aj israelib chic, rech kas quecanaj che u patanixic ri Aaron xukuje' tak ri e rija'lil,

Ajilanic 8:17

rumal rech chi e wech conojel ri e qui nabeal ri aj israelib, je xukuje' ri e nabe tak cal ri e cawaj. Aretak xinbano chi xecäm conojel ri e qui nabeal conojel ri aj ejiptib, xebentas c'u can chwe ri e nabeal tak qui c'ojol ri aj israelib.

Ajilanic 8:19

In xebencha' ri aj levitib chquixo'l ri niq'uiaj aj israelib chic, xebenjach che ri Aaron xukuje' chque ri e u c'ojol, rech pa ri qui bi' ri aj israelib queboc che ri patanijic chupam ri Lic'om Rachoch Dios re rikoj ib, quirika' c'ut ri sachbal macaj ri cuya' ri Ajawaxel chque ri aj israelib. Jeri' ri aj israelib man rajawaxic ta chque quenakajin che ri k'ijilabal, man c'o ta c'u caquic'ulmaj na.”