Ajilanic 7:10 - Quiché Bible

¹⁰ Aretak xtastaj ri porobal ri e c'amal tak qui be ri amak' xequic'am bic tak ri e qui sipanic xequiya' c'u chuwäch ri porobal.

Ajilanic 7:10 ပူးပေါင်းရင်းမြစ်များ

Nabe Ajawinelab 8:63

Ri Salomon xebuchi'j che ri Ajawaxel juwinak quieb mil (22,000) ama'ib tak wacax xukuje' jun sient ruc' juwinak mil (120,000) chij, jacha' che tabal tak tok'ob re utzirisan ib. Jewa' xuban ri ajawinel xukuje' conojel ri aj israelib che u tasic ri rachoch ri Ajawaxel.

Ucab Tzijobelil 7:5

Are' c'u ri ajawinel Salomon xebuchi'j che tabal tok'ob juwinak quieb mil ama'ib tak wacax xukuje' jun sient juwinak mil chij. Jewa' xuban ri ajawinel xukuje' ronojel Israel che u tasic ri rachoch Dios.

Ucab Tzijobelil 7:9

Chucab k'ij xquichaplej u banic jun nimak'ij ri sibalaj nim u banic, rumal rech chi wukub k'ij xebeytaj che u tasic ri porobal wukub k'ij chi c'ut xcoc'owisaj ri nimak'ij que tak ri Cäbal.

Ri Nehemiy 12:27

Aretak xopan ri k'ij che u tasic ri nimalaj tapia aj Jerusalen, xetzucux ri aj levitib pa conojel tak ri c'olbal jawije' tak ri e jekel wi, xec'am c'u ulok pa Jerusalen rech caquiban ri nimak'ijaj che ri tastaliquil ruc' quicotemal, k'ijilanic xukuje' tak bixonic, achilatal cumal quetecak tak k'an ch'ich', arp xukuje alaj tak arp.

Ri Nehemiy 12:43

Pa ri k'ij ri' xechi'x q'ui tabal tak tok'ob, sibalaj c'u xequicot ri winak rumal rech chi ri Dios xebunojisaj che nimalaj quicotemal. Ri ixokib xukuje' tak ri ac'alab xukuje' sibalaj xequicotic, ri jajatem ri xban pa Jerusalen xtataj c'ä chinaj.

Salmib 30:1

Ajawaxel, in quinya' k'ij la rumal chi xincol la, man yo'm ta la be chi cäquitze'j nu wäch ri e nu c'ulel.

Ajilanic 7:1

Pa ri k'ij aretak ri Moises xuq'uis u woquic ri k'ijilabal, xutaso ruc' aseit, e rachil conojel ri e u chaconisan ri k'ijilabal xukuje' ri e rech ri porobal.

Ajilanic 7:11

Xubij c'ut ri Ajawaxel che ri Moises: “K'ij chk'ij jun c'amal u be jun amak' jalanic ri cuc'am ulok ri u sipanic che ri u tasic che ri porobal.”

Ajilanic 7:84

Je c'u ri', aretak xtastaj ri porobal, ri e c'amal tak qui be ri ramak' ri Israel xequichi'j cablajuj liq'uilak tak lak re sak puak, cablajuj nimak tak lak re sak puak xukuje' cablajuj paq'uebal re k'an puak.

Ajilanic 7:88

Ri awajib chnimalaj conojel ri quecoj che ri tabal tok'ob re utzirisan ib chi conojel e juwinak quiejeb (24) c'ojol tak wacax, oxc'al ama'ib tak chij, oxc'al ama'ib tak q'uisic' xukuje' oxc'al alaj ama'ib tak chij re jujun qui junab. E are tak sipanic wa' che ri u banic ri rawas ri porobal, aretak tastajinak chic.

U Camulixic ri Pixab 20:5

Quech'aw chi c'u na ri c'amal tak be, cäquibij c'u na: ‘We c'o jun chiwe u banom can jun c'ac' rachoch ri c'ä maja' coc chupam tzelej cho rachoch, mäcäm ne can pa ri ch'o'j jun ta chi c'u wi ri coc chupam.